ಮೆಲ್ಬರ್ನ್: ಇಂಜೆಕ್ಷನ್ ತೆಗೆದುಕೊಳ್ಳುವುದು ಎಂದರೆ ಕೆಲವರಿಗೆ ಮೈಯಲ್ಲ ನಡುಕ. ಸೂಜಿ ಚುಚ್ಚುವಿಕೆಯ ನೋವನ್ನು ಅವರು ಸಹಿಸರು. ಕೆಲವರಂತೂ ಸಿರೆಂಜ್ ನೋಡಿದರೆ ತಲೆ ತಿರುಗಿಬಿದ್ದು ಬಿಡುತ್ತಾರೆ. ಕೊರೊನಾ ಕಾಲಘಟ್ಟದಲ್ಲಿ ಕಡ್ಡಾಯವಾಗಿ ಲಸಿಕೆ ತೆಗೆದುಕೊಳ್ಳಬೇಕಿರುವುದರಿಂದ ಈ ದಿಗಿಲು ಸ್ವಭಾವದವರು ಇನ್ನಷ್ಟು ಅಂಜಿಕೊಂಡಿದ್ದಾರೆ. ಇಂಥವರ ಆತಂಕವನ್ನು ದೂರಮಾಡಲು ಲಸಿಕೆ ನೀಡಲು ಸೂಜಿ ರಹಿತವಾದ ಪ್ಯಾಚಸ್ ಅನ್ನು ವಿಜ್ಞಾನಿಗಳು ಸಂಶೋಧಿಸಿದ್ದು, ಶೀಘ್ರದಲ್ಲೇ ಇದು ಬಳಕೆಗೆ ಲಭ್ಯವಾಗಲಿದೆ. ಈ ಪ್ಯಾಚಸ್ ಅನ್ನು ಕೊರೊನಾ ತಡೆ ಲಸಿಕೆ ಮಾತ್ರವಲ್ಲದೆ ಬೇರೆ ವಿಧದ ಇಂಜೆಕ್ಟನ್ಗೂ ಬಳಸಬಹುದಾಗಿದೆ.
ಇಂಜೆಕ್ಷನ್ ಎಂದರೆ ಮಾರುದ್ದು ಓಡುವ ಮಕ್ಕಳ ಕಣ್ಣೀರನ್ನು ಈ ಪ್ಯಾಚಸ್ ಹೋಗಲಾಡಿಸುತ್ತದೆ. ಮಕ್ಕಳ ಲಸಿಕೆಗೆ ಅನುಮತಿ ದೊರೆಯುತ್ತಿರುವ ಹೊತ್ತಿನಲ್ಲೇ ಪ್ಯಾಚಸ್ ಕೂಡ ಮಾರುಕಟ್ಟೆಗೆ ಬರುತ್ತಿರುವುದು ಪೋಷಕರ ದುಗುಡ ದೂರವಾಗಲಿದೆ.
ಜತೆಗೆ ಇದು ಸಿರೆಂಜ್ ಮತ್ತು ಸೂಜಿ ಅವಲಂಬನೆಯನ್ನು ತಪ್ಪಿಸುತ್ತದೆ ಮತ್ತು ಲಸಿಕೆಯ ಪರಿಣಾಮಕಾರಿ ವಿತರಣೆಗೂ ಅನುಕೂಲ ಎಂದು ಸಂಶೋಧಕರು ಹೇಳಿದ್ದಾರೆ.
ಆಸ್ಟ್ರೇಲಿಯಾ ಮತ್ತು ಅಮೆರಿಕದ ತಂಡ ಜಂಟಿಯಾಗಿ ಪ್ಯಾಚಸ್ಗಳ ಸಂಶೋಧನೆ ನಡೆಸಿದ್ದು, ಒಂದು ಸೆಂಟಿಮೀಟರ್ ಸುತ್ತಳತೆಯ ಚೌಕಾಕಾರದಲ್ಲಿ ಇದು ಇದೆ. ಐದು ಸಾವಿರಕ್ಕೂ ಹೆಚ್ಚು ಮೈಕ್ರೋಸ್ಕೋಪಿಕ್ ಸ್ಪೈಕ್ಸ್ ಅನ್ನು ಇದು ಒಳಗೊಂಡಿದೆ. ಅತ್ಯಂತ ತೆಳುವಾದ ಇವು ಬರಿಗಣ್ಣಿಗೆ ಕಾಣಿಸದಷ್ಟು ಸೂಕ್ಷ್ಮವಾಗಿವೆ ಎಂದು ಈ ಸಂಶೋಧನಾ ಪ್ರಬಂಧದ ಸಹಲೇಖಕರಾದ ಕ್ವೀನ್ಸ್ಲ್ಯಾಂಡ್ ವಿಶ್ವವಿದ್ಯಾಲಯದ ವೈರಾಲಜಿಸ್ಟ್ ಡೇವಿಡ್ ಮುಲ್ಲರ್ ಹೇಳಿದ್ದಾರೆ. ಈ ಪ್ರಬಂಧವು ಜರ್ನಲ್ ಸೈನ್ಸ್ ಅಡ್ವಾನ್ಸ್ನಲ್ಲಿ ಪ್ರಕಟವಾಗಿದೆ.
Skin Patch coated in covid-19 vaccine may work better than injections
ಇದನ್ನೂ ಓದಿ: ನೂರು ಕೋಟಿ ದಾಟಿದ ಕೊರೊನಾ ತಡೆ ಲಸಿಕೆಯ ಡೋಸ್
ಇದನ್ನೂ ಓದಿ: ಕೊರೊನಾ ಆಯ್ತು, ಅಮೆರಿಕದಲ್ಲೀಗ ಸ್ಯಾಲ್ಮೊನೆಲ್ಲಾ ಸೋಂಕು ಹಾವಳಿ: ಏನಿದು?
Discussion about this post