ನವದೆಹಲಿ: ಸೂರ್ಯನಿಂದ ಬರುವ ನೇರಳಾತೀತ ಕಿರಣಗಳಿಂದ ರಕ್ಷಣೆ ಪಡೆಯುವುದಕ್ಕಾಗಿ ಸನ್ಸ್ಕ್ರೀನ್ ಲೋಷನ್‌ಗಳನ್ನು ಹಚ್ಚಿಕೊಳ್ಳುವಂತೆ ತಜ್ಞರು ಸಲಹೆ ನೀಡಿರುವುದೇನೋ ನಿಜ. ಆದರೆ, ಕೆಲವು ರೀತಿಯ ಸನ್ಸ್ಕ್ರೀನ್ ಲೋಷನ್‌ಗಳಿಂದ ಚರ್ಮಕ್ಕೆ ಹಾನಿಯಾಗುವ ಸಾಧ್ಯತೆ ಹೆಚ್ಚಿದೆ ಎಂದು ಅಧ್ಯಯನ ವರದಿಯೊಂದು ತಿಳಿಸಿದೆ.
ಝಿಂಕ್ ಆಕ್ಸೈಡ್ ಅಂಶವುಳ್ಳ ಸನ್ಸ್ಕ್ರೀನ್ ಲೋಷನ್‌ಗಳು ಬಿಸಿಲಿನ ಕಿರಣಗಳು ಸೋಂಕಲು ಆರಂಭವಾದ ಎರಡು ಗಂಟೆ ಬಳಿಕ ಪರಿಣಾಮ ಕಳೆದುಕೊಳ್ಳುತ್ತವೆ. ಅದು ಸೂರ್ಯನ ಕಿರಣಗಳಿಗೆ ಒಡ್ಡಿಕೊಂಡಿರುವಾಗ ಇತರ ರಾಸಾಯನಿಕಗಳ ಜತೆ ಸೇರಿದಾಗ ಅಪಾಯಕಾರಿಯಾಗಿ ಪರಿಣಮಿಸಬಹುದು ಎಂದು ‘ಫೋಟೊಕೆಮಿಕಲ್ ಆ್ಯಂಡ್ ಫೋಟೊಬಯಲಾಜಿಕಲ್ ಸೈನ್ಸಸ್’ ಜರ್ನಲ್‌ನಲ್ಲಿ ಪ್ರಕಟಗೊಂಡಿರುವ ವರದಿ ಉಲ್ಲೇಖಿಸಿದೆ.
ಆರ್ಗ್ಯಾನಿಕ್‌ ಸನ್‌ಸ್ಕ್ರೀನ್‌ಗಳ ಜತೆ ಝಿಂಕ್ ಆಕ್ಸೈಡ್‌ಗಳನ್ನು ಮಿಶ್ರ ಮಾಡುವುದರಿಂದ ಇತರ ಸನ್ಸ್ಕ್ರೀನ್ ಉತ್ಪನ್ನಗಳಂತೆ ಪರಿಣಾಮಕಾರಿಯಾಗದು. ಅದು ನೇರಳಾತೀತ ಕಿರಣಗಳನ್ನು ಹೆಚ್ಚು ಸೋಸುವುದಿಲ್ಲ ಎಂದು ಸಂಶೋಧಕರು ಹೇಳಿದ್ದಾರೆ. ಆರ್ಗ್ಯಾನಿಕ್‌ ಸನ್ಸ್ಕ್ರೀನ್ ಜತೆಗೆ ಝಿಂಕ್ ಆಕ್ಸೈಡ್‌ಗಳ ಮಿಶ್ರಣ ಹೆಚ್ಚು ಅಪಾಯಕಾರಿ ಎಂದು ಅವರು ಹೇಳಿದ್ದಾರೆ.
ಝಿಂಕ್ ಆಕ್ಸೈಡ್ ಅಂಶ ಹೊಂದಿರುವ ಐದು ರೀತಿಯ ಸನ್ಸ್ಕ್ರೀನ್ ಲೋಷನ್‌ಗಳನ್ನು ಸಂಶೋಧಕರು ಅಧ್ಯಯನಕ್ಕೆ ಒಳಪಡಿಸಿದ್ದರು.
ಬಿಸಿಲಿನ ಶಾಖದಿಂದ ಹಾಗೂ ಸೂರ್ಯನ ಕಿರಣಗಳಿಂದ ಚರ್ಮದ ಮೇಲಾಗುವ ಕಪ್ಪು ಕಲೆ, ಸನ್‌ಬರ್ನ್‌ ಮತ್ತಿತರ ಸಮಸ್ಯೆಗಳಿಂದ ತ್ವಚೆಯನ್ನು ರಕ್ಷಿಸಿಕೊಳ್ಳುವುದಕ್ಕಾಗಿ ಸನ್‌ಸ್ಕ್ರೀನ್‌ಗಳನ್ನು ಹಚ್ಚಿಕೊಳ್ಳುವುದೇನೋ ನಿಜ. ಆದರೆ, ಇವುಗಳನ್ನು ಹಚ್ಚುವಾಗ ಅವು ಯಾವ ರೀತಿಯದ್ದು, ಅದರಿಂದ ಚರ್ಮಕ್ಕೆ ಹಾನಿಯಾಗಬಹುದೇ ಎಂಬುದನ್ನು ತಜ್ಞರಿಂದ ಅಥವಾ ವೈದ್ಯರಿಂದ ಕೇಳಿ ತಿಳಿದುಕೊಳ್ಳುವುದು ಉತ್ತಮ ಎಂದಿದ್ದಾರೆ ಸಂಶೋಧಕರು.
ಇನ್ನಷ್ಟು…
ಮನಸ್ಸಿನ ಪುನಶ್ಚೇತನ, ನಿರಾಳತೆಗೆ ಎರಡು ನಿಮಿಷಗಳ ಉಸಿರಾಟ ವ್ಯಾಯಾಮ: ಹೀಗೆ ಮಾಡಿ…
ಆರೋಗ್ಯಕರ ಜೀರ್ಣಕ್ರಿಯೆ ನಿಮ್ಮದಾಗಬೇಕೇ? ಹಾಗಾದೆರೆ ಇಲ್ಲಿವೆ ಆಯುರ್ವೇದದ 9 ಸುಲಭೋಪಾಯಗಳು
Discussion about this post