ಎಲ್ಲಾ ಕಾಳಿಂಗ ಸರ್ಪ ಒಂದೇ ಅಲ್ಲ, ಅದರಲ್ಲಿ ನಾಲ್ಕು ವಂಶಗಳಿವೆ

ದೆಹಲಿ: ಕರ್ನಾಟಕದ ಜೀವಶಾಸ್ತ್ರ ತಜ್ಞರು, ನಾನಾ ಭೌಗೋಳಿಕ ತಾಣದಲ್ಲಿ ಕಾಳಿಂಗ ಸರ್ಪದ ನಾಲ್ಕು ವೈವಿದ್ಯಮಯ ವಂಶಾವಳಿಗಳನ್ನು ಕಂಡು ಹಿಡಿದಿದ್ದಾರೆ. ಪಶ್ಚಿಮ ಘಟ್ಟ, ಭಾರತ-ಚೀನಾ ಪ್ರದೇಶ, ಭಾರತ-ಮಲಯನ್ ಹಾಗೂ ಫಿಲಿಫೈನ್ಸ್ ನಲುಜೋನ್ ಪ್ರದೇಶದಲ್ಲಿ ಈ ವೈವಿಧ್ಯಮಯ ಕಾಳಿಂಗ ಸರ್ಪವನ್ನು ಪತ್ತೆ ಹಚ್ಚಿದ್ದಾರೆ. ಈ ತನಕ ಜಗತ್ತಿನಾದ್ಯಂತ ಇರುವ ಕಾಳಿಂಗ ಸರ್ಪಗಳದ್ದೆಲ್ಲಾ ಒಂದೇ ಜಾತಿ ಎಂದು ತಿಳಿದಿದ್ದರು.

ಆದರೆ, ಅರಣ್ಯ ಜೀವಶಾಸ್ತ್ರಜ್ಞ ಪಿ.ಗೌರಿಶಂಕರ್ ಮತ್ತು ಅವರ ತಂಡವು ಕರ್ನಾಟಕ, ಒಡಿಶಾ, ಕೇರಳ, ತಮಿಳುನಾಡ್ , ಅಂಡಮಾನ್, ಗೋವಾ, ಮಿಜೋರಾಮ್, ಉತ್ತರಾಖಂಡ್ ಅರಣ್ಯ ಇಲಾಖೆಗಳ ಸಹಯೋಗದಲ್ಲಿ ಮೃಗಾಲಯ ಮತ್ತು ವಸ್ತುಸಂಗ್ರಹಾಲಯಗಳಲ್ಲಿರುವ ಹಾವಿನ ಅಂಗಾಂಶ ಮಾದರಿಗಳನ್ನು ಸಂಗ್ರಹಿಸಿದೆ.

ಕಾಳಿಂಗ ಸರ್ಪದ ಡಿಎನ್ಎ ಪರೀಕ್ಷಿಸಿರುವ ತಂಡಕ್ಕೆ, ಕಾಳಿಂಗ ಸರ್ಪವು ಒಂದೇ ಜಾತಿಯದ್ದಾಗಿಲ್ಲ, ಇದರಲ್ಲೇ ನಾಲ್ಕು ವಿವಿಧ ವಂಶಾವಳಿಗಳನ್ನು ಹೊಂದಿವೆ ಎಂಬುದು ತಿಳಿದುಬಂತು. ಉಷ್ಣವಲಯ ಅದರ ಉಪವಲಯಗಳ ಆವಾಸ ಸ್ಥಾನ ಹಾಗೂ ಅಲ್ಲಿನ ವಾತಾವರಣದ ಆಧಾರದ ಮೇಲೆ ಕಾಳಿಂಗ ಸರ್ಪದ ವಂಶವಾಳಿಗಳು ಕೂಡ ಬದಲಾಗುತ್ತವೆ ಎಂಬುದು ಸಂಶೋಧನೆಯಿಂದ ತಿಳಿದು ಬಂದಿದೆ. ಹೀಗಾಗಿ, ಪಶ್ಚಿಮಘಟ್ಟ, ಭಾರತದ ದ್ವೀಪದಂತಿರುವ ಪೂರ್ವಘಟ್ಟ, ಅಂಡಮಾನ್ ದ್ವೀಪ, ಉತ್ತರ ಭಾರದ ಹಿಮಾಲಯ ಬುಡದಲ್ಲಿ, ದಕ್ಷಿಣ ಚೀನಾಕ್ಕೆ ಹೊಂದಿರು ಪ್ರದೇಶಗಳಲ್ಲಿ ಕಾಳಿಂಗ ಸರ್ಪದವ ವೈವಿಧ್ಯಮಯ ವಂಶಾವಳಿಯನ್ನು ಹುಡುಕಿದ್ದೇವೆ ಎಂದು ಶಂಕರ್ ಹೇಳಿದ್ದಾರೆ.

ಕಾಳಿಂಗದ ಸರ್ಪದ ಬಗ್ಗೆ ಮೂಲಭೂತ ಪ್ರಶ್ನೆಗಳಿಗೆ ಉತ್ತರಿಸುವ ಮೊದಲು ಅವುಗಳ ಜೀವನಚಕ್ರದ ಯಾವ ಹಂತದಲ್ಲಿ ವಿಷ ಉತ್ಪತ್ತಿಯಾಗಲು ಆರಂಭವಾಗುತ್ತದೆ ಎನ್ನುವುದನ್ನು ನಾವು ಮುಂದಿನ ದಿನಗಳಲ್ಲಿ ತಿಳಿಯಬೇಕಿದೆ.

ಇದರಿಂದ ಯಾವ ಜಾತಿಯ ಕಾಳಿಂಗ ಸರ್ಪ ವಿನಾಶದಲ್ಲಿದೆ ಎನ್ನುವುದನ್ನು ಸುಲಭವಾಗಿ ಗುರುತಿಸಬಹುದು. ಅವುಗಳ ಉಳಿವಿಗೆ ಅಗತ್ಯ ಸಂರಕ್ಷಣಾ ಕ್ರಮಗಳನ್ನು ಕೈಗೊಳ್ಳಬಹುದು ಎಂದು ಶಂಕರ್ ವಿವರಿಸಿದರು.

ಇದರ ಜೊತೆಗೆ, ವಿಷದ ಕಾಳಂಗ ಸರ್ಪದಲ್ಲಿರುವ ಪ್ರಮಾಣ ಅರಿಯಬಹುದು. ನಾನಾ ಜಾತಿಯ ಕಾಳಿಂಗ ಸರ್ಪದಲ್ಲಿ ಅತ್ಯಂತ ವಿಷಕಾರಿ ಯಾವುದು. ಅವುಗಳಲ್ಲಿ ಯಾವುದ ನೇರ ರೀತಿ ಪರಿಣಾಮ ಬೀರುತ್ತದೆ ಅನ್ನೋದನ್ನು ತಿಳಿಯಬಹುದು. ಇದರ ಆಧಾರದ ಮೇಲೆ ಜೀವ ಉಳಿಸಲು ಅಗತ್ಯ ಪರಿಣಾಮಕಾರಿಯಾದ ಪ್ರತಿರೋಧಕ ಔಷಧ ಕಂಡು ಹಿಡಿಯಲು ಈ ಸಂಶೋಧನೆ ನೆರವಾಗಲಿದೆ ಎಂದರು.

King cobra has four different Evolutionary Lineage

ಇದನ್ನೂ ಓದಿ: ದುರ್ಗದಹಳ್ಳಿಯಲ್ಲಿ ಕಾಳಿಂಗ ಸರ್ಪ ಸೆರೆ
ಇದನ್ನೂ ಓದಿ: ಪತ್ನಿ ಮೇಲೆ ನಾಗರಹಾವು ಬಿಟ್ಟು ಹತ್ಯೆಗೈದ ಪತಿಗೆ ಜೈಲು