ಬಾಲಿವುಡ್ನ ಸ್ಟಾರ್ ನಟಿ ಕತ್ರೀನಾ ಕೈಫ್ ಡಿಸೆಂಬರ್ 9 ರಂದು “ಉರಿ” ಸಿನಿಮಾ ಖ್ಯಾತಿಯ ವಿಕ್ಕಿ ಕೌಶಲ್ ಜೊತೆ ಸಪ್ತಪದಿ ತುಳಿದಿದ್ದಾರೆ. ಮದುವೆ ಆಗಿ ಕೆಲವೇ ಕ್ಷಣಗಳಲ್ಲಿ ಇಬ್ಬರೂ ತಮ್ಮ ಸೋಷಿಯಲ್ ಮೀಡಿಯಾ ಅಕೌಂಟ್ಗಳಲ್ಲಿ ಫೋಟೋ ಶೇರ್ ಮಾಡಿದ್ದಾರೆ. ಈ ಲವ್ಲಿ ಪೇರ್ಗೆ ಸೆಲೆಬ್ರೆಟಿಗಳೂ ಸೇರಿ ಕೋಟ್ಯಂತರ ಜನ ಲೈಕ್ಸ್ ಹಾಗೂ ಕಾಮೆಂಟ್ ಮಾಡಿದ್ದಾರೆ. ಶೇರ್ ಮಾಡಿದ ಚಿತ್ರಗಳಲ್ಲಿ ಒಂದರಲ್ಲಿ ಕತ್ರಿನಾ ತನ್ನ ತಾಯಿ ಸುಸನ್ ಟೂರ್ಕೋ ಜೊತೆ ನಡೆದು ಬರುವ ಚಿತ್ರವಿದೆ. ತಂದೆ ಮುಹಮ್ಮದ್ ಕೈಫ್ರನ್ನ ಕಳೆದುಕೊಂಡ ಮೇಲೆ, ತಾಯಿಯೇ ಕತ್ರಿನಾಳ ಸಪೋರ್ಟ್ ಸಿಸ್ಟಮ್ ಆಗಿದ್ದರೆ. ಆದರೆ ಒಮ್ಮೆಯೂ ಕತ್ರಿನಾ ತಾಯಿ ಕುರಿತು ಎಲ್ಲೂ ವಿಷಯಗಳು ಹೊರ ಬಂದಿಲ್ಲ.
ಸುಸನ್ ಟೂರ್ಕೋ ಯಾರು?
ಸುಸನ್ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿದಿಲ್ಲದಿದ್ದರೂ, ಹಲವು ಮೂಲಗಳ ಪ್ರಕಾರ ಇವರು ವೃತ್ತಿಯಲ್ಲಿ ಲಾಯರ್ ಆಗಿದ್ದಾರೆ. ಆದರೆ ಇದರಿಂದ ದೂರವುಳಿದು ಹಲವಾರು ಚಾರಿಟಬಲ್ ಟ್ರಸ್ಟ್ ಗಳಲ್ಲಿ ಟೀಚರ್ ಹಾಗೂ ಟ್ರೈನರ್ ಆಗಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ. ರಿಪೋರ್ಟ್ ಪ್ರಕಾರ ಗಂಡ ಮಹಮ್ಮದ್ ಕೈಫ್ ರಿಂದ ವಿಚ್ಛೇದನ ಪಡೆದು, ಒಂಟಿಯಾಗಿ ಮಕ್ಕಳನ್ನು ಸಾಕಿದ್ದಾರೆ.
ಈ ಬಗ್ಗೆ ಕತ್ರಿನಾ ಒಂದು ಇಂಟರ್ವ್ಯೂನಲ್ಲೂ ತನ್ನ ಲೈಫ್ನಲ್ಲಿ ತಂದೆಗೆ ಅಷ್ಟೊಂದು ಮಹತ್ವ ಇಲ್ಲವೆಂದು ಹೇಳಿದ್ದಾರೆ. ಸೋಷಿಯಲ್ ಮೀಡಿಯಾ ಅಕೌಂಟ್ ನೋಡಿದರೆ, ಅಲ್ಲೂ ಕತ್ರಿನಾ ಹಾಗೂ ಸುಸನ್ ಅವರ ಸ್ಟ್ರಾಂಗ್ ಬಾಂಡ್ ಕುರಿತು ಸಾಕಷ್ಟು ಕ್ಯೂಟ್ ಫೋಟೋಗಳಿವೆ.
ಚೈಲ್ಡ್ಹುಡ್ ಫೋಟೋ ಶೇರ್ ಮಾಡಿ” ಅಮ್ಮಾ, ನಿನ್ನ ತಬ್ಬಿ ಹಿಡಿದು ಕುಣಿಯುವ ಆಸೆಯಾಗಿದೆ. ಯಾವತ್ತೂ ಅಮ್ಮನ ಹೆಗಲಿಗೆ ನೇತಾಡುವುದು ನನ್ನ ಸ್ಟ್ರಾಂಗೆಸ್ಟ್ ಮೆಮೊರಿಗಳಲ್ಲಿ ಒಂದಾಗಿದೆ. ಇನ್ನೊಂದು ಫೋಟೋದಲ್ಲಿ “ಅಮ್ಮ ಹೇಗೆ ಯಾವತ್ತೂ ಇಷ್ಟು ಖುಷಿಯಿಂದ ಇರುತ್ತಾರೆ ಎಂಬುದು ಸೋಜಿಗದ ಸಂಗತಿ. ಇನ್ನೊಬ್ಬರ ಜೀವನಕ್ಕಾಗಿ ತನ್ನ ಜೀವನ ಮುಡಿಪಾಗಿಟ್ಟ ಅಮ್ಮನ ಕುರಿತು ಎಷ್ಟು ಹೇಳಿದ್ರೂ ಸಾಲದು ಅಂದಿದ್ದಾರೆ.
ಇನ್ನೊಂದು ರಿಪೋರ್ಟ್ ಪ್ರಕಾರ, ಕತ್ರಿನಾ ತನ್ನ ಟೂರ್ಕೋ ಹೆಸರನ್ನೇ ಸರ್ ನೇಮ್ ಆಗಿ ಬಳಸಿದ್ದರು. ಆದರೆ ಬಾಲಿವುಡ್ ಎಂಟ್ರಿ ಬಳಿಕ ಜನರಿಗೆ ಪ್ರೊನೌನ್ಸ್ ಮಾಡಲು ಸುಲಭ ಆಗಲಿ ಎಂದು ಕೈಫ್ ಎಂಬುದಾಗಿ ಬದಲಾಯಿಸಿದ್ದಾರೆ. ಡಿಸೆಂಬರ್7 ರಿಂದ 9ರವರೆಗೆ ನಡೆದ ಈ ಗ್ರಾಂಡ್ ಮದುವೆಗೆ ಕೆಲವೇ ಕೆಲವು ಜನರಿಗೆ ಮಾತ್ರ ಕರೆಯಲಾಗಿತ್ತು. ಮದುವೆ ಮುಗಿಸಿ ಮಾಲ್ಡಿವ್ಸ್ಗೆ ಹನಿಮೂನ್ ಎಂಜಾಯ್ ಮಾಡಲು ಈ ಜೋಡಿ ಹೋಗಿದ್ದಾರೆ ಎಂದು ಗಾಸಿಪ್ ಶುರುವಾಗಿದೆ.
ಇದನ್ನೂ ಓದಿ: ನಿಮ್ಮ ಪಾಸ್ವರ್ಡ್ ಕತ್ರಿನಾ ಕೈಫ್ ವಿಕ್ಕಿ ಕೌಶಲ್ ಮದುವೆಯಂತೆ ಖಾಸಗಿಯಾಗಿರಲಿ
(Katrina Kaifs mother is Suzanne Turquotte everything that you need to know)
Discussion about this post