Spiritual: ವಿಷ್ಣು ಪುರಾಣದಲ್ಲಿ ಕಲಿಯುಗದಲ್ಲಿ ಮನುಷ್ಯ ಹೇಗಿರುತ್ತಾನೆ ಅಂತಾ ಹೇಳಲಾಗಿದೆ. ಆ ಕಾಲದಲ್ಲೇ ನಮ್ಮ ಜ್ಞಾನಿಗಳು, ಕಲಿಯುಗದ ಜನರು ಹೇಗಿರುತ್ತಾರೆ ಅಂತಾ ಹೇಳಿದ್ದಾರೆ. ಹಾಗಾದ್ರೆ ಅವರು ಹೇಳಿದ್ದೆಲ್ಲ ನಿಜ ಆಗಿದೆಯಾ..? ಅವರು ಹೇಳಿದ್ದಾದರೂ ಏನು ಅಂತಾ ತಿಳಿಯೋಣ ಬನ್ನಿ.
ಹಣಕ್ಕೆ ಹೆಚ್ಚಿನ ಬೆಲೆ: ಕಲಿಯುಗದಲ್ಲಿ ಹಣಕ್ಕೆ ಹೆಚ್ಚಿನ ಬೆಲೆ ಸಿಗುತ್ತದೆ ಎಂದು ಆಗಲೇ ವಿಷ್ಣು ಪುರಾಣದಲ್ಲಿ ಹೇಳಲಾಗಿತ್ತು. ಇದೀಗ ಕಲಿಯುಗದಲ್ಲಿ ಆ ಮಾತು ಸತ್ಯವಾಗುತ್ತಿದೆ. ಹಣಕ್ಕಿರುವ ಬೆಲೆ, ಮನುಷ್ಯತ್ವ, ಗುಣಕ್ಕಿಲ್ಲ.
ಹಣ ಗಳಿಸುವುದೇ ಮನುಷ್ಯನ ಮುಖ್ಯ ಧ್ಯೇಯ: ಹಣ ಮಾಡಬೇಕು, ಐಷಾರಾಮಿ ಬದುಕು ಬದುಕಬೇಕು. ಪ್ರಪಂಚ ಸುತ್ತಬೇಕು ಇತ್ಯಾದಿ ವಿಷಯಗಳೇ ಇಂದಿನ ಜನರ ಧ್ಯೇಯವಾಗಿದೆ. ಇದಕ್ಕೆಲ್ಲ ಕಾರಣ ತೋರಿಕೆಯ ಜೀವನ. ಇದನ್ನು ಕೂಡ ವಿಷ್ಣು ಪುರಾಣದಲ್ಲಿ ಹೇಳಲಾಗಿದೆ.
ಆಡಳಿತಕ್ಕಿಂತ ಆಡಳಿತಗಾರನ ಶ್ರೀಮಂತಿಕೆಗೆ ಬೆಲೆ: ಬಡವ ಚುನಾವಣೆಗೆ ನಿಲ್ಲುತ್ತಾನೆ. ಉತ್ತಮ ಆಡಳಿತ ನೀಡುತ್ತಾನೆ ಎಂದರೆ, ಅವನನ್ನು ಯಾರೂ ಆಯ್ಕೆ ಮಾಡುವುದಿಲ್ಲ. ಅದೇ ಶ್ರೀಮಂತ ವ್ಯಕ್ತಿಗೆ ಅದೆಷ್ಟು ಬೇಗ ಟಿಕೇಟ್ ಸಿಗುತ್ತದೆ. ಏಕೆಂದರೆ, ಆಡಳಿತ ಮಾಡುವವನ ಗುಣಕ್ಕಿಂತ ಅವನ ಬಳಿ ಇರುವ ಹಣಕ್ಕೆ ಹೆಚ್ಚು ಬೆಲೆ.
ಹಣದಿಂದ ಅಹಂಕಾರ: ಯಾರ ಬಳಿ ಹಣ ಇರುತ್ತದೆಯೋ ಅವರಿಗೆ ಅಹಂಕಾರವೂ ಹೆಚ್ಚಾಗಿರುತ್ತದೆ ಅಂತಾ ಹೇಳಲಾಗುತ್ತದೆ. ಎಲ್ಲರೂ ಹಾಗಿರಲು ಸಾಧ್ಯವಿಲ್ಲ ಅನ್ನೋದನ್ನೂ ನಂಬಬಹುದು. ಆದರೆ ಇತ್ತೀಚಿನ ದಿನಗಳಲ್ಲಿ ಜನರ ಜೇಬು ಸ್ವಲ್ಪ ತುಂಬಿದರೂ, ಮನಸ್ಸಿನಲ್ಲೇ ತಾನೇ ರಾಜನೆಂಬ ಭಾವನೆ ಬರುತ್ತಿರುವುದಂತೂ ಸತ್ಯ.
Discussion about this post