ನೀವು ಜೂನ್ ತಿಂಗಳಲ್ಲಿ ಹುಟ್ಟಿದ್ದಾ..? ಹಾಗಾದ್ರೆ ನಿಮ್ಮ ಹಠಮಾರಿ ಸ್ವಭಾವವನ್ನು ಇಂದೇ ಬಿಟ್ಟುಬಿಡಿ

ನಾವಿವತ್ತು ಜೂನ್ ತಿಂಗಳಲ್ಲಿ ಹುಟ್ಟಿದವರ ಗುಣ ಲಕ್ಷಣಗಳು ಹೇಗಿರುತ್ತದೆ ಅನ್ನೋದನ್ನ ಹೇಳಲಿದ್ದೇವೆ.

• ಮೊದಲನೇಯದಾಗಿ ಜೂನ್‌ನಲ್ಲಿ ಹುಟ್ಟಿದವರ ಉತ್ತಮ ಸ್ವಭಾವವನ್ನ ತಿಳಿಯೋಣ ಬನ್ನಿ..
• ಜೂನ್ ತಿಂಗಳಲ್ಲಿ ಜನಿಸಿದವರು ಕಾಣಲು ಆಕರ್ಷಕವಾಗಿಯೂ, ಯಾವಾಗಲೂ ಖುಷಿ ಖುಷಿಯಾಗಿರುವವರು ಆಗಿರುತ್ತಾರೆ. ಅವಶ್ಯಕತೆ ಇದ್ರೆ ಮಾತ್ರ ದುಡ್ಡು ಖರ್ಚು ಮಾಡುವ ಇವರು, ಯಾವಾಗಲೂ ಸತ್ಯದ ಪರ ಇರುತ್ತಾರೆ.
• ಇವರು ಮೃದು ಸ್ವಭಾವದವರಾಗಿದ್ದರೂ, ಕಠಿಣ ಪರಿಸ್ಥಿತಿಯನ್ನು ನಿಭಾಯಿಸುವ ಅರ್ಹತೆಯನ್ನು  ಮತ್ತು ಧೈರ್ಯವನ್ನು ಹೊಂದಿರುತ್ತಾರೆ. ಈ ಸ್ವಭಾವದಿಂದಲೇ, ಅವರು ಯಾವ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಾರೋ, ಅಲ್ಲಿ ಯಶಸ್ಸು ಕಾಣುತ್ತಾರೆ.
• ಸುಮ್ಮನೆ ಕೂರರಲು ಬಯಸದ ಇವರು, ಒಂದಲ್ಲಾ ಒಂದು ಕೆಲಸದಲ್ಲಿ ಬ್ಯುಸಿ ಇರುತ್ತಾರೆ. ಇನ್ನು ಜೀವನದಲ್ಲಿ ಉತ್ತಮ ನಿರ್ಧಾರವನ್ನೇ ತೆಗೆದುಕೊಳ್ಳುವ ಇವರು, ಉತ್ತಮವಾದ ಸಲಹೆಯನ್ನೇ ಕೊಡುತ್ತಾರೆ.
• ಅಲ್ಲದೇ ಯಾವುದಾದರೂ ಕೆಲಸವನ್ನು ಮಾಡಬೇಕೆಂದರೆ, ಎಷ್ಟೇ ಕಷ್ಟ ಬಂದರೂ ಆ ಕೆಲಸವನ್ನು ಅಚ್ಚುಕಟ್ಟಾಗಿ ಪೂರ್ತಿ ಮಾಡೇ ಮಾಡುತ್ತಾರೆ.
• ಇವಿಷ್ಟು ಜೂನ್ ತಿಂಗಳಲ್ಲಿ ಜನಿಸಿದವರ ಉತ್ತಮ ಸ್ವಭಾವ. ಇನ್ನು ಇವರ ಉತ್ತಮವಲ್ಲದ ಸ್ವಭಾವದ ಬಗ್ಗೆಯೂ ತಿಳಿಯೋಣ ಬನ್ನಿ..
• ಜೂನ್ ತಿಂಗಳಲ್ಲಿ ಜನಿಸಿದವರು ಹಠಮಾರಿ ಸ್ವಭಾವದವರಾಗಿದ್ದು, ತಮ್ಮ ಮಾತೇ ನಡೆಯಬೇಕೆನ್ನುವವರಾಗಿರುತ್ತಾರೆ. ಇದೇ ಹಠದಿಂದ ಅವರು ಪಶ್ಚಾತಾಾಪಪಡುವಂತಾಗುತ್ತದೆ. ಆದರೂ ಕೂಡ ಹಠ ಬಿಡದ ಸ್ವಭಾವದವರು ಇವರು.
• ಇವರು ಬೇರೆಯವರ ಮೇಲೆ ಆರೋಪ ಹೊರಿಸುತ್ತಾರೆ ಹೊರತು, ತಾವು ಮಾಡಿದ ತಪ್ಪನ್ನ ಎಂದಿಗೂ ಒಪ್ಪಿಕೊಳ್ಳುವುದಿಲ್ಲ.
• ಇನ್ನು ಬೇರೆಯವರ ಕೈ ಕೆಳಗೆ ಕೆಲಸ ಮಾಡಲು ಇಚ್ಛಿಸದ ಇವರು, ತಾವೇ ಅಧಿಕಾರ ವಹಿಸಿಕೊಳ್ಳಲು, ಬಾಸ್ ಆಗಲು ಬಯಸುತ್ತಾರೆ. ಆದ್ರೆ ಬಾಾಸ್ ಕೈ ಕೆಳಗೆ ಕೆಲಸ ಮಾಡುವ ಸಮಯ ಬಂದ್ರೆ, ಇವರ ಕೆಲಸದ ಬಗ್ಗೆ ಹೊಗಳುವ ತನಕ ಮಾತ್ರ ಕೆಲಸ ಮಾಡುವ ಇವರು, ಇವರ ಕೆಲಸದ ಬಗ್ಗೆ ಬೈದ್ರೆ ಅದೇ ಕ್ಷಣ ಕೆಲಸ ಬಿಡುವ ನಿರ್ಧಾರ ಮಾಡುತ್ತಾರೆ. ಆದ್ದರಿಂದಲೇ ಜೂನ್ ತಿಂಗಳಲ್ಲಿ ಜನಿಸಿದವರು ತಮ್ಮದೇ ಉದ್ಯಮ ಆರಂಭಿಸಲು ಬಯಸುತ್ತಾರೆ.
• ಇವರು ಉತ್ತಮ ಮನಸ್ಸಿನವರಾದ್ರೂ, ಇವರು ಕೆಲ ಸಲ ಕಠೋರ ಮನಸ್ಸಿನವರಂತೆ ನಡೆದುಕೊಳ್ಳುವ ಕಾರಣಕ್ಕಾಗಿ ಜನ ಇವರನ್ನ ಅಹಂಕಾರಿಗಳು ಎಂದುಕೊಳ್ಳುತ್ತಾರೆ. ಹಣಕಾಾಸಿನ ವ್ಯವಹಾರ, ಬ್ಯಾಂಕ್ ನೌಕರಿ, ಮ್ಯಾನೆಜರ್ ನೌಕರಿ, ಶಿಕ್ಷಕರಾಗಲು ಇವರು ಅರ್ಹರಿರುತ್ತಾರೆ. ಮತ್ತು ಈ ಕ್ಷೇತ್ರದಲ್ಲಿ ಶ್ರಮವಹಿಸಿ ದುಡಿದರೆ ಉತ್ತಮ ಯಶಸ್ಸನ್ನು ಕಾಣಬಹುದು.
• 4,6,9 ಇವರ ಲಕ್ಕಿ ನಂಬರ್ ಆಗಿದ್ದು, ಕೇಸರಿ ಮತ್ತು ಹಳದಿ ಬಣ್ಣ ಅದೃಷ್ಟದ ಬಣ್ಣಗಳಾಗಿದೆ. ಮಂಗಳವಾರ, ಶುಕ್ರವಾರ ಮತ್ತು ಶನಿವಾರ ಇವರ ಅದೃಷ್ಟದ ದಿನಗಳಾಗಿದೆ.