ಚಿಕ್ಕಮಗಳೂರು: ಮೂಡಿಗೆರೆ ತಾಲೂಕಿನಲ್ಲಿ ಅವಧಿ ಮುಕ್ತಾಯವಾಗುವ ಹಾಗೂ ವಿವಿಧ ಕಾರಣಗಳಿಂದ ತೆರವಾಗಿರುವ ೪ ಗ್ರಾಮ ಪಂಚಾಯಿತಿಗಳ ಸದಸ್ಯ ಸ್ಥಾನಗಳಿಗೆ ಡಿ. ೨೭ ರಂದು ಉಪಚುನಾವಣೆ ನಡೆಯಲಿದೆ.
ಬಣಕಲ್ ಗ್ರಾ.ಪಂ.ಯ ಬಣಕಲ್-೧ ಕ್ಷೇತ್ರದ ೪ ಸದಸ್ಯ, ಬಣಕಲ್-೨ ಕ್ಷೇತ್ರದ ೪ ಸದಸ್ಯ, ಹೆಗ್ಗುಡ್ಲು ಕ್ಷೇತ್ರದ ೩ ಸದಸ್ಯ ಸ್ಥಾನ, ಕೂಡಹಳ್ಳಿ ಕ್ಷೇತ್ರದ ೪ ಸದಸ್ಯರ ಒಟ್ಟು ೧೫ ಸ್ಥಾನಗಳಿಗೆ, ತರುವೆ ಗ್ರಾ.ಪಂ.ಯ ತರುವೆ ಕ್ಷೇತ್ರದ ೪ ಸದಸ್ಯ, ಬಿನ್ನಡಿ ಕ್ಷೇತ್ರದ ೧ ಸದಸ್ಯ ಒಟ್ಟು ೫ ಸದಸ್ಯ ಸ್ಥಾನ, ಊರುಬಗೆ ಗ್ರಾ.ಪಂ.ಯ ಬೈದುವಳ್ಳಿ ಕ್ಷೇತ್ರದ ೧ ಸದಸ್ಯ ಸ್ಥಾನಕ್ಕೆ ಹಾಗೂ ಸಂಸೆ ಗ್ರಾ.ಪಂ.ಯ ಸಂಸೆ ಕ್ಷೇತ್ರದ ೧ ಸದಸ್ಯ ಸ್ಥಾನಗಳಿಗೆ ಚುನಾವಣೆಯು ನಡೆಯಲಿದೆ
ಬುಕ್ಕಾಂಬುದಿ ಪಂಚಾಯಿತಿ: ಅಜ್ಜಂಪುರ ತಾಲೂಕಿನಲ್ಲಿ ಈ ಸಾಲಿನಲ್ಲಿ ಮುಕ್ತಾಯವಾಗುವ ಬುಕ್ಕಾಂಬುದಿ ಗ್ರಾಮ ಪಂಚಾಯಿತಿಯ ೧೭ ಸದಸ್ಯ ಸ್ಥಾನಕ್ಕೆ ಡಿ ೨೭ ರಂದು ಚುನಾವಣೆ ನಡೆಯಲಿದೆ. ಬುಕ್ಕಾಂಬುದಿ ಗ್ರಾಮ ಪಂಚಾಯಿತಿಯ ಬುಕ್ಕಾಂಬುದಿ ೧ ಕ್ಷೇತ್ರದ ೪ ಸದಸ್ಯ ಸ್ಥಾನಕ್ಕೆ, ಬುಕ್ಕಾಂಬುದಿ-೨ ಕ್ಷೇತ್ರದ ೪ ಸದಸ್ಯ ಸ್ಥಾನಕ್ಕೆ, ಡಣಾಯಕಪುರ ಕ್ಷೇತ್ರದ ೩ ಸದಸ್ಯ ಸ್ಥಾನಕ್ಕೆ, ಕಣಬನಕಟ್ಟೆ ಕ್ಷೇತ್ರದ ೩ ಸದಸ್ಯ ಸ್ಥಾನಕ್ಕೆ, ನಾಗಭೋಗನಹಳ್ಳಿಯ ಕ್ಷೇತ್ರದ ೩ ಸದಸ್ಯ ಸ್ಥಾನಗಳಿಗೆ ಒಟ್ಟು ೧೭ ಸ್ಥಾನಗಳಿಗೆ ಚುನಾವಣೆಯು ನಡೆಯಲಿದೆ.
ಕೆಂಚಿಕೊಪ್ಪ ಪಂಚಾಯಿತಿ: ತರೀಕೆರೆ ತಾಲೂಕಿನ ಕೆಂಚಿಕೊಪ್ಪ ಗ್ರಾಮ ಪಂಚಾಯಿತಿಗೆ ಡಿ. ೨೭ ರಂದು ಚುನಾವಣೆ ನಡೆಯಲಿದೆ.
ಕೆಂಚಿಕೊಪ್ಪ ಗ್ರಾ.ಪಂ.ಯ ಕೆಂಚಿಕೊಪ್ಪ ಕ್ಷೇತ್ರದ ಮಾರಿದಿಬ್ಬ, ಮಠದಹಳ್ಳಿ ಸದಸ್ಯ,ಮಾಳೊಕೊಪ್ಪ ಕ್ಷೇತ್ರ, ಸದದೊಡಕುಂದೂರು ಕ್ಷೇತ್ರದ ೨ ಸದಸ್ಯ ಸ್ಥಾನಗಳಿಗೆ ಡಿ.೨೭ ರಂದು ನಡೆಯಲಿದೆ.
೨ ಪಂಚಾಯಿತಿಗೆ ಉಪಚುನಾವಣೆ: ಚಿಕ್ಕಮಗಳೂರು ಜಿಲ್ಲೆಯ ಸಾರ್ವತ್ರಿಕ ಚುನಾವಣೆಯಲ್ಲಿ ಸದಸ್ಯರು ಆಯ್ಕೆಯಾಗದೆ ೨೦೨೧ ನೇ ಸಾಲಿನಲ್ಲಿ ವಿವಿಧ ಕಾರಣಗಳಿಂದ ತೆರವಾಗಿರುವ ಗ್ರಾಮ ಪಂಚಾಯಿತಿಗಳ ಸದಸ್ಯ ಸ್ಥಾನಗಳಿಗೆ ಡಿ. ೨೭ ರಂದು ಚುನಾವಣೆ ನಡೆಯಲಿದೆ. ಇನಾಂದತ್ತಾತ್ರೇಯ ಪೀಠ ಗ್ರಾ.ಪಂ.ಯ ಇನಾಂದತ್ತಾತ್ರೇಯ ಪೀಠದ ೪, ಭುವನಹಳ್ಳಿ ಕ್ಷೇತ್ರದ ೧ ಸದಸ್ಯ, ಮೇಲಿನಹುಲುವತ್ತಿ ಕ್ಷೇತ್ರದ ೨ ಸದಸ್ಯ, ಕೊಳಗಾಮೆ ಕ್ಷೇತ್ರದ ೨ ಸದಸ್ಯ ಸ್ಥಾನ, ಜಾಗರ ಕ್ಷೇತ್ರದ ೧ ಸದಸ್ಯ ಒಟ್ಟು ೫ ಸದಸ್ಯ ಸ್ಥಾನಗಳಿಗೆ ಚುನಾವಣೆಯು ನಡೆಯಲಿದೆ
ಕಡೂರು ೪ ಪಂಚಾಯಿತಿಗೆ ಉಪಚುನಾವಣೆ: ಕಡೂರು ತಾಲ್ಲೂಕಿನ ೨೦೨೧ ನೇ ಸಾಲಿನಲ್ಲಿ ವಿವಿಧ ಕಾರಣಗಳಿಂದ ತೆರವಾಗಿರುವ ಕಡೂರು ತಾಲ್ಲೂಕಿನ ೪ ಗ್ರಾಮ ಪಂಚಾಯಿತಿಗಳ ಸದಸ್ಯ ಸ್ಥಾನಗಳಿಗೆ ಡಿ.೨೭ ರಂದು ಚುನಾವಣೆ ನಡೆಯಲಿದೆ.
ಗಿರಿಯಾಪುರ ಗ್ರಾ.ಪಂ.ಯ ಗಿರಿಯಾಪುರ ಕ್ಷೇತ್ರದ ೧ ಸದಸ್ಯ, ಪಂಚನಹಳ್ಳಿ ಗ್ರಾ.ಪಂ.ಯ ಪಂಚನಹಳ್ಳಿ-ಕ್ಷೇತ್ರದ ೧ ಸದಸ್ಯ, ಚಿಕ್ಕದೇವನೂರು ಗ್ರಾ.ಪಂ.ಯ ಮಾಚಗೊಂಡನಹಳ್ಳಿ ಕ್ಷೇತ್ರದ ೧ ಸದಸ್ಯ ಸ್ಥಾನ, ಅಂತರಘಟ್ಟೆ ಗ್ರಾ.ಪಂ.ಯ ಸಂಕ್ಲಾಪುರ ಕ್ಷೇತ್ರದ ೧ ಸದಸ್ಯರು ಸೇರಿದಂತೆ ಒಟ್ಟು ೮ ಸದಸ್ಯ ಸ್ಥಾನಗಳಿಗೆ ಚುನಾವಣೆಯು ನಡೆಯಲಿದೆ ಎಂದು ಜಿಲ್ಲಾಧಿಕಾರಿಯವರ ಕಚೇರಿ ಪ್ರಕಟಣೆ ತಿಳಿಸಿದೆ.
Bypoll to Gram Panchayat
Discussion about this post