ಕಲ್ಲಂಗಡಿ ಹಣ್ಣೆಂದರೆ (water melon) ಯಾರಿಗೆ ತಾನೇ ಇಷ್ಟವಾಗುವುದಿಲ್ಲ ಹೇಳಿ. ಬೇಸಿಗೆ ಕಾಲ ಬಂತೆಂದರೆ ಮೊದಲು ನೆನಪಿಗೆ ಬರುವುದೇ ಕಲ್ಲಂಗಡಿ ಹಣ್ಣು. ಬಿಸಿಲಿನ ದಾಹ ತಣಿಸಲು ಸಹಕಾರಿಯಾಗಿರುವ ಕಲ್ಲಂಗಡಿ ಹಣ್ಣು, ಚಿಕ್ಕ ಮಕ್ಕಳ ಫೇವರಿಟ್ ಹಣ್ಣುಗಳಲ್ಲೊಂದು ಅಂದ್ರೂ ತಪ್ಪಾಗಲ್ಲ. ಆರೋಗ್ಯ ಮತ್ತು ಸೌಂದರ್ಯ ಕಾಪಾಡುವಲ್ಲಿಯೂ ಕಲ್ಲಂಗಡಿ ಹಣ್ಣು ಸಹಕಾರಿಯಾಗಿದೆ. ಕಲ್ಲಂಗಡಿ ಹಣ್ಣಿನ ಸೇವನೆಯಿಂದಾಗುವ ಪ್ರಯೋಜನಗಳೇನು ಅಂತಾ ನೋಡೋಣ ಬನ್ನಿ.
1.. ತೂಕ ಇಳಿಸಿಕೊಳ್ಳುವವರು ತೆಗೆದುಕೊಳ್ಳುವ ಮೊದಲ ಆಯ್ಕೆಯ ಹಣ್ಣು ಅಂದ್ರೆ ಕಲ್ಲಂಗಡಿ ಹಣ್ಣು. ಡಯಟ್ ಮಾಡುವವರು ಕಲ್ಲಂಗಡಿ ಹಣ್ಣು ತಿಂದ್ರೆ, ವ್ಯಾಯಾಮ ಮಾಡುವಾಗ ಶಕ್ತಿ ಹೆಚ್ಚಾಗಿ, ಇನ್ನು ಕೆಲ ಸಮಯ ವ್ಯಾಯಾಮ ಮಾಡಲು ಅನುಕೂಲವಾಗುತ್ತದೆ.
2.. ರಾತ್ರಿ ಕಲ್ಲಂಗಡಿ ಹಣ್ಣನ್ನು ಸೇವಿಸುವುದರ ಬದಲು ಮಧ್ಯಾಹ್ನದ ವೇಳೆ ಕಲ್ಲಂಗಡಿ ಸೇವನೆ ಮಾಡುವುದು ಉತ್ತಮ.
3.. ಚಿಕ್ಕ ಮಕ್ಕಳಿಗೆ ಕಲ್ಲಂಗಡಿ ಹಣ್ಣು ಅಥವಾ ಅದರ ಜ್ಯೂಸ್ (juice) ಕುಡಿಯಲು ಕೊಡುವುದರಿಂದ ಅವರು ಉಲ್ಲಸಿತರಾಗಿ, ಶಕ್ತಿವಂತರಾಗಿ ಇರುತ್ತಾರೆ. ಅಲ್ಲದೇ, ಕಲ್ಲಂಗಡಿಯಲ್ಲಿ ಫೈಬರ್ ಅಂಶ ಹೆಚ್ಚಾಗಿದ್ದು, ಕಲ್ಲಂಗಡಿ ಸೇವನೆಯಿಂದ ಹೊಟ್ಟೆ ತುಂಬಿರುತ್ತದೆ. ಇದು ಮಕ್ಕಳು ಚಟುವಟಿಕೆಯಿಂದ ಕೂಡಿರಲು ಸಹಾಯವಾಗುತ್ತದೆ.
4.. ಅಲ್ಲದೇ ಚಿಕ್ಕ ಮಕ್ಕಳಲ್ಲಿ ಜೀರ್ಣಕ್ರಿಯೆ ಸಮಸ್ಯೆ ಕಂಡುಬಂದರೆ, ಅವರಿಗೆ ಕಲ್ಲಂಗಡಿ ಹಣ್ಣು ತಿನ್ನಲು ಕೊಡಿ. ಇವರಿಂದ ಜೀರ್ಣಕ್ರಿಯೆ ಸಮಸ್ಯೆ ಉತ್ತಮವಾಗಿರುತ್ತದೆ. ಆದರೆ ಕಲ್ಲಂಗಡಿ ಸೇವನೆ ಮಿತವಾಗಿರಲಿ. ಯಾಕಂದ್ರೆ ಅಗತ್ಯಕ್ಕಿಂತ ಹೆಚ್ಚಿನ ಕಲ್ಲಂಗಡಿ ಹಣ್ಣಿನ ಸೇವನೆ ಉತ್ತಮವಲ್ಲ.
5.. ಇನ್ನು ನಿಮ್ಮ ತ್ವಚೆ ಯಾವಾಗಲೂ ಡಲ್ ಆಗಿದ್ದರೆ, ಹೊಳಪು ಕಳೆದುಕೊಂಡಿದ್ದರೆ, ಚಿಕ್ಕ ತುಂಡು ಕಲ್ಲಂಗಡಿ ತೆಗೆದುಕೊಂಡು ನಿಮ್ಮ ಮುಖದ ಮೇಲೆ ಮಸಾಜ್ ಮಾಡಿಕೊಂಡು, 15 ನಿಮಿಷದ ಬಳಿಕ ಮುಖ ತೊಳೆದುಕೊಂಡರೆ ನಿಮ್ಮ ಮುಖ ಫ್ರೆಶ್ ಆಗಿ ಕಾಣುತ್ತದೆ.
6.. ಇದರ ಜೊತೆ ನೀವು ನಿಯಮಿತವಾಗಿ ಕಲ್ಲಂಗಡಿ ಹಣ್ಣಿನ ಸೇವನೆ ಮಾಡಿದ್ದಲ್ಲಿ, ನಿಮ್ಮ ಕೂದಲಿನ ಬುಡ ಗಟ್ಟಿಗೊಳ್ಳುತ್ತದೆ. ಕೂದಲು ಉದುರುವ ಸಮಸ್ಯೆ ಕಡಿಮೆಯಾಗುತ್ತದೆ.
7.. ಅಷ್ಟೇ ಅಲ್ಲದೇ, ಕಲ್ಲಂಗಡಿಯನ್ನ ಮ್ಯಾಶ್ ಮಾಡಿ, ಕೊಂಚ ಜೇನುತುಪ್ಪ ಮತ್ತು ಕೊಂಚ ನಿಂಬೆರಸ ಹಾಕಿ ಮಿಕ್ಸ್ ಮಾಡಿ ಫೇಸ್ ಪ್ಯಾಕ್ ಹಾಕಿ, 15 ನಿಮಿಷ ಬಿಟ್ಟು ಮುಖ ತೊಳೆದರೆ, ನಿಮ್ಮ ತ್ವಚೆ ಸುಂದರವಾಗಿರುತ್ತದೆ.
8.. ಮಿತವಾದ ಕಲ್ಲಂಗಡಿ ಹಣ್ಣಿನ ಸೇವನೆ ಗರ್ಭಿಣಿಯವರಿಗೆ ತುಂಬಾ ಉತ್ತಮ. ಗರ್ಭಿಣಿಯಾಗಿದ್ದಾಗ, ಪದೇ ಪದೇ ವಾಂತಿಯಾಗುವ ಕಾರಣಕ್ಕಾಗಿಯೋ ಅಥವಾ ಹೊತ್ತಿಗೆ ಸರಿಯಾಗಿ ಊಟ ಮಾಡದಿರುವ ಕಾರಣಕ್ಕಾಗಿಯೋ ದೇಹದಲ್ಲಿನ ನೀರಿನ ಅಂಶ ಕಡಿಮೆಯಾಗುತ್ತದೆ. ಈ ವೇಳೆ ಕಲ್ಲಂಗಡಿ ಹಣ್ಣನ್ನ ಸೇವಿಸಿ. ಕಲ್ಲಂಗಡಿ ಹಣ್ಣಿನ ಸೇವನೆಯಿಂದ ದೇಹದಲ್ಲಿ ನೀರಿನ ಅಂಶ ಹೆಚ್ಚಾಗಿರುತ್ತದೆ. ಆದರೆ ಅಗತ್ಯಕ್ಕಿಂತ ಹೆಚ್ಚು ಕಲ್ಲಂಗಡಿ ಹಣ್ಣಿನ ಸೇವನೆಯಿಂದ ದೇಹದಲ್ಲಿ ಉಷ್ಣತೆಯ ಪ್ರಮಾಣ ಹೆಚ್ಚಾಗುತ್ತದೆ.
9.. ಕಲ್ಲಂಗಡಿ ಹಣ್ಣಿನಲ್ಲಿ ವಿಟಾಮಿನ್ ಎ, ಬಿ6 ಮತ್ತು ಸಿ ಇರುತ್ತದೆ. ಇದಲ್ಲದೇ, ಮಿನರಲ್ಸ್ ಕೂಡ ಹೊಂದಿರುತ್ತದೆ. ಗರ್ಭಾವಸ್ಥೆಯಲ್ಲಿ ಇದನ್ನ ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದು.
10.. ಮೂಳೆಯನ್ನ ಗಟ್ಟಿಗೊಳಿಸುವುದರಲ್ಲಿ ಕಲ್ಲಂಗಡಿ ಹಣ್ಣು ಪ್ರಮುಖ ಪಾತ್ರ ನಿರ್ವಹಿಸುತ್ತೆ. ಏಂಕೆದರೆ ಕಲ್ಲಂಗಡಿ ಹಣ್ಣು ವಿಟಾಮಿನ್, ಮಿನರಲ್ಸ್, ಕ್ಯಾಲ್ಶಿಯಮ್ ಅಂಶ ಹೊಂದಿದೆ.
Health Tips: ಡ್ರೈಫ್ರೂಟ್ಸ್ ಸೇವನೆಯಿಂದ ಏನು ಲಾಭ..? ಇಲ್ಲಿದೆ ನೋಡಿ ಸಂಪೂರ್ಣ ಮಾಹಿತಿ
ಚಿಕ್ಕು ಹಣ್ಣು ಯಾವ ದೇಶದಿಂದ ಭಾರತಕ್ಕೆ ಬಂದಿದ್ದು? ಇದರ ಸೇವನೆಯಿಂದಾಗುವ ಪ್ರಯೋಜನಗಳೇನು?
Discussion about this post