ಅವ್ವ-ಅಪ್ಪನ ಮೇಲೆ ಕೇಸ್ ಹಾಕಿದ ತಮಿಳು ನಟ ವಿಜಿಯ್ 

ಚನ್ನೈ: ತನ್ನ ಮತ್ತು ತನ್ನ ಫ್ಯಾನ್ಸ್ ಕ್ಲಬ್ ಹೆಸರನ್ನು ರಾಜಕೀಯದಲ್ಲಿ ಬಳಸಿಕೊಳ್ಳುವುದನ್ನು ತಡೆಯಲು ಅವರು ಪೊಲೀಸರ ಮೊರೆ ಹೋಗಿದ್ದಾರೆ. ಆಲ್ ಇಂದಿಯಾ ತಲಪತಿ ವಿಜಯ್ ಮಕ್ಕಳ್ ಇಯಕ್ಕಮ್ ಎಂಬ ರಾಜಕೀಯ ಪಕ್ಷವನ್ನು ನಟ ವಿಜಯ್ ತಂದೆ, ನಿದೇಶಕ ಎಸ್. ಎ. ಚಂದ್ರಶೇಖರ್ ಪ್ರಾರಂಭಿಸಿದ್ದ ಹಿನ್ನೇಲೆಯಲ್ಲಿ ಈ ದೂರನ್ನು ದಾಖಲಿಸಿದ್ದಾರೆ ಎನ್ನಲಾಗಿದೆ.

ಅವ್ವ-ಅಪ್ಪ ಸೇರಿದಂತೆಒಟ್ಟು ೧೧ ಮಂದಿಯ ವಿರುದ್ಧ ವಿಜಯ್ ದೂರು ದಾಖಲಿಸಿದ್ದು, ತಮಿಳು ಸಿನೆಮಾ ಮತ್ತು ಮಾಧ್ಯಮ ಲೋಕದಲ್ಲಿ ದೊಡ್ಡ ಸುದ್ಧಿ ಮಾಡಿದೆ. ವಿಜಯ್ ಹೆಸರಿನಲ್ಲಿ ಪ್ರಾರಂಭಿಸಿರುವ ರಾಜಕೀಯ ಪಕ್ಷಕ್ಕೆ ಎಸ್. ಎ ಚಂದ್ರಶೇಖರ್ ಜನರಲ್ ಸೆಕ್ರೆಟರಿ, ಶೋಭಾ ಚಂದ್ರಶೇಖರ್ ಖಜಾಂಚಿ, ಪದ್ಮನಾಭನ್ ನಾಯಕನಾಗಿದ್ದು ಭಾರತದ ಚುನಾವಣಾ ಆಯೋಗದಲ್ಲಿ ನೊಂದಣಿ ಮಾಡಿಸಲಾಗಿದೆ.

ಸದರಿ ಪಕ್ಷಕ್ಕೂ ತನಗೂ ಯಾವುದೇ ಸಂಬಂಧವಿಲ್ಲ ಎಂಬುದನ್ನು ತಮಿಳು ನಟ ವಿಜಿ ಸ್ಪಷ್ಟಪಡಿಸಿದ್ದಾರೆ. ತನ್ನ ತಂದೆಯ ರಾಜಕೀಯ ಹಿತಾಸಕ್ತಿಗಳನ್ನು ತಾನು ಅನುಸರಿಸುವುದಿಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದು, ಪ್ರತ್ಯಕ್ಷವಾಗಿ, ಪರೋಕ್ಷವಾಗಿ ತಮಗೆ ಸಂಬಂಧ ಹೊಂದಿಲ್ಲ ಎಂದು ಸಹ ಹೇಳಿದ್ದಾರೆ. ಇದರ ಜೊತೆಗೆ ತಮ್ಮ ಅಭಿಮಾನಿಗಳು ಈ ಪಕ್ಷಕ್ಕೆ ಸೇರಬಾರದು ಎಂದು ಸಹ ವಿನಂತಿ ಮಾಡಿಕೊಂಡಿದ್ದಾರೆ.