ಬಾಹುಬಲಿ ಪ್ರಭಾಸ್‌ರ 25ನೇ ಚಿತ್ರಕ್ಕೆ ಅರ್ಜುನ್ ರೆಡ್ಡಿ ನಿರ್ದೇಶಕ ಸಂದೀಪ್ ರೆಡ್ಡಿ ವಂಗಾ ಸಾರಥ್ಯ

ಬಾಹುಬಲಿ ಚಿತ್ರದ ತಮ್ಮ ಅತ್ಯದ್ಭುತ ನಟನೆಯಿಂದ ವಿಶ್ವಾದ್ಯಂತ ಕೋಟ್ಯಂತರ ಅಭಿಮಾನಿಗಳ ಕಣ್ಮಣಿಯಾದ ಪ್ರಭಾಸ್ ತಮ್ಮ ಅಭಿಮಾನಿಗಳು ಸಂಭ್ರಮಪಡುವ ಮತ್ತೊಂದು ಅವಕಾಶ ನೀಡಿದ್ದಾರೆ. ಪ್ರಭಾಸ್‌ರ ಆಭಿಮಾನಿಗಳು ಅವರ 25ನೇ ಚಿತ್ರಕ್ಕಾಗಿ ಕುತೂಹಲದಿಂದ ಕಾಯುತ್ತಿದ್ದು ಚಿತ್ರದ ಹೆಸರು ಹಾಗೂ ಅದು ಹೊಂದಿರಬಹುದಾದ ಕಥಾಹಂದರಗಳ ಬಗ್ಗೆ ತಿಳಿಯಲು ಕಾತರದಿಂದ ಕಾಯುತ್ತಿದ್ದುದು ತಿಳಿದ ವಿಷಯವೇ ಅಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಬಹುಚರ್ಚಿತ ವಿಷಯವಾಗಿದ್ದ ಇದು ಟ್ವಿಟರ್‌ನಲ್ಲಂತೂ #ಪ್ರಭಾಸ್25 ಎಂದು 1ನೇ ಸ್ಥಾನದಲ್ಲಿ ಟ್ರೆಂಡಿಂಗ್ ಆಗಿತ್ತು.

ಸೂಪರ್‌ಸ್ಟಾರ್ ಪ್ರಭಾಸ್ ಅವರೇ ಅಭಿಮಾನಿಗಳ ಕುತೂಹಲ ತಣಿಸಲು ತಮ್ಮದೇ ಜಾಲತಾಣದಲ್ಲಿ ತಮ್ಮ 25ನೇ ಚಿತ್ರ ‘ಸ್ಪಿರಿಟ್’ ಬಗ್ಗೆ ಘೋಷಣೆ ಮಾಡಿದ್ದು ಇದನ್ನು “ಅರ್ಜುನ್‌ರೆಡ್ಡಿ” ಖ್ಯಾತಿಯ ಯಶಸ್ವೀ ನಿರ್ದೇಶಕ ಸಂದೀಪ್‌ರೆಡ್ಡಿ ವಂಗಾ ನಿರ್ದೇಶಿಸಲಿದ್ದಾರೆಂದು ತಿಳಿಸಿದ್ದಾರೆ. ಭಾರತದಾದ್ಯಂತ ಚಿತ್ರ ಬಿಡುಗಡೆ ಮಾಡುವ ಪರಿಪಾಠ ಹೆಚ್ಚುತ್ತಿದ್ದು ಇದೂ ಒಂದು ಪ್ಯಾನ್ಇಂಡಿಯಾ ಚಿತ್ರವಾಗಲಿದೆ. “ಸ್ಪಿರಿಟ್‌ನೊಂದಿಗೆ ನನ್ನ ಪ್ರಯಾಣವನ್ನು ಕಿಕ್‌ಸ್ಟಾರ್ಟ್ ಮಾಡುತ್ತಿದ್ದೇನೆ” ಎಂಬ ಅವರ ಹೇಳಿಕೆಯೇ ಅವರ ಅಭಿಮಾನಿಗಳಲ್ಲಿ ಇನ್ನಿಲ್ಲದ ಸೆನ್ಸೇಷನ್ ಉಂಟುಮಾಡಲು ಯಶಸ್ವಿಯಾಗಿದೆ.

ಪ್ರಭಾಸ್‌ರ ಈ ಘೋಷಣೆಯಿಂದ ಅವರ ಅಭಿಮಾನಿಗಳು ಅತ್ಯಂತ ಸಂಭ್ರಮದಲ್ಲಿರುವುದೇ ಅಲ್ಲದೆ ಈ ಚಿತ್ರದ ಬಗೆಗಿನ ಸುದ್ದಿಗಳನ್ನು, ಲೇಖನಗಳನ್ನು, ಹಾಗೂ ಅಭಿಪ್ರಾಯಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ವಿನಿಮಯ ಮಾಡಿಕೊಳ್ಳುತ್ತಿದ್ದಾರೆ.

ಈ ಚಿತ್ರದ ಕಥೆಯು ಅವರ ಹಿಂದಿನ ಎಲ್ಲಾ ಚಿತ್ರಗಳಿಗಿಂತ ಬೇರೆಯಾಗಿದ್ದು ತಾವು ಹಿಂದೆಂದೂ ಕಾಣಿಸಿಕೊಳ್ಳದ ರೀತಿಯ ಪಾತ್ರದಲ್ಲಿ ಮಿಂಚಲಿದ್ದಾರೆ. ಅದ್ದೂರಿ ಚಿತ್ರಗಳ ನಿರ್ಮಾಣಕ್ಕೆ ಪ್ರಸಿದ್ಧರಾದ ಟಿ-ಸಿರೀಸ್ ಸಂಸ್ಥೆಯ ಭೂಷಣ್‌ಕುಮಾರ್ ಈ ಚಿತ್ರದ ನಿರ್ಮಾಣ ಮಾಡಲಿದ್ದಾರೆ. ತೆಲುಗು, ಕನ್ನಡ, ತಮಿಳು, ಮಲೆಯಾಳಂ, ಮ್ಯಾಂಡರಿನ್, ಜಪಾನೀಸ್, ಹಾಗೂ ಕೊರಿಯನ್ ಭಾಷೆಗಳಲ್ಲಿ ತೆರೆಕಾಣುವ ಈ ಚಿತ್ರದ ನಿರ್ಮಾಣವು ಅದ್ದೂರಿಯಾಗಿರಲಿದ್ದು ಅಭಿಮಾನಿಗಳನ್ನು ಬೇರೆಯದೇ ಒಂದು ಲೋಕಕ್ಕೆ ಕರೆದೊಯ್ಯುವ ಎಲ್ಲ ನಿರೀಕ್ಷೆಯಿದೆ.

bahubali prabhas to star in arjun reddy director sandeep reddy vanga movie

 

View this post on Instagram

 

A post shared by Prabhas (@actorprabhas)

ಇದನ್ನೂ ಓದಿ: ನೀವು ಸಾಯಿ ಪಲ್ಲವಿಯನ್ನು ಮದುವೆಯಾಗಿ, ಅವರೇ ಸರಿಯಾದ ಜೋಡಿ’… ನಾಗ ಚೈತನ್ಯಗೆ ಅಭಿಮಾನಿಗಳ ಸಲಹೆ
ಇದನ್ನೂ ಓದಿ: ಟಾಲಿವುಡ್ ನಟ ಸಾಯಿ ಧರಂ ತೇಜ್ ಗೆ ಅಪಘಾತ