China: ಕಾಣೆಯಾಗಿರುವ ಟೆನಿಸ್‌ ಆಟಗಾರ್ತಿಯ ಬಗ್ಗೆ “ಪರಿಶೀಲಿಸಿ ಖಚಿತಪಡಿಸಿಕೊಳ್ಳಬಹುದಾದ” ಸಾಕ್ಷ್ಯ ನೀಡಿ: ಚೀನಾಕ್ಕೆ ಬ್ರಿಟನ್ ತಾಕೀತು

ಬೆಂಗಳೂರು: ಟೆನಿಸ್‌ ಆಟಗಾರ್ತಿ ಪೆಂಗ್‌ ಶುವಾಯ್‌ರ ಸುರಕ್ಷೆ ಹಾಗೂ ಉಪಸ್ಥಿತಿಯ ಬಗ್ಗೆ “ಪರಿಶೀಲಿಸಿ ಖಚಿತಡಿಸಿಕೊಳ್ಳಬಹುದಾದ” ಸಾಕ್ಷ್ಯಗಳನ್ನು ತಕ್ಷಣವೇ ಒದಗಿಸಬೇಕೆಂದು ಶನಿವಾರ ಬ್ರಿಟನ್ ದೇಶವು ಚೀನಾವನ್ನು ಒತ್ತಾಯಿಸಿದೆ. ಚೀನಾದ ಕಮ್ಯುನಿಸ್ಟ್‌ ಪಕ್ಷದ ಉನ್ನತ ಅಧಿಕಾರಿಯೊಬ್ಬ ಇತ್ತೀಚೆಗೆ ತನ್ನ ಮೇಲೆ ಲೈಂಗಿಕ ದೌರ್ಜನ್ಯ ನಡೆಸಿದ್ದನೆಂದು ಆರೋಪಿಸಿದ್ದ ಈ ಆಟಗಾರ್ತಿಯು ನಂತರದ ದಿನಗಳಲ್ಲಿ ಕಾಣೆಯಾಗಿದ್ದು ಸದ್ಯ ಎಲ್ಲಿದ್ದಾಳೆ, ಹೇಗಿದ್ದಾಳೆ ಎಂದು ತಿಳಿದಿಲ್ಲ.

ಹೀಗೆ ಏಕಾಏಕಿ ಕಾಣೆಯಾಗಿರುವ ಆಟಗಾರ್ತಿಯ ಬಗ್ಗೆ ನಾವು ತೀವ್ರವಾದ ಚಿಂತೆಗೀಡಾಗಿದ್ದು ಬೆಳವಣಿಗೆಗಳ ಮೇಲೆ ಗಮನವಿಟ್ಟಿದ್ದೇವೆಂದು ಬ್ರಿಟಿಷ್ ವಿದೇಶಾಂಗ ಕಾರ್ಯಾಲಯವು ತಿಳಿಸಿದೆ. ಆಕೆಯ ಸುರಕ್ಷೆ ಹಾಗೂ ಆಕೆಯಿರುವ ಸ್ಥಳದ ಬಗ್ಗೆ ಖಚಿತ ಸಾಕ್ಷ್ಯಗಳನ್ನು ನೀಡುವಂತೆ ಬ್ರಿಟನ್‌ ಚೀನಾ ಸರಕಾರವನ್ನು ಆಗ್ರಹಿಸಿದೆ. ಪರಿಣಾಮಗಳ ಬಗ್ಗೆ ಭಯಪಡದೆ ಎಲ್ಲರಿಗೂ ತಮ್ಮ ಮನದ ಮಾತುಗಳನ್ನು ಬಹಿರಂಗವಾಗಿ ಹೇಳಿಕೊಳ್ಳಲು ಅವಕಾಶ ಮಾಡಿಕೊಡಬೇಕೆಂದು ಆಗ್ರಹಿಸಿರುವ ಹೇಳಿಕೆಯು ಲೈಂಗಿಕ ದೌರ್ಜನ್ಯಗಳು ವಿಶ್ವದ ಯಾವುದೇ ಭಾಗದಲ್ಲಿ ನಡೆದರೂ ಸೂಕ್ತ ತನಿಖೆ ನಡೆಸಿ ಕ್ರಮ ಕೈಗೊಳ್ಳಬೇಕು ಎಂದೂ ಹೇಳಿದೆ.

ಚೀನಾದ ಸರಕಾರಿ ಮಾಧ್ಯಮಗಳು ಶುಕ್ರವಾರ ಕಾಣೆಯಾಗಿರುವ ಆಟಗಾರ್ತಿಯು ಸುರಕ್ಷಿತವಾಗಿರುವಂತೆ ಕಾಣುವ ವಿಡಿಯೋಗಳನ್ನು ಪ್ರಸಾರ ಮಾಡಿದ್ದವಾದರೂ ಇವನ್ನು ದೃಢಪಡಿಸಿಕೊಳ್ಳಲು ಸಾಧ್ಯವಾಗಿರಲಿಲ್ಲ. ವಿಶ್ವಸಂಸ್ಥೆ ಹಾಗೂ ಅಮೆರಿಕಾ ದೇಶವೂ ಸಹ ಇದೇ ರೀತಿಯ ಹೇಳಿಕೆಗಳನ್ನು ನೀಡಿದ್ದು ಈಗ ಬ್ರಿಟನ್ ಸಹಾ ಇದಕ್ಕೆ ದನಿಗೂಡಿಸಿದಂತಾಗಿದೆ.

ನವೆಂಬರ್ ತಿಂಗಳ ಆರಂಭದಲ್ಲಿ ಚೀನಾದ ಎರಡು ಬಾರಿಯ ಟೆನಿಸ್ ಡಬಲ್ಸ್ ಗ್ರಾಂಡ್‌ಸ್ಲ್ಯಾಮ್ ಚಾಂಪಿಯನ್ 35 ವರ್ಷದ ಪೆಂಗ್  ಶುವಾಯ್‌ “ಚೀನಾದ ಮಾಜಿ ಉಪಪ್ರಧಾನಿ ತನ್ನೊಂದಿಗೆ ದೈಹಿಕ ಸಂಪರ್ಕ ಹೊಂದುವಂತೆ ಒತ್ತಾಯಿಸಿದ್ದರೆಂದು ಆರೋಪ ಮಾಡಿದ್ದರು.” ಇದಾದ ನಂತರ ಆಕೆ ಕಾಣೆಯಾಗಿದ್ದು ಆಕೆಯ ಮಾಹಿತಿಯನ್ನು ನೀಡುವಂತೆ ಚೀನಾದ ಮೇಲೆ ಅಂತರರಾಷ್ಟ್ರೀಯ ಒತ್ತಡ ಹೆಚ್ಚುತ್ತಿದೆ.

International pressure mounts on China to share verifiable evidences about the safety and whereabouts of missing tennis doubles champion Peng Shuai

ಇದನ್ನೂ ಓದಿ: Cricket: ಮುಂದಿನ T20 ವಿಶ್ವಕಪ್‌ ಪಂದ್ಯಾವಳಿಯಲ್ಲಿ ಗಮನಸೆಳೆಯುವ ಭರವಸೆಯ ಆಟಗಾರರಿವರು – ಭವಿಷ್ಯ ನುಡಿದ ಹರಭಜನ್‌ ಸಿಂಗ್‌

ಇದನ್ನೂ ಓದಿ: ಐಪಿಎಲ್‌ಗಿಂತ ದೇಶಕ್ಕಾಗಿ ಆಡುವುದಕ್ಕೆ ಗಮನ ನೀಡಿ: ಟೀಂ ಇಂಡಿಯಾ ಆಟಗಾರರ ವಿರುದ್ಧ ಕಪಿಲ್ ದೇವ್ ಗರಂ