ಯಾಮಿ ಗೌತಮ್ ಮತ್ತು ಆದಿತ್ಯ ಧಾರ್ ಮತ್ತೆ ‘ಒಂದಾಗುತ್ತಿದ್ದಾರೆ’. ಅರೆ, ಇದೇನು ಇತ್ತೀಚೆಗಷ್ಟೇ ಮದುವೆಯಾಗಿ ಗಂಡ-ಹೆಂಡತಿಯಾದವರು ಯಾವಾಗ ಬೇರೆ ಆಗಿದ್ದರು ಅನ್ನಬೇಡಿ. ಇದು ನಿಜ, ಉರಿ ಚಿತ್ರದ ನಂತರ, ಯಾಮಿ ಗೌತಮ್ ನಾಯಕಿ ನಟಿಯಾಗುತ್ತಿರುವ ಚಿತ್ರಕ್ಕೆ ಆದಿತ್ಯರೇ ನಿರ್ದೇಶಕ ಮತ್ತು ನಿರ್ಮಾಪಕ. ಈ ಮೂಲಕ ಯಾಮಿ ಅವರಿಗೆ ಆದಿತ್ಯ ‘ಯಜಮಾನ’ರಾಗಲಿದ್ದಾರೆ. ಹೀಗಾಗಿ, ಗಂಡ ಹೆಂಡತಿ ಮತ್ತೆ ಚಿತ್ರದಲ್ಲಿ ಒಂದಾಗಲಿದ್ದಾರೆ ಅನ್ನೋದು ಬಾಲಿವುಡ್ ಸಖತ್ ಸುದ್ದಿ.
ಎಲ್ಲ ಸರಿಹೋದರೆ ಪ್ರತೀಕ್ ಗಾಂಧಿಗೆ ಜೋಡಿಯಾಗಿ ಯಾಮಿ ಕಾಣಿಸಿಕೊಳ್ಳಲಿದ್ದಾರೆ. ಜನವರಿಯಿಂದ ಚಿತ್ರದ ಚಿತ್ರೀಕರಣ ಆರಂಭವಾಗುವ ನಿರೀಕ್ಷೆಗಳು ಇವೆ. ಬಾಲಿವುಡ್ ಬಜಾರ್ ಹೇಳುವ ಪ್ರಕಾರ ಈ ಚಿತ್ರವನ್ನು ಆದಿತ್ಯರ ಬಹುದಿನಗಳ ದೋಸ್ತಿ, ರೋನಿ ಸ್ಕೀವಾಲಾ ಜೊತೆ ನಿರ್ಮಿಸಲಿದ್ದಾರಂತೆ. ಒಟ್ಟು ಹೂಡಿಕೆ 200 ಕೋಟಿ ವ್ಯಯಿಸಲಿದ್ದಾರೆ ಎನ್ನುವ ಸುದ್ದಿ ಓಡಾಡುತ್ತಿದೆ. ಆದರೆ, ಹೆಂಡತಿಗಾಗಿ ನಿರ್ಮಿಸುತ್ತಿರುವ ಬಿಗ್ ಬಜೆಟ್ ಚಿತ್ರದ ಕಥೆಯ ಸಣ್ಣ ಎಳೆಯನ್ನು ನಿರ್ಮಾಪದ್ವಯರು ಕೂಡ ಬಾಯಿ ಬಿಟ್ಟಿಲ್ಲ.
ಸ್ಕ್ಯಾಮ್ ಚಿತ್ರದಲ್ಲಿ ಹರ್ಷದ್ ಮೆಹ್ತಾ ಪಾತ್ರ ಮಾಡಿ ಜನಪ್ರಿಯರಾದ ಪ್ರತೀಕ್ ಗಾಂಧಿ ಫುಲ್ ಬ್ಯುಜಿ. ಇತ್ತೀಚೆಗೆ ಹೇಳಿಕೊಂಡನ್ನು ನೀಡಿದ್ದರು- ನನಗೆ ಇಂಥದೇ ಪಾತ್ರಬೇಕು ಅಂತಿಲ್ಲ. ಒಂದು ಪಾತ್ರದ ಜೊತೆ ನೇತಾಡೋದು ನನಗೆ ಇಷ್ಟವಿಲ್ಲ. ಹಾಗಂತ, ನಾನು ಯಾವುದೋ ಗುರಿ ಇಟ್ಟುಕೊಂಡು, ಭವಿಷ್ಯದ ದೃಷ್ಟಿಯಿಂದ ಅಂಥವೇ ಪಾತ್ರಗಳನ್ನು ಮಾಡಬೇಕು ಅಂತಲೂ ಇಲ್ಲ. ನಾನು ಹೇಳೋದೇನು ಅಂದರೆ, ವೈವಿಧ್ಯಪಾತ್ರಗಬೇಕು. ಪಾತ್ರಗಳಿಂದ ನಾನು ಗುರುತಿಸಿಕೊಳ್ಳಲು ಇಷ್ಟ ಪಡ್ತೀನಿ. ನನ್ನ ಹೆಸರಿನಿಂದ ಪಾತ್ರಗಳ ಸೃಷ್ಟಿಯಾಗಬಾರದು ಅಂದಿದ್ದರು. ಇದಕ್ಕೆ ಸಾಕ್ಷಿಎಂಬಂತೆ, ಪ್ರತೀಕ್ ನಟಿಸಿರುವ, ಅಥಿತಿ ಭೂತ್ ದೇವೋಭವ ಅನ್ನೋ ಹಾರರ್ ವೆಬ್ ಸೀರಿಸ್ ಬಿಡುಗಡೆಗೆ ಸಿದ್ಧವಿದೆ. ಬಹುಶಃ ಪ್ರತೀಕ್ ನಿರೀಕ್ಷೆಯ ಪಾತ್ರವು ಹೆಸರಿಡದ ಆದಿತ್ಯರ ಈ ಚಿತ್ರದಲ್ಲಿ ಸಿಗಬಹುದು ಎನ್ನಲಾಗುತ್ತಿದೆ.
ಏನೇ ಹೇಳಿ, ಗಂಡ-ಹೆಂಡತಿ ‘ಒಂದಾಗಿರುವುದು’ ಬಾಲಿವುಡ್ ನಲ್ಲಿ ಅದ್ಬುತ ಚಿತ್ರಕ್ಕೆ ನಿರ್ಮಾಣಕ್ಕೆ ಕಾರಣವಾಗಿದೆ ಅನ್ನೋದು ಸುಳ್ಳಲ್ಲ.
Yami Gautam collaboration with husmand Aditya Dhar for new Movie
ಇದನ್ನೂ ಓದಿ: Viral Vide: ಜಾಹ್ನವಿ ಕಪೂರ್ಗೆ ಅಪ್ಪ ಅಂದ್ರೆ ಅದೆಷ್ಟು ಪ್ರೀತಿ: ವೈರಲ್ ಆಯ್ತು ಮಗಳ ಕಾಳಜಿ
ಇದನ್ನೂ ಓದಿ: Samantha Divorce: ಚಿತ್ರರಂಗದಲ್ಲಿ ಸದ್ದು ಮಾಡಿದ ಐದು ವಿಚ್ಛೇದನಗಳು, ಪ್ರತಿಸಲವೂ ಹೆಣ್ಣಿನ ಮೇಲೆ ದೋಷಾರೋಪ ಏಕೆ?
Discussion about this post