ಕೇಂದ್ರ ಸಚಿವೆಯಿಂದ ಗದ್ದೆ ನಾಟಿ: ಮಂಡ್ಯ ರೈತ ಮಹಿಳೆಯರ ಸಾಥ್

ಮಂಡ್ಯ:  ರೈತ ಮಹಿಳೆಯರೊಂದಿಗೆ ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ ಭತ್ತದ ಗದ್ದೆ ನಾಟಿ ಮಾಡುವ ಮೂಲಕ ಗಮನ ಸೆಳೆದಿದ್ದಾರೆ.  ಜಿಲ್ಲಾ ಉಸ್ತುವಾರಿ ಸಚಿವ ನಾರಾಯಣಗೌಡರ ಜೊತೆ ಯಾಂತ್ರೀಕೃತ ನಾಟಿ ಕಾರ್ಯಕ್ಕೆ ಯಂತ್ರೋಪಕರಣಗಳಿಗೂ ಸಹ ಇದೇ ವೇಳೆ ಚಾಲನೆ ನೀಡಿದ್ದಾರೆ.

ಜನಾಶೀರ್ವಾದ ಯಾತ್ರೆ ಕೈಗೊಂಡಿರುವ ಕೇಂದ್ರ ಸಚಿವೆ ಮಂಡ್ಯ ತಾಲೂಕಿನ ಹೊನಗನಹಳ್ಳಿ ಗ್ರಾಮದ ಭತ್ತದ ಗದ್ದೆಗೆ ಇಳಿದು ನಾಟಿ ಮಾಡಿದ್ದಾರೆ.  ಚಿಕ್ಕಮಗಳೂರಿನಲ್ಲಿ ಸಹ  ಶಾಸಕ ಎಂ.ಪಿ. ಕುಮಾರಸ್ವಾಮಿ ಸಹ ಕೆಲವು ದಿನಗಳ ಹಿಂದೆ ಗದ್ದೆ ನಾಟಿ ಮಾಡಿದ್ದರು.