ಮುಂಬೈ: ಬಾಲಿವುಡ್‌ನಲ್ಲಿ ಎರಡನೇ ತಲೆಮಾರಿನ ಉದಯೋನ್ಮುಖ ನಟಿ-ನಟಿಯರು ಸಿನಿಮಾ ಕೊರೊನಾ ಇಳಿಮುಖದ ಕಾಲದಲ್ಲಿ ಹೆಚ್ಚು ಸುದ್ದಿ ಮಾಡುತ್ತಿದೆ. ಅದರಲ್ಲೂ ಪ್ರಭಾವಿ ಬೋನಿ ಕಪೂರ್ ಕುಟುಂಬದ ಕುಡಿಯಾಗಿರುವ ಜಾಹ್ನವಿ ವಾಣಿಜ್ಯ ಸಿನಿಮಾದಲ್ಲಿ ನಟಿಸುವ ಹಂಬಲ ವ್ಯಕ್ತಪಡಿಸಿದ್ದಾರೆ. ಸೂಕ್ತ ಚಿತ್ರಕಥೆ ಮತ್ತು ಅವರಿಗೆ ಹೊಂದುವಂತಹ ಪಾತ್ರಕ್ಕಾಗಿ ಕಾಯುತ್ತಿದ್ದಾರೆ. ‘ಫಿಲ್ಮ್‌ ಕಂಪಾನಿಯನ್‌’ಗೆ ನೀಡಿರುವ ಸಂದರ್ಶನದಲ್ಲಿ ಇದನ್ನು ವ್ಯಕ್ತಪಡಿಸಿದ್ದಾರೆ.
ಪ್ರಶ್ನೆ: ಸಮಕಾಲೀನ ಬಾಲಿವುಡ್‌ನಲ್ಲಿ ನಟಿಯಾಗಿರುವುದು ಸ್ಟಾರ್‌, ಪ್ರಭಾವಿ ಅಥವಾ ಬ್ರ್ಯಾಂಡ್‌ಗೆ ಸಮಾನವೇ ಅಥವಾ ಇದಕ್ಕೆ ಭಿನ್ನವಾದುದ್ದೆ?
ಜಾಹ್ನವಿ: ಇದು ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನವಾಗಿರುತ್ತದೆ ಮತ್ತು ಯಾವುದಕ್ಕೆ ಪ್ರಾಧನ್ಯ ನೀಡುತ್ತೇವೆ ಎಂಬುದನ್ನು ಅವಲಂಬಿಸಿರುತ್ತದೆ. ನಮ್ಮ ಕೆಲಸಗಳೇ ನಮ್ಮತನವನ್ನು ಧ್ವನಿಸಬೇಕು ಎಂಬುದರಲ್ಲಿ ನನಗೆ ನಂಬಿಕೆ ಹೆಚ್ಚು. ಕುಟುಂಬ, ಪ್ರಭಾವ, ಬ್ರ್ಯಾಂಡ್‌ಗಳು ಒಂದು ಹಂತದವರೆಗೆ ನೆರವಾಗುತ್ತವೆ. ಆದರೆ, ಕ್ಯಾಮರಾ ಮುಂದೆ ನಿಂತಾಗ ನಮ್ಮಲ್ಲಿರುವ ಕಲೆಯೇ ಮುಖ್ಯವಾಗುತ್ತದೆ ಹೊರತು ಬೇರೆಯದ್ದಲ್ಲ.
ಪ್ರಶ್ನೆ: ಉತ್ತಮ ನಟಿಯಾಗಬೇಕೆಂಬ ಹಂಬಲವನ್ನು ಹಲವು ಸಾರಿ ಹೇಳಿದ್ದೀರಿ. ಇದರರ್ಥ ರಾಷ್ಟ್ರೀಯ ಪ್ರಶಸ್ತಿ ಪಡೆಯುವುದೆ? ಇದಕ್ಕಾಗಿ ನಿರ್ದಿಷ್ಟ ಕೌಶಲವನ್ನು ಸಂಪಾದಿಸಬೇಕೆಂಬ ಇರಾದೆ ಇದೆಯೆ?
ಜಾಹ್ನವಿ: ಉತ್ತಮ ಅಭಿನಯದ ಚಿತ್ರಗಳನ್ನು ಮಾಡಬೇಕೆಂಬ ಆಸೆ ಇದೆ. ಇದಕ್ಕಾಗಿ ನಾನು ಕ್ರಮಬದ್ಧವಾದ ತಯಾರಿ ನಡೆಸುತ್ತಿರುವೆ. ಡಾನ್ಸ್‌ ಕಲಿಯುತ್ತಿರುವೆ. ಬಿಡುವಿನ ವೇಳೆಯಲ್ಲಿ ವಿವಿಧ ಬಗೆಯ ಸಿನಿಮಾಗಳನ್ನು ನೋಡುತ್ತೇನೆ. ಸ್ಪಷ್ಟವಾಗಿ ಹಿಂದಿ ಕಲಿಯಲು ಟ್ಯೂಷನ್‌ಗೆ ಸೇರಿಕೊಂಡಿರುವೆ. ಸಿನಿಮಾ ನಿರ್ಮಾಪಕರ ಜತೆ ಹರಟೆ ಹೊಡೆಯುತ್ತೇನೆ. ಹೊಸ ವಿಷಯಗಳನ್ನು ಕಲಿಯುತ್ತೇನೆ. ಆದರೆ, ಅನುಭವವೇ ಪರಮಗುರು ಎಂಬುದು ನನ್ನ ಖಚಿತ ಅಭಿಪ್ರಾಯ. ಇಂಥ ಅನುಭವಕ್ಕಾಗಿ ಹೆಚ್ಚು ಹೆಚ್ಚು ನಟಿಸಬೇಕು. ಇದರ ಜತೆ ಉತ್ತಮ ಮಾನವರಾಗಲು ಶಿಕ್ಷಣ, ಸಂಸ್ಕೃತಿಯು ಅಗತ್ಯ. ಸಾಮಾಜಿಕವಾಗಿ ಖಚಿತ ರಾಜಕೀಯ ಅಭಿಪ್ರಾಯವೂ ಬೇಕು.
ಪ್ರಶ್ನೆ: ಸಿನಿಮಾ ಕಲಾವಿದರು ರಾಜಕೀಯ ಅಭಿಪ್ರಾಯಗಳನ್ನು ಹೊಂದಿರುವುದು ಈಗನ ಕಾಲಘಟ್ಟದಲ್ಲಿ ಅಪಾಯ ಎನಿಸುವುದಿಲ್ಲವೆ? ನಿಮ್ಮ ರಾಜಕೀಯ ದೃಷ್ಟಿಕೋನ ವೈಯಕ್ತಿಕ ತೃಪ್ತಿಗಾಗಿಯೋ ಅಥವಾ ಇದನ್ನು ಹಂಚಿಕೊಳ್ಳಲು ಬಯಸಿದ್ದೀರಾ?
ಜಾಹ್ನವಿ: ಯಾವುದೇ ಅಭಿಪ್ರಾಯ ಮೊದಲ ಉದ್ದೇಶ ಆತ್ಮ ತೃಪ್ತಿಯೇ. ಹಂಚಿಕೊಳ್ಳುವುದು ಅಥವಾ ಬಿಡುವುದು ಐಚ್ಛಿಕ. ರಾಜಕೀಯ ದೃಷ್ಟಿಕೋನಗಳು ಕೆಲಸದ ಮೇಲೆ ಒಂದಿನಿತಾದರೂ ಪರಿಣಾಮ ಬೀರುತ್ತವೆ. ಚಿತ್ರಕಥೆ ಆಯ್ಕೆ, ಪಾತ್ರದ ವಿಶ್ಲೇಷಣೆ, ಪಾತ್ರದ ಬೇಕು- ಬೇಡಗಳು ರಾಜಕೀಯ ಅಭಿಪ್ರಾಯದ ಪ್ರಭಾವಕ್ಕೆ ಒಳಾಗುತ್ತವೆ ಮತ್ತು ನಮ್ಮ ಕೆಲಸದಲ್ಲಿ ಪ್ರತಿಫಲಿಸುತ್ತವೆ. ಕಲಾವಿದರು ಇಂತಹ ಪ್ರತಿಕ್ರಿಯೆಗಳನ್ನು ತೋರುಬೇಕಿರುವುದು ಅವರ ಸಾಮಾಜಿಕ ಹೊಣೆಗಾರಿಕೆಯೂ ಆಗಿರುತ್ತದೆ.
ಪ್ರಶ್ನೆ: ಕಮಷರ್ಷಿಯಲ್‌ ಸಿನಿಮಾದಲ್ಲಿ ಸಿದ್ಧ ಸೂತ್ರಗಳು ರೂಢಗತವಾಗಿ ಹೋಗಿದೆ. ಅಂದರೆ ಮೂರು ಹಾಡು, ಎರಡು ಫೈಟ್‌, ಎಂಬಂತಾಗಿದೆ. ಇಂಥ ಪಾತ್ರಗಳನ್ನು ನೀವು ನಿಜಕ್ಕೂ ಬಯಸುವಿರಾ?
ಜಾಹ್ನವಿ: ಹೌದು, ಈ ರೀತಿ ಪ್ರವೃತ್ತಿ ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗಿದೆ. ಆದರೆ, ನಟ-ನಟಿಯರು ಯಾವಾಗಲೂ ಉತ್ತಮ ಚಿತ್ರಕಥೆ, ಸವಾಲಿನ ಪಾತ್ರಗಳನ್ನೆ ಬಯಸುತ್ತಾರೆ ಮತ್ತು ಸಿನಿಮಾದ ಕೇಂದ್ರ ಬಿಂದು ತಾವಾಗಬೇಕೆಂದು ನಿರೀಕ್ಷಿಸುತ್ತಾರೆ. ಅರೆಬೆಂದ ಪಾತ್ರಗಳ ಮೂಲಕ ತೆರೆಯ ಮೇಲೆ ಅಭೂತಪೂರ್ವವಾಗಿ ಕಾಣಿಸಿಕೊಳ್ಳಬೇಕೆಂದು ನಾನಂತೂ ಬಯಸುವುದಿಲ್ಲ. ಆದರೆ, ಸವಾಲೊಡ್ಡುವ ಕಮಷರ್ಷಿಯಲ್‌ಸಿನಿಮಾದ ಪಾತ್ರಗಳನ್ನು ಮಾಡಲು ಬಯಸುವೆ. ಮೂರು ಹಾಡಗಳಿದ್ದರೂ ಅಭಿನಯಿಸುವೆ ಆದರೆ, ಅಪಕ್ವವಾದ ಸೀನ್‌ಗಳಲ್ಲಿ ನಟಿಸುವುದು ಇಷ್ಟವಾಗುವುದಿಲ್ಲ. ಪಕ್ವವಾದ 30 ಸೀನ್‌ಗಳಿದ್ದರೂ ನಟಿಸುವೆ.
Janhvi Kapoor Wanting To Do Commercial Cinema
ಇದನ್ನು ಓದಿ: Bollywood: ಜಾನ್ಹವಿ ಕಪೂರ್ಳನ್ನು ಸುಸ್ತು ಮಾಡಿದ ಚಿತ್ರವಿದು…
ಇದನ್ನೂ ಓದಿ: Viral Vide: ಜಾಹ್ನವಿ ಕಪೂರ್‌ಗೆ ಅಪ್ಪ ಅಂದ್ರೆ ಅದೆಷ್ಟು ಪ್ರೀತಿ: ವೈರಲ್ ಆಯ್ತು ಮಗಳ ಕಾಳಜಿ
Discussion about this post