ನವದೆಹಲಿ: ಜಾಗತಿಕವಾಗಿ ತಲ್ಲಣ ಉಂಟು ಮಾಡಿರುವ ಕೊರೊನಾ ಸೋಂಕಿಗೆ ನೈಸರ್ಗಿಕವಾಗಿ ತಡೆಗೋಡೆ ಹಾಕುವಂತಹ ಪ್ರತಿರೋಧಕ ಶಕ್ತಿ ಹೊಂದಿರುವ ಒಂದು ಸಾವಿರ ಮಂದಿಯ ಮೇಲೆ ಅಧ್ಯಯನ ಮಾಡಲು ಸಂಶೋಧಕರು ಮುಂದಾಗಿದ್ದಾರೆ. ಇದು ಭವಿಷ್ಯದಲ್ಲಿ ಇಂಥ ಮಾರಣಾಂತಿಕ ಸೋಂಕಿಗೆ ಔಷಧವನ್ನು ಕಂಡುಹಿಡಿಯಲು ಸಹಾಯ ಮಾಡುತ್ತದೆ.
ರಕ್ಷಣಾತ್ಮಕ ಜೀನ್‌ಗಳ ಪತ್ತೆಗಾಗಿ ಮತ್ತು ಭವಿಷ್ಯದ ಸೋಂಕಿಗೆ ಔಷಧ ಕಂಡುಹಿಡಿಯುವ ಸಲುವಾಗಿ ಕೋವಿಡ್-19ಗೆ ನೈಸರ್ಗಿಕವಾಗಿ ಪ್ರತಿರೋಧ ಶಕ್ತಿ ಹೊಂದಿರುವಂತಹ ಒಂದು ಸಾವಿರ ಜನರಿಗಾಗಿ ಅಂತರರಾಷ್ಟ್ರೀಯ ವಿಜ್ಞಾನಿಗಳು ಹುಡುಕಾಟ ಆರಂಭಿಸಿದ್ದಾರೆ.
ಸೋಂಕನ್ನು ತಡೆಯುವಂತಹ ಪ್ರತಿರಕ್ಷಣೆಯು ಪ್ರಕೃತಿದತ್ತವಾಗಿ ಅಂದರೆ ವಂಶವಾಗಿಯಾಗಿ ಅಸ್ತಿತ್ವದಲ್ಲಿದ್ದರೆ ಅದು ಸೋಂಕಿತರಿಂದ ವೈರಸ್‌ ಪ್ರಸರಣವಾಗುದನ್ನು ತಡೆಯುವ ಔಷಧದ ಬಗ್ಗೆ ಒಳನೋಟವನ್ನು ನೀಡುತ್ತದೆ. ಈ ಉದ್ದೇಶದಿಂದ ಒಂದು ಸಾವಿರ ಇಂಥ ಜನರನ್ನು ಪರೀಕ್ಷೆಗಾಗಿ ನೊಂದಾಯಿಸಿಕೊಳ್ಳಲು ಸಂಶೋಧಕರು ಮುಂದಾಗಿದ್ದಾರೆ.
ಜಗತ್ತಿನಾದ್ಯತಂತ 10 ಸಂಶೋಧನಾ ಕೇಂದ್ರಗಳಿಂದ ಸಂಶೋಧಕರ ತಂಡಗಳು ಅಸುರಕ್ಷಿತವಾಗಿರುವ ಸೋಂಕಿಗೆ ಮುಖಾಮುಖಿಯಾದರೂ ಅಂದರೆ ಸೋಂಕು ತಗುಲಿದ ಕುಟುಂಬ ಸದಸ್ಯರ ಜತೆ ನಿಕಟವಾಗಿದ್ದರೂ ರೋಗ ಲಕ್ಷಣ ತಗುಲದೆ ಅಥವಾ ಪಾಸಿಟಿವ್‌ ವರದಿ ಬಾರದ ಇಲ್ಲವೆ ರೋಗವನ್ನು ನೈಸರ್ಗಿಕವಾಗಿಯೆ ಜಯಸಿದಂತಹವರ ಜೀನ್‌ಗಳನ್ನು ಪರೀಕ್ಷಿಸಲು ಮುಂದಾಗಿದೆ.
ಮಲೇರಿಯಾಕ್ಕೆ ಕಾರಣವಾಗುವಂತಹ ಪ್ಲಾಸ್ಮೋಡಿಯಂ ವೈವಾಕ್ಸ್‌ ಪರಾವಲಂಬಿ ಪ್ರಭೇದಕ್ಕೆ ನೈಸಗರ್ಗಿಕವಾಗಿ ಆನುವಂಶೀಯ ಪ್ರತಿರೋಧ ಹೊಂದಿರುವಂತಹ ಅಧ್ಯಯನವನ್ನು 2017ರಲ್ಲಿ ವಿಜ್ಞಾನಿಗಳ ತಂಡ ನಡೆಸಿತ್ತು. ಇದೇ ಮಾದರಿಯಲ್ಲಿ ಇಡೀ ಕುಟುಂಬ ಕೋವಿಡ್ ಸೋಂಕಿಗಾಗಿ ಒಳಗಾಗಿ ನಂತರ ಅವರಲ್ಲಿ ಒಬ್ಬರಾದರೂ ಎರಡನೇ ಸಾರಿಗೆ ಸೋಂಕು ತಗುಲಿಯೂ ಜಯಸಿದಂತಹವರನ್ನು ವರ್ಗೀಕರಿಸಿ ಅವರಲ್ಲಿನ ಕುಟುಂಬದ ವಂಶವಾಹಿಯ ರೋಗ ನಿರೋಧಕ ಶಕ್ತಿಯ ಜಿನೋಮ್‌ ಸಿಕ್ವೆನ್ಸ್‌ಅಧ್ಯಯನ ಮಾಡಲು ಈ ವಿಜ್ಞಾನಿಗಳು ಬಯಸಿದ್ದಾರೆ.
ಇದರ ಫಲಿತಾಂಶವನ್ನು ಸೋಂಕು ಪೀಡಿತರೊಂದಿಗೆ ಹೋಲಿಕೆ ಮಾಡಲಾಗುತ್ತದೆ. ಈ ಅಧ್ಯಯನವನ್ನು ‘ಜಿನೋಮ್‌-ವೈಡ್‌ ಅಸೋಸಿಯೇಷನ್‌ ಸ್ಟಡೀಸ್‌ (ಜಿಡಬ್ಯುಎಎಸ್‌) ಎಂದು ಕರೆಯಲಾಗುತ್ತದೆ. ಇದು ಕೋವಿಡ್ ಸೋಂಕಿಗೆ ವಂಶವಾಹಿಯಲ್ಲಿ ಸ್ವಾಭಾವಿಕವಾಗಿಯೆ ಬೆಳೆದು ಬಂದಿರುವಂತಹ ಪ್ರತಿರೋಧಕ ಶಕ್ತಿಯ ಪ್ರಮಾಣವನ್ನು ತಿಳಿಯಲು ಸಹಾಯಕವಾಗಿದೆ.
Scientists Trying to Identify People with Natural Immunity to Coronavirus
ಇದನ್ನೂ ಓದಿ: Covid vaccine: ಅಪಪ್ರಚಾರದ ನಡುವೆಯೂ ದೇಶದಲ್ಲಿ100 ಕೋಟಿ ಕೋವಿಡ್ ಲಸಿಕೆ ವಿತರಣೆ
Discussion about this post