ಅಫ್ಘಾನಿಸ್ತಾನ ಕಾರ್ಯತಂತ್ರ ವೈಫಲ್ಯ: ಒಪ್ಪಿದ ಅಮೆರಿಕ ಸೇನೆ

ವಾಷಿಂಗ್ಟನ್: ಅಫ್ಘಾನಿಸ್ತಾನದಲ್ಲಿನ ೨೦ ವರ್ಷಗಳ ಯುದ್ಧವನ್ನು “ಕಾರ್ಯತಂತ್ರದ ವೈಫಲ್ಯ” ಎಂದು ಅಮೆರಿಕದ ಉನ್ನತ ಮಿಲಿಟರಿ ಅಧಿಕಾರಿ  ಹೇಳಿಕೆ ನೀಡಿದೆ.

ಅಮೆರಿಕ ರಕ್ಷಣಾ ಪಡೆಯ ಮುಖ್ಯಸ್ಥರಾಗಿರುವ ಮಾರ್ಕ್ ಮಿಲ್ಲೆ ಅವರು, ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಆಸ್ಟಿನ್ ಮತ್ತು ಅಮೆರಿಕ ಸೆಂಟ್ರಲ್ ಕಮಾಂಡ್ ಮುಖ್ಯಸ್ಥ ಜನರಲ್ ಕೆನ್ನೆತ್ ಮೆಕೆಂಜಿ ಜೊತೆಯಲ್ಲಿ ಈ ಹೇಳಿಕೆಯನ್ನು ಅಮೆರಿಕ ಸಂಸತ್ತಿನಲ್ಲಿ ನೀಡಿದ್ದಾರೆ.

ಅಫ್ಘಾನಿಸ್ತಾನದಲ್ಲಿನ ಯುದ್ಧವು ನಾವು ಬಯಸಿದಂತೆ ಕೊನೆಗೊಂಡಿಲ್ಲ. ತಾಲಿಬಾನ್ ಈಗ ಕಾಬೂಲ್‌ನಲ್ಲಿ ಅಧಿಕಾರದಲ್ಲಿದೆ. ತಾಂತ್ರಿಕವಾಗಿ, ಯುದ್ಧವು ಕಳೆದುಹೋಗಿದೆ, ಆದರೆ ಶತ್ರು ಕಾಬೂಲ್‌ನಲ್ಲಿದ್ದಾನೆ, ಇದು ಕಾರ್ಯತಂತ್ರದ ವೈಫಲ್ಯವಾಗಿದೆ ಎಂಬುದು ಸ್ಪಷ್ಟವಾಗಿದೆ ಎಂದು ಮಿಲ್ಲೆ ಮಂಗಳವಾರ ಸಂಸತ್ತಿನ ಸಶಸ್ತ್ರ ಸೇವಾ ಸಮಿತಿಗೆ ತಿಳಿಸಿದ್ದಾರೆ.

ಅಫ್ಘಾನಿಸ್ತಾನದಲ್ಲಿ ಅಮೆರಿಕಾವು ತನ್ನ ಸುದೀರ್ಘ ಯುದ್ಧವನ್ನು ಕೊನೆಗೊಳಿಸಿದ ನಂತರ, ಇದೇ ಮೊದಲ ಬಾರಿಗೆ ಸಂಸತ್‌ನಲ್ಲಿ ಈ ಬಗ್ಗೆ ಅವರು ಹೇಳಿಕೆ ನೀಡಿದ್ದಾರೆ ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಅಫ್ಘಾನಿಸ್ತಾನದಲ್ಲಿ ಅಮೆರಿಕ ಬೆಂಬಲಿತ ಸರ್ಕಾರದ ಪತನ ಮತ್ತು ತಾಲಿಬಾನ್‌ ತ್ವರಿತವಾಗಿ ದೇಶವನ್ನು ಸ್ವಾಧೀನ ಮಾಡದಂತೆ ತಡೆಗಟ್ಟಲು ಹಲವಾರು ಸಾವಿರ ಸೈನಿಕರನ್ನು ಇಟ್ಟುಕೊಳ್ಳಲು ತಾನು ಬಯಸಿದ್ದಾಗಿ ಅಮೆರಿಕ ಸಂಸತ್‌ನಲ್ಲಿ ಅವರು ಒಪ್ಪಿಕೊಂಡಿದ್ದಾರೆ.