ಬೃಹತ್ ಸಂಖ್ಯೆಯಲ್ಲಿ ವಿದ್ಯುತ್ ಕಾರುಗಳನ್ನು ತಯಾರಿಸಲು ಚೀನಾ ಮೂಲದ ಶಿಯೋಮಿ ಕಂಪನಿ ಮುಂದಾಗಿದೆ. ಸ್ಥಳೀಯ ಮಾಧ್ಯಮಗಳಲ್ಲಿ ಈಗಾಗಲೇ ಪ್ರಸಾರವಾಗಿರುವ ಈ ವಿಷಯವನ್ನು ಸಂಸ್ಥೆಯ ಮುಖ್ಯಸ್ಥ ಲೀಯ್ ಜುನ್ ಖಚಿತಪಡಿಸಿದ್ದಾರೆ. ಈ ತಯಾರಕಾ ಘಟಕವು 2024ರ ಪ್ರಥಮಾರ್ಧದಲ್ಲಿ ಕಾರ್ಯಾರಂಭ ಮಾಡಲಿದೆಯೆಂದು ಮಂಗಳವಾರ (ಅ.19) ತಿಳಿಸಿದ್ದಾರೆ. ಹೂಡಿಕೆದಾರರ ಸಮಾವೇಶದಲ್ಲಿ ಅವರು ಈ ವಿಷಯವನ್ನು ಬಹಿರಂಗಪಡಿಸಿರುವುದಾಗಿ ವರದಿಯಾಗಿದೆ. ಸಂಸ್ಥೆಯ ಮಾರಾಟ ವಿಭಾಗದ ನಿರ್ದೇಶಕ ಝಾಂಗ್ ಝಿಯುವಾನ್ ಸಹ ಇದನ್ನು ತಮ್ಮ ದೃಢೀಕೃತ ಜಾಲತಾಣದಲ್ಲಿ ಹಂಚಿಕೊಳ್ಳುವ ಮೂಲಕ ಪುನರುಚ್ಚರಿಸಿದ್ದಾರೆ.
ಈ ಘೋಷಣೆಯ ನಂತರ ಷೇರು ಮಾರುಕಟ್ಟೆಯಲ್ಲಿ ಸಂಸ್ಥೆಯ ಷೇರುಗಳು ಸುಮಾರು 5.4% ಏರಿಕೆ ಕಂಡಿದ್ದು (ಸುಮಾರು 220 ರೂಪಾಯಿಗಳು) ಕಳೆದ ಮೇ 12ರ ನಂತರದ ಅತಿ ಹೆಚ್ಚಿನ ಏರಿಕೆಯಾಗಿದೆ. ಸಂಸ್ಥೆಯು ಕಳೆದ ಮಾರ್ಚ್‌ನಲ್ಲಿ ಮುಂದಿನ 10 ವರ್ಷಗಳ ಅವಧಿಯಲ್ಲಿ ವಿದ್ಯುತ್ ಕಾರುಗಳ ಉತ್ಪಾದನೆಗಾಗಿ ಸುಮಾರು 75,075 ಕೋಟಿ ರೂಪಾಯಿಗಳ ಬಂಡವಾಳ ಹೂಡುವುದಾಗಿ ಘೋಷಿಸಿತ್ತು. ಹೊಸ ವಿದ್ಯುತ್ ಕಾರು ತಯಾರಿಕಾ ಘಟಕದ ನೋಂದಣಿ ಪ್ರಕ್ರಿಯೆಯೂ ಸಹ ಕಳೆದ ಆಗಸ್ಟ್‌ನಲ್ಲೇ ಪೂರ್ಣಗೊಂಡಿತ್ತು.
ಸಂಸ್ಥೆಯು ತನ್ನ ಹೊಸ ಉದ್ಯಮಕ್ಕೆ ಬೇಕಾದ ಸಿಬ್ಬಂದಿವರ್ಗದ ಆಯ್ಕೆಯನ್ನು ಈಗಾಗಲೇ ಮುಗಿಸಿದ್ದು ತಾನೇ ಸಂಪೂರ್ಣವಾಗಿ ವಿದ್ಯುತ್ ಕಾರು ತಯಾರಿಕೆಯಲ್ಲಿ ತೊಡಗುವುದೋ ಅಥವಾ ಈಗಾಗಲೆ ಕಾರ್ಯನಿರತವಾಗಿರುವ ಯಾವುದಾದರೂ ತಯಾರಿಕಾ ಸಂಸ್ಥೆಯ ಸಹಯೋಗದೊಂದಿಗೆ ಕಾರುಗಳ ಉತ್ಪಾದನೆಯಲ್ಲಿ ತೊಡಗುವುದೋ ಎಂಬುದನ್ನು ಇನ್ನಷ್ಟೇ ಬಹಿರಂಗಪಡಿಸಬೇಕಾಗಿದೆ.
Leading smart phone manufacturer Xiaomi decides to start manufacturing electric cars in large scale
ಇದನ್ನೂ ಓದಿ: Viral Vide: ಜಾಹ್ನವಿ ಕಪೂರ್‌ಗೆ ಅಪ್ಪ ಅಂದ್ರೆ ಅದೆಷ್ಟು ಪ್ರೀತಿ: ವೈರಲ್ ಆಯ್ತು ಮಗಳ ಕಾಳಜಿ
ಇದನ್ನೂ ಓದಿ: Narendra Modi: ಕುಶಿನಗರ ವಿಮಾನ ನಿಲ್ದಾಣ ಲೋಕಾರ್ಪಣೆ ಮಾಡಿದ ಪ್ರಧಾನಿ ನರೇಂದ್ರ ಮೋದಿ
Discussion about this post