ಎಲ್ಲಾ ಶಾಲೆಗಳಿಗೆ ಸೆ.೧೫ರೊಳಗೆ ಪಠ್ಯ

ಬೆಂಗಳೂರು: ’ಪಠ್ಯಪುಸ್ತಕ ನೀಡದೆ ಶಾಲೆ ಏಕೆ ಶುರು ಮಾಡಿದ್ದೀರಿ?” ಎಂದು ಹೈಕೋರ್ಟ್ ರಾಜ್ಯ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡ ಬೆನ್ನಲ್ಲೇ ರಾಜ್ಯದಲ್ಲಿ ೯, ೧೦ನೇ ತರಗತಿಗೆ ಪಠ್ಯ ಲಭ್ಯವಾಗದೇ ಇರುವುದರಿಂದ ಸೆ.೧೫ರೊಳಗೆ ಪಠ್ಯ ಪುಸ್ತಕ ಪೂರೈಕೆ ಮಾಡಲು ಸೂಚನೆ ನೀಡಿದ್ದೇವೆ ಎಂದು ಶಿಕ್ಷಣ ಸಚಿವ ಬಿ.ಸಿ. ನಾಗೇಶ್ ತಿಳಿಸಿದ್ದಾರೆ.

ರಾಜ್ಯದ ಶೇ. ೫೦ರಷ್ಟು ಶಾಲೆಗಳಿಗೆ ಪಠ್ಯ ಪುಸ್ತಕ ಪೂರೈಕೆ ಮಾಡಲಾಗಿದ್ದು, ಇಲ್ಲಿಯವರೆಗೆ ೭೦ರಷ್ಟು ಶೇ. ಪಠ್ಯ ಪುಸ್ತಕಗಳು ಮುದ್ರಿತವಾಗಿದೆ ಎಂದವರು ತಿಳಿಸಿದ್ದಾರೆ. ಸೆ. ೧೫ ರೊಳಗೆ ರಾಜ್ಯದ ಎಲ್ಲಾ ಸರ್ಕಾರಿ ಶಾಲೆಗಳಿಗೆ  ಪಠ್ಯ ಪುಸ್ತಕವನ್ನು ತಲುಪಿಸುವ ವ್ಯವಸ್ಥೆ ಮಾಡಲಾಗುವುದು ಎಂದು ಸಹ ಸುದ್ಧಿಗಾರರಿಗೆ ಮಾಹಿತಿ ನೀಡಿದ್ದಾರೆ.