ಮಹಿಳೆಯನ್ನು ನಗ್ನಗೊಳಿಸಿ ಮೈಮುಟ್ಟಿ ಹಿಂಸಿಸಿದ ದುರ್ಘಟನೆ

• ಸಾಮೂಹಿಕವಾಗಿ ಪೈಶಾಚಿಕ ಕೃತ್ಯ ಮೆರೆದ ಕಾಮುಕರು
• ಕತ್ತಲೆಯಲ್ಲೇ ಮಹಿಳೆಯನ್ನ ಹಿಡಿದು ಹಿಂಸೆ
• ವಿಡಿಯೋ ಚಿತ್ರಿಸಿ ವಿಕೃತಿ ಮೆರೆದ ೪ಜನರ ತಂಡ

ಯಾದಗಿರಿ:  ಮಹಿಳೆಯೊಬ್ಬರನ್ನು ಕತ್ತಲೆಯಲ್ಲಿ ಬೆತ್ತಲೆಗೊಳಿಸಿ ಥಳಿಸಿದ್ದು, ಅಂಗಾಂಗಗಳನ್ನು ಮುಟ್ಟಿ ಅಮಾನವೀಯತೆಯಿಂದ ಹಿಂಸೆ ನೀಡಿದ ದುರ್ಘಟನೆ ನಡೆದಿದೆ. ಯಾದಗಿರಿ ಜಿಲ್ಲೆಯ ಯಾದಗಿರಿ-ಶಹಾಪುರ ಮಾರ್ಗದ ಹೆದ್ದಾರಿ ಬಳಿ ಜಮೀನೊಂದರರಲ್ಲಿ ರಾತ್ರಿ ವೇಳೆ ಮಹಿಳೆಯನ್ನು ನಗ್ನಗೊಳಿಸಿ, ಕಬ್ಬಿನ ಜಲ್ಲೆಯಿಂದ ಹಲ್ಲೆ ಮಾಡಿದ್ದಾರೆ.  ಹಲ್ಲೆ ನಡೆಸಿದ ಕಾಮುಕರು ಆಕೆಯ ದೃಶ್ಯಗಳನ್ನು ವಿಡಿಯೋ ಮಾಡಿದ್ದಾರೆ.

ನಾಲ್ಕೈದು ಜನರ ತಂಡ ಈ ಅಮಾನವೀಯ ಕೃತ್ಯ ನಡೆಸಿದೆ ಎನ್ನಲಾಗಿದೆ.  ಮಹಿಳೆ ಹನಿಟ್ರ್ಯಾಪ್ ಪ್ರಕರಣದಲ್ಲಿ ಭಾಗಿಯಾಗಿದ್ದ ಆರೋಪವಿದ್ದು, ಆಕೆಗೆ ಮೊಬೈಲ್ ತೋರಿಸುತ್ತಾ ಇದರಲ್ಲಿರುವುದು ನೀನೇ ಅಲ್ಲವೇ ಎಂದು ಮಾನಸಿಕ ಹಿಂಸೆ ನೀಡಿದ್ದು, ದೈಹಿಕವಾಗಿ ಹೊಡೆದು ಹಲ್ಲೆ ನಡೆಸಿದ್ದಾರೆ.

ಈ ದೃಶ್ಯಗಳು ವೈರಲ್ ಆಗಿದ್ದು, ಪೊಲೀಸರು ಮುಂದಿನ ಕ್ರಮಕ್ಕೆ ತನಿಖೆ ಕೈಗೊಂಡಿದ್ದಾರೆ ಎಂದು ತಿಳಿದುಬಂದಿದೆ. ಆದರೆ ಹಲ್ಲೆಗೊಳಗಾದ ಮಹಿಳೆಯಿಂದಾಗಲಿ, ಆಕೆಯ ಕಡೆಯವರಾಗಲಿ ಎಲ್ಲಿಯೂ ದೂರು ನೀಡಿಲ್ಲದಿರುವುದು ಅಚ್ಚರಿಗೆ ಕಾರಣವಾಗಿದೆ.  ಆಕೆ ಇನ್ನೂ ಜೀವಂತ ಇದ್ದಾರಾ? ಎಂಬ ಶಂಕೆಯೂ ವ್ಯಕ್ತವಾಗಿದೆ.