ಸೋಶಿಯಲ್ ಮೀಡಿಯಾ ಬಳಸುವಾಗ ಎಚ್ಚರದಿಂದಿರಿ.. ಇಲ್ಲದಿದ್ದಲ್ಲಿ ಈ ಸಮಸ್ಯೆ ಎದುರಾಗಬಹುದು..

Social Media Reality: ಸೋಶಿಯಲ್ ಮೀಡಿಯಾ ಅನ್ನೋ ಹೆಸರನ್ನ ಕೆಲ ವರ್ಷಗಳ ಹಿಂದೆ ನಾವು ಕೇಳಿಯೇ ಇರಲಿಲ್ಲ. ಹಾಗಂದ್ರೆ ಏನು ಅಂತಲೇ ಹಲವರಿಗೆ ತಿಳಿದಿರಲಿಲ್ಲ. ಇನ್ನು ಸೆಲ್ ಫೋನ್ ಬಂದಾಗಲೇ, ಜನ ತಂತ್ರಜ್ಞಾನ ಇಷ್ಟು ಮುಂದುವರೆದಿದ್ಯಾ ಅಂತಾ ಕೇಳ್ತಿದ್ರು.

ಈ ಸೆಲ್ ಫೋನ್ ಹಿಡಿದು, ಅಲ್ಲೆಲ್ಲೋ ವಿದೇಶದಲ್ಲಿ ಕುಳಿತವನ ಮುಖ ನೋಡಿ ನಾವು ಮಾತನಾಡಬಹುದು ಅಂತಾ ಆವಾಗ ಹೇಳಿದ್ರೆ, ನಾವೆಲ್ಲ ಯಾರೋ ಇವಾ ಹುಚ್ಚಾ ಏನೇನೋ ಮಾತಾಡ್ತಾನೆ ಅಂತಾನೇ ಹೇಳ್ತಿದ್ವಿ. ಆದರೆ ಈಗ ಹಾಗೆ ಹೇಳಕ್ಕಾಗತ್ತಾ..? ಸೆಲ್ ಫೋನ್ ಬಳಸಿ, ಹಲವು ವಿಷಯಗಳನ್ನು ತಿಳಿಯುತ್ತೇವೆ.

ಎಲ್ಲೋ ಸಪ್ತಸಾಗರದಾಚೆ ಇರುವ ವ್ಯಕ್ತಿಯ ಮುಖ ನೋಡಿ ಮಾತನಾಡುತ್ತೇವೆ. ಎಷ್ಟೋ ಜನರು ಮನೆಯಿಂದಲೇ ದುಡಿದು ಸ್ವಾವಲಂಬಿಗಳಾಗುತ್ತಿದ್ದಾರೆ. ಸಣ್ಣ ಸಣ್ಣ ವ್ಯಾಪಾರಿಗಳು ಸೋಶಿಯಲ್ ಮೀಡಿಯಾ ಮೂಲಕ ಉದ್ಯಮ ಬೆಳೆಸಿ, ಸಣ್ಣ ವಯಸ್ಸಿಗೆ ಸ್ವಂತ ಮನೆ ನಿರ್ಮಿಸುವ ಯೋಗ್ಯತೆ ಪಡೆದಿದ್ದಾರೆ.

ಆದರೆ ಈ ಸೋಶಿಯಲ್ ಮೀಡಿಯಾ ಎಷ್ಟು ಉತ್ತಮವೋ, ಅಷ್ಟೇ ಕೆಟ್ಟದ್ದು. ನೀವೇನಾದ್ರೂ ಸೋಶಿಯಲ್ ಮೀಡಿಯಾ ಬಳಸುವಾಗ ಸ್ವಲ್ಪ ಯಾಮಾರಿದ್ರೂ, ನಿಮ್ಮ ಮಾನ, ಪ್ರಾಣ, ಹಣ ಏನಾದ್ರೂ ಕಳೆದು ಹೋಗಬಹುದು.

ಅಲ್ಲದೇ, ಇತರರ ವೀಡಿಯೋ, ರೀಲ್ಸ್ ನೋಡಿ ನಾನು ಹಿಂಗೆ ಇರ್ಬೇಕು. ನಾನು ಇದನ್ನೆಲ್ಲ ಖರೀದಿಸಬೇಕು. ಅವನು ಜೀವನದಲ್ಲಿ ಎಷ್ಟು ಸಕ್ಸಸ್ ಆಗಿದಾನೆ. ನಾನು ಮಾತ್ರ ಎಷ್ಟು ಕಷ್ಟಪಡ್ತಿದೀನಿ ಅಂತಾ ನಿಮಗೆ ಅನ್ನಿಸೋಕ್ಕೆ ಶುರುವಾಗತ್ತೆ. ಆದ್ರೆ ಸತ್ಯಾನೇ ಬೇರೆ ಇರುತ್ತದೆ.

ಸೋಶಿಯಲ್ ಮೀಡಿಯಾದಲ್ಲಿ ಯಾರೂ ತಮ್ಮ ದುಃಖದ ಸಂಗತಿನಾ ಶೇರ್ ಮಾಡೋದಿಲ್ಲಾ. ಬರೀ ಖುಷಿಯ ಫೋಟೋಗಳನ್ನು ಮಾತ್ರ ಶೇರ್ ಮಾಡುತ್ತಾರೆ. ಹಾಗಾಗಿ ಯಾರಾದ್ರೂ ಸೋಶಿಯಲ್ ಮೀಡಿಯಾ ಇನ್‌ಫ್ಲುಯೆನ್ಸ್ ಸಡನ್ ಆಗಿ ಆತ್ಮಹತ್ಯೆಗೆ ಶರಣಾದ್ರೆ, ಇವನ್ಯಾಕೆ ಸತ್ತಾ..? ಅದೆಷ್ಟು ಖುಷಿ ಖುಷಿಯಾಗಿದ್ದ ಅಂತಾನೇ ಅನ್ನಿಸುತ್ತೆ. ಆದರೆ ಅವನೆಂದೂ ಸೋಶಿಯಲ್ ಮೀಡಿಯಾದಲ್ಲಿ ಅವನ ನೋವನ್ನು ಹೇಳಿರುವುದಿಲ್ಲ.

ಹಾಗಾಗಿ ಸೋಶಿಯಲ್ ಮೀಡಿಯಾ ನೋಡಿ, ನಿಮ್ಮ ಜೀವನವನ್ನು ಅದರ ಜತೆ ಕಂಪೇರ್ ಮಾಡಿ ಬೇಸರಿಸಬೇಡಿ. ನಿಮ್ಮ ಸಮಯ ಬಂದಾಗ ನಿಮ್ಮ ಪ್ರಯತ್ನಗಳು ಫಲ ನೀಡುತ್ತದೆ.