ವೈಯಕ್ತಿಕ ಸಾಲದ ವಿತರಣೆ ಚುರುಕು

ನವದೆಹಲಿ: ಇತ್ತೀಚಿನ ತಿಂಗಳುಗಳಲ್ಲಿ ವೈಯಕ್ತಿಕ ಸಾಲ ವಿತರಣೆ ಪ್ರಮಾಣ ಹೆಚ್ಚಳ ಆಗಿದೆ ಎಂದು ಭಾರತೀಯ ರಿಸರ್ವ್‌ ಬ್ಯಾಂಕ್‌ (ಆರ್‌ಬಿಐ) ಹೇಳಿದೆ. 2020ರ ಸೆಪ್ಟೆಂಬರ್‌ನಲ್ಲಿ 26 ಲಕ್ಷ ಕೋಟಿ ರೂ.ಇದ್ದ ವೈಯಕ್ತಿಕ ಸಾಲ ವಿತರಣೆ ಒಂದು ವರ್ಷದ ನಂತರ 29.18 ಲಕ್ಷ ಕೋಟಿ ರೂ.ಗೆ ಏರಿಕೆ ಆಗಿದೆ. ಶೇ. 12.1ರಷ್ಟು ರದ್ದುಗೊಂಡಿದೆ. ಈ ಅವಧಿಯಲ್ಲಿ ಬ್ಯಾಂಕ್‌ಗಳಿಂದ ಎಲ್ಲ ವಿಧದ ಸಾಲ ವಿತರಣೆಯ ಪ್ರಮಾಣ ಶೇ. 6.7ರಷ್ಟು ಹೆಚ್ಚಳ ಆಗಿದೆ ಎಂದು ತಿಳಿಸಿದೆ.

ಕೊರೊನಾ ಸಾಂಕ್ರಾಮಿಕ ಮತ್ತು ಇದರಿಂದ ಉಂಟಾದ ಆರ್ಥಿಕ ಹಿನ್ನಡೆಯಿಂದಾಗಿ ಸಾಲ ವಿತರಣೆಯಲ್ಲಿ ಹಿನ್ನಡೆ ಉಂಟಾಗಿತ್ತು. ಆದರೆ, ಇತ್ತೀಚಿನ ತಿಂಗಳುಗಳಲ್ಲಿ ಇದು ಚೇತರಿಸಿಕೊಂಡಿದೆ ಎಂದು ಅದು ತಿಳಿಸಿದೆ.

ವೈಯಕ್ತಿಕ ಸಾಲದಲ್ಲಿ ಗೃಹೋಪಯೋಗಿ ವಸ್ತುಗಳ ಖರೀದಿ, ಚಿನ್ನದ ಅಡಮಾನ ಸಾಲಗಳನ್ನು ಗುರುತಿಸಲಾಗಿದ್ದು, ಚಿನ್ನದ ಅಡಮಾನ ಸಾಲದ ಪ್ರಮಾಣ 2020ರ ಸೆಪ್ಟೆಂಬರ್‌ನಲ್ಲಿ ಇದು 40,086 ಕೋಟಿ ರೂ. ಇದ್ದರೆ, 2021ರ ಇದೇ ಅವಧಿಯಲ್ಲಿ ಯ 63,770 ಕೋಟಿ ರೂ.ಗೆ ಏರಿಕೆ (ಶೇ. 59.1) ಆಗಿದೆ. ಬೇರೆ ವೈಯಕ್ತಿಕ ಸಾಲಗಳ ನೀಡಿಕೆಯಲ್ಲಿ ಶೇ. 18.2ರಷ್ಟು ಬೆಳವಣಿಗೆ ಆಗಿದೆ. 2020ರ ಸೆಪ್ಟೆಂಬರ್‌ನಲ್ಲಿ  7,17,414 ಕೋಟಿ ರೂ. ಇದ್ದು, ಕಳೆದ ಸೆಪ್ಟೆಂಬರ್‌ನಲ್ಲಿ 8,47,788 ಕೋಟಿ ರೂ.ಗೆ ಜಿಗಿದಿದೆ. 2019ರಲ್ಲಿ ಇದು ಶೇ. 11.4ರಷ್ಟು ಪ್ರಗತಿ ಕಂಡಿತ್ತು.

ಗೃಹೋಪಯೋಗಿ ವಸ್ತುಗಳ ಖರೀದಿಗಾಗಿ ಮಾಡಿದ ಸಾಲದ ಪ್ರಮಾಣ ಶೇ. 40ರಷ್ಟು ವೃದ್ಧಿಯನ್ನು ಕಂಡಿದೆ. 2020ರಲ್ಲಿ  7,788 ಕೋಟಿ ರೂ. ಇದ್ದ ಇದು, ಈ ಸಾರಿ 10,904 ಕೋಟಿ ರೂ.ಗೆ ಹೆಚ್ಚಳವಾಗಿದೆ.

Personal Loans Are Growing
ಇದನ್ನು ಓದಿ: ಉತ್ತರ ಪ್ರದೇಶದಲ್ಲಿ ರಸಗೊಬ್ಬರ ಕೊರತೆಯ ಆತಂಕ ಮಳಿಗೆಗಳ ಮುಂದೆ ರೈತರ ಸರತಿ

ಇದನ್ನು ಓದಿ: RBI: ಬ್ಯಾಂಕ್​ಗಳ ಸೇವ್​ ಲಾಕರ್​ ನಿಯಮ ಪರಿಷ್ಕರಿಸಿದ ಆರ್​ಬಿಐ