ಜಗತ್ತಿನ ಬಲಶಾಲಿ ಜೇಮ್ಸ್​ ವೆಬ್​ ಟೆಲಿಸ್ಕೋಪ್‌ ಸ್ಯಾಟಲೈಟ್‌ ಉಡಾವಣೆ ಯಶಸ್ವಿ

ಫ್ರೆಂಚ್‌ ಗಯಾನಾ: ಜಗತ್ತಿನಲ್ಲೇ ಅತಿ ಬಲಶಾಲಿಯಾದ ಬಾಹ್ಯಾಕಾಶ ಟೆಲಿಸ್ಕೋಪ್​ ಸ್ಯಾಟಲೈಟ್‌ ಅನ್ನು ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ನಾಸಾ)  ಫ್ರೆಂಚ್​ ಗಯಾನಾದಿಂದ ಶನಿವಾರ ಯಶಸ್ವಿಯಾಗಿ ಉಡಾವಣೆ ಮಾಡಿದೆ. ಭೂಮಿಯಿಂದ 9.30 ಲಕ್ಷ ಮೈಲಿ ಎತ್ತರ ಕಕ್ಷೆಗೆ ಹೋಗಲು ಒಂದು ತಿಂಗಳು ಪಯಣಿಸಲಿರುವ ರಾಕೆಟ್‌, ನಂತರ ಟೆಲಿಸ್ಕೋಪ್ ಅನ್ನು ಅಲ್ಲಿ ಸ್ಥಾಪಿಸಲಿದೆ.

ಅಂದಾಜು 75 ಸಾವಿರ ಕೋಟಿ ರೂಪಾಯಿ ವೆಚ್ಚದ ಈ ಯೋಜನೆಗನ್ನು ಯುರೋಪ್​ ಹಾಗೂ ಕೆನಡಾದ ಬಾಹ್ಯಾಕಾಶ ಸಂಸ್ಥೆಗಳ ಜತೆಗೂಡಿ ನಾಸಾ ರೂಪಿಸಿದೆ. ಭೂಮಿ ಮೇಲೆ ಹಾರಾಡುತ್ತಿರುವ ಖೇಚರಗಳನ್ನು ಟೆಲಿಸ್ಕೋಪ್​ ನಿಖರವಾಗಿ  ಗುರುತಿಸುತ್ತದೆ. 1990ರಲ್ಲಿ ಉಡಾವಣೆ ಮಾಡಲಾದ ಹಬಲ್​ ಟೆಲಿಸ್ಕೋಪ್​ಗಿಂತ ಇದು 100 ಪಟ್ಟು ಬಲಶಾಲಿ ಆಗಿದೆ. 6 ತಿಂಗಳ ಹಿಂದೆ ಹಬಲ್​ ತಾಂತ್ರಿಕ ಕಾರಣದಿಂದ ಕೆಲಸ ಮಾಡುತ್ತಿಲ್ಲ.

ಭೂಮಿಯ ಉಗಮಿಸಿದ ವೇಳೆ ಇದ್ದ ಆಕಾಂಶಗಂಗೆ, ಉಲ್ಕೆ, ಗ್ರಹಗಳ ಕುರಿತು ಅಧ್ಯಯನ ನಡೆಸುವುದು ಈ ಟೆಲೆಸ್ಕೋಪ್ನ  ಪ್ರಮುಖ ಉದ್ದೇಶ ಇದು ಬ್ರಹ್ಮಾಂಡದ ಸೃಷ್ಟಿಯ ಕೌತುಕವನ್ನು ಬಹಿರಂಗಪಡಿಸುವ ನಿರೀಕ್ಷೆ ಇದೆ. ಅನ್ಯಗ್ರಹ ಜೀವಿಗಳ ಅಧ್ಯಯನಕ್ಕೂ ಟೆಲಿಸ್ಕೋಪ್​ ನೆರವು ನೀಡಲಿದೆ. ಈ ಟೆಲೆಸ್ಕೋಪ್‌ಗೆ ನಾಸಾದ ಎರಡನೇ ಮುಖ್ಯಸ್ಥರಾಗಿದ್ದ ಜೇಮ್ಸ್​ ವೆಬ್​ ಅವರ ಹೆಸರು ಇಡಲಾಗಿದೆ.

James Webb Space Telescope Launched By Nasa
ಇದನ್ನು ಓದಿ: ಗುರುವಿನ ಕ್ಷುದ್ರಗ್ರಹ ಅನ್ವೇಷಣೆಗೆ ನಾಸಾದ ಗಗನನೌಕೆ

ಇದನ್ನೂ ಓದಿ: ಚಂದ್ರನಲ್ಲಿ ಕ್ಯೂಬ್‌ ಆಕಾರದ ನಿಗೂಢ ಮನೆ ಪತ್ತೆ ಮಾಡಿದ ಚೀನಾದ ರೋವರ್‌