ಶಕ್ತಿಪ್ರದರ್ಶನಕ್ಕೆ ಸಜ್ಜಾದ ಯಡಿಯೂರಪ್ಪ: ರಾಜ್ಯ ಬಿಜೆಪಿಗೆ ತಲೆಬಿಸಿ

ಬೆಂಗಳೂರು:  ಮಾಲ್ಡೀವ್ಸ್ ಪ್ರವಾಸ ಮುಗಿಸಿ ರಾಜ್ಯಕ್ಕೆ ಮರಳಿ, ಶಕ್ತಿ ಪ್ರದರ್ಶನಕ್ಕೆ ಮುಂದಾಗಿರುವ ಬಿ.ಎಸ್. ಯಡಿಯೂರಪ್ಪನವರು ರಾಜ್ಯ ಬಿಜೆಪಿ ಸರ್ಕಾರಕ್ಕೆ ತಲೆಬಿಸಿಯಾಗುವ ಸಾಧ್ಯತೆ ಇದೆ. ಯಡಿಯೂರಪ್ಪನವರನ್ನು ಮುಖ್ಯಮಂತ್ರಿ ಸ್ಥಾನದಿಂದ ಕೆಳಗಿಳಿಸಿರುವುದು ಯಡ್ಡಿ ಬಳಗಕ್ಕೆ ನುಂಗಲಾರದ ತುತ್ತಾಗಿದೆ.

ಯಡ್ಡಿಯವರ ರಾಜ್ಯಪ್ರವಾಸವನ್ನು ತಡೆಯಲು ಬಿಜೆಪಿ ಹೈಕಮಾಂಡ್ ಪ್ರಯತ್ನಿಸುತ್ತಿದೆ, ಇದೇ ಕಾರಣಕ್ಕೆ ಮೈಸೂರಿನಲ್ಲಿ ಬಿಜೆಪಿ ರಾಜ್ಯ ಉಸ್ತುವಾರಿ ಸಚಿವ ಅರುಣ್ ಸಿಂಗ್ ಮನವೊಲಿಸಲು ಬಂದಿದ್ದರು ಎನ್ನಲಾಗಿದೆ.  ಈ ಕುರಿತ ಪ್ರಶ್ನೆಗೆ ಅವರು ಉತ್ತರಿಸದೆ ವಿಷಯಾಂತರ ಮಾಡಿದ್ದರು.

ಮುಂಬರುವ ಚುನಾವಣೆಯಲ್ಲಿ ತನ್ನ ಮಗ ವಿಜಯೇಂದ್ರನನ್ನು ಸ್ಥಾಪಿಸುವುದು ಸಹ ಬಿಎಸ್ ವೈ ಉದ್ದೇಶವಾಗಿದೆ ಎಂಬ ವಿಷಯ ಸಹ ಕೇಳಿಬರುತ್ತಿದೆ.