ಕಾಬೂಲ್: ಇಲ್ಲಿನ ಸೇನಾ ಆಸ್ಪತ್ರೆಯ (ಸರ್ದಾರ್ ದೌದ್ ಖಾನ್ ಹಾಸ್ಪಿಟಲ್) ಎರಡು ಕಡೆ ಮಂಗಳವಾರ ನಡೆದ ಪ್ರಬಲ ಅತ್ಮಾಹುತಿ ದಾಳಿಯಲ್ಲಿ 19 ಜನರು ಸಾವನ್ನಪ್ಪಿ 50 ಅಧಿಕ ಮಂದಿ ಗಾಯಗೊಂಡಿದ್ದಾರೆ. ಮಡಿದವರ ಪೈಕಿ ತಾಲಿಬಾನ್ನ ಪ್ರಮುಖ ಕಮಾಂಡರ್ ಹಮ್ದುಲ್ಲಾ ಮೊಖ್ಲಿಸ್ ಕೂಡ ಸೇರಿದ್ದಾನೆ.
ಹಮ್ದುಲ್ಲಾ ಮೊಖ್ಲಿಸ್ ಹಕ್ಕಾನಿ ಜಾಲದ ಸದಸ್ಯನಾಗಿದ್ದು, ಬದ್ರಿ ಕಾರ್ಪ್ಸ್ ವಿಶೇಷ ಪಡೆಯ ಕಮಾಂಡರ್ ಆಗಿದ್ದ.
ಇಸ್ಲಾಮಿಕ್ ಸ್ಟೇಟ್ಸ್ ಸಂಘಟನೆಯ ಐವರು ಉಗ್ರರ ಗುಂಪು ಈ ದಾಳಿ ನಡೆಸಿದೆ ಎಂದು ತಾಲಿಬಾನ್ ವಕ್ತಾರನಾದ ಜಬಿವುಲ್ಲಾ ಮಜಾಹಿದ್ ಹೇಳಿದ್ದಾನೆ. ಈ ದಾಳಿಯನ್ನು 15 ನಿಮಿಷದಲ್ಲಿ ಕೊನೆಗೊಳಿಸಿ ಹೆಚ್ಚಿನ ಅನಾಹುತ ತಪ್ಪಿಸಲಾಗಿದೆ ಎಂದಿದ್ದಾನೆ.
ಈ ದಾಳಿಯ ಹೊಣೆಯನ್ನು ಇಸ್ಲಾಮಿಕ್ ಸ್ಟೇಟ್ಸ್ ಸಂಘಟನೆಯ ಭಾಗವಾದ ಖೊರಸಾನ್ ಗುಂಪು ಹೊತ್ತುಕೊಂಡಿದೆ. ಈ ಹಿಂದೆ ಕಾಬೂಲ್ ವಿಮಾನ ನಿಲ್ದಾಣದ ಬಳಿ ನಡೆಸಿದ ಗುಂಡಿನ ದಾಳಿಯನ್ನೂ ಇದೇ ಗುಂಪು ನಡೆಸಿತ್ತು.
ಅಫ್ಘನ್ ಕಟ್ಟಾ ಮೂಲಭೂತವಾದಿ ಸಂಘಟನೆ ತಾಲಿಬಾನ್ ಆಡಳಿತ ಹಿಡಿದ್ದರೂ, ಇಸ್ಲಾಮಿಕ್ ಸ್ಟೇಟ್ಸ್ ಉಗ್ರರು ತಾಲಿಬಾನ್ಗಳಿಗೆ ವಿರುದ್ಧವಾಗಿದ್ದಾರೆ.
ಎರಡು ದಶಕದಿಂದ ಆಫ್ಘಾನಿಸ್ತಾನದಲ್ಲಿದ್ದ ಅಮೆರಿಕ ಮತ್ತು ನ್ಯಾಟೊ ಪಡೆಗಳು ಆಗಸ್ಟ್ನಲ್ಲಿ ವಾಪಸಾಗುವಿಕೆ ಪ್ರಕಿಯೆ ಪ್ರಾರಂಭಿಸಿದಾಗ ತಾಲಿಬಾನ್ಗಳು ಆ. 15ರಂದು ಅಫ್ಘನ್ನನ್ನು ವಶಕ್ಕೆ ಪಡೆದುಕೊಂಡರು. ಆಗಿನಿಂದ ಇಸ್ಲಾಮಿಕ್ ಉಗ್ರರು ಒಂದಲ್ಲಾ ಒಂದು ದಾಳಿ ನಡೆಸುತ್ತಿದ್ದಾರೆ. ಅಲ್ಲಿಂದೀಚೆಗೆ ನಡೆದ ದಾಳಿಗಳಲ್ಲಿ ಮಂಗಳವಾರ ನಡೆದ ದಾಳಿ ಭೀಕರವಾದುದ್ದಾಗಿದೆ.
Afghanistan Taliban Commander Dead in Bomb Attack
ಇದನ್ನೂ ಓದಿ: ತಾಲಿಬಾನ್ ಕ್ರೌರ್ಯಕ್ಕೆ ಮತ್ತೊಂದು ಉದಾಹರಣೆ: ಮಗುವನ್ನು ಗಲ್ಲಿಗೇರಿಸಿದ ಕಟುಕರು
ಇದನ್ನೂ ಓದಿ: ತಾಲಿಬಾನ್ ಎದುರು ಸಿಡಿದೆದ್ದ ಮತ್ತೊಬ್ಬಳು ಮಲಾಲಾ
Discussion about this post