ಮೊಡವೆಗಳಿಗೆ ಅಡಿಗೆ ಮನೆಯಲ್ಲಿ ಮದ್ದು; ಚೇತರಿಕೆಗೆ ಸರಳ ಮತ್ತು ಸುಲಭ ವಿಧಾನ

ಮುಖದಲ್ಲಿ ಮೊಡವೆಗಳಾದರೆ ಅದು ಹದಿಹರೆಯದ ಸಂಕೇತ. ದೇಹದಲ್ಲಿ ಹಾರ್ಮೋನ್ ಗಳು ವ್ಯತ್ಯಾಸವಾಗುವ ಸಂದರ್ಭದಲ್ಲಿ ಈ ರೀತಿಯ ಮೊಡವೆಗಳಾಗುತ್ತವೆ. ಹಾಗಂತ ಇದೇನು ದೀರ್ಘಕಾಲೀನ ತೊಂದರೆಯಲ್ಲ. ಹಾಗೇನೆ, ಮೊಡವೆಗಳಾಗಲು ಇನ್ನೊಂದಷ್ಟು ಕಾರಣಗಳೂ ಇವೆ. ಮಾನಸಿಕ ಒತ್ತಡ, ಡಯಟ್ ಹೆಸರಲ್ಲಿ ದೇಹದಲ್ಲಿನ ಕೊಬ್ಬಿನ ಅಂಶ ಕಡಿಮೆ ಮಾಡಿಕೊಳ್ಳುವುದು, ನಿದ್ದೆಯಲ್ಲಿ ಎದ್ದು ಓಡಾಡುವುದು- ಇವೆಲ್ಲ ಪ್ರೌಢಾವಸ್ಥೆಗೆ ಬಂದಿರುವ ಮಕ್ಕಳಲ್ಲಿ ಸಾಮಾನ್ಯವಾಗಿರುವುದರಿಂದ ಮೊಡವೆಗಳು ಅವರನ್ನು ಬಾಧಿಸುತ್ತಿವೆ.

ಆಯುರ್ವೇದದ ಪ್ರಕಾರ, ನಮ್ಮ ಚರ್ಮ ಸೂಕ್ಷ್ಮಾಣುಜೀವಿಗಳ ಬಂದರು ಇದ್ದಂತೆ. ಮೇದೋಗ್ರಂಥಿಗಳ ಸ್ರಾವದಲ್ಲಿ ವ್ಯತ್ಯಾಸವಾದರೆ ದೇಹದ ಸೂಕ್ಷ್ಮ ಜೀವಿಗಳ ಮೇಲಿನ ಪರಾವಲಂಬನೆ ಜಾಸ್ತಿಯಾಗುತ್ತದೆ. ಆಗ ಮೊಡವೆಗಳು ಹೆಚ್ಚಾಗುತ್ತವಂತೆ. ಮೊಡವೆಗಳ ಸಮಸ್ಯೆ ಕಡಿಮೆಮಾಡುವುದಕ್ಕೆ ಬೇರೆಲ್ಲೂ ಹೋಗಬೇಕಿಲ್ಲ. ಅದರ ಮದ್ದು ನಿಮ್ಮ ಅಡುಗೆ ಮನೆಯಲ್ಲೇ ಇದೆ. ಎಲ್ಲಿ ಹೇಗೆ ಅನ್ನೋದನ್ನು ನೋಡೋಣ ಬನ್ನಿ.

1) ದನಿಯ ಬಳಸಿ
ಅಡುಗೆ ಮನೆಯಲ್ಲಿರುವ ದನಿಯಾವನ್ನು ನಿರ್ಲಕ್ಷ್ಯ ಮಾಡಬೇಡಿ. ಇದರಿಂದ ಏನು ಸಾಧ್ಯ ಅಂಥ ಹೀಗಳೆಯಬೇಡಿ. ದನಿಯಾಕ್ಕೆ ನಿಮ್ಮ ಸೌಂದರ್ಯವನ್ನು ಮರುಸ್ಥಾಪಿಸುವ ಶಕ್ತಿ ಇದೆ. ದನಿಯಾದಿಂದ ಮೂರು ಲಾಭಗಳು- 1. ನಮ್ಮ ದೇಹದ ಸಕ್ಕರೆ ಅಂಶವನ್ನು ಸರಿಯಾಗಿಡುತ್ತದೆ. 2. ಪಚನಕ್ರಿಯೆ ಸರಿ ಮಾಡುತ್ತದೆ 3.ದೇಹದಲ್ಲಿ ಹಾರ್ಮೋನ್ ಗಳನ್ನು ತಹಬಂಧಿಯಲ್ಲಿಡುತ್ತದೆ. ಹೀಗಾಗಿ, ದನಿಯಾ ನಮ್ಮ ದುನಿಯಾಕ್ಕೆ ಬೇಕು.
ಮೊಡವೆ ಕಡಿಮೆ ಮಾಡಲು ದನಿಯಾವನ್ನು ಬಿಸಿ ಬಿಸಿ ನೀರಿಗೆ ಹಾಕಿ, ಕುದಿಸಿ, ಅದರ ತಿಳಿನೀರನ್ನು ಟೀ ರೀತಿ ಶೋಧಿಸಿ, ಅದಕ್ಕೆ ನಿಂಬೆಹಣ್ಣು, ಜೇನುತುಪ್ಪವನ್ನು ಸೇರಿಸಿ ಮೊಡವೆಗಳ ಮೇಲೆ ಹಚ್ಚಿ ನೋಡಿ. ತಾಜಾ ಕೊತ್ತಂಬರಿ ಸೊಪ್ಪಿನ ಎಲೆಗಳು ಕೆಂಪು ಬಣ್ಣಕ್ಕೆ ತಿರುಗಿರುವ ಮೊಡವೆಗಳನ್ನು, ಅದರ ಗಾತ್ರವನ್ನು ನಿಧಾನಕ್ಕೆ ಕಡಿಮೆ ಮಾಡಿಬಿಡುತ್ತದೆ.

2) ಮಸೂರ್ ದಾಲ್
ಎಲ್ಲ ರೀತಿಯ ಚರ್ಮ ಖಾಯಿಲೆಗಳಿಗೆ ರಾಮಬಾಣ ಮಸೂರ್ ದಾಲ್ ಅಂಥ ಆಯುರ್ವೇದ ಹೇಳಿದೆ. ಬಿಳಿ ಕೂದಲು, ಕಪ್ಪು ಕೂದಲಿನ ಸಮಸ್ಯೆಯಿಂದಲೂ ಮೊಡವೆಗಳ ಕಾಟ ಹೆಚ್ಚಾಗಬಹುದು. ಚರ್ಮದ ಟೆಕ್ಚರ್ ಬದಲಾಯಿಸುವ ಸಾಮರ್ಥ್ಯ ಮಸೂರ್ ದಾಲ್‌ಗೆ ಇರುವುದರಿಂದ, ಹಸಿ ಹಾಲಲ್ಲಿ ಮಸೂರ್ ದಾಲ್ ಅನ್ನು ಹಾಕಿಟ್ಟು ಇಡೀ ರಾತ್ರಿ ನೆನೆಯಲು ಬಿಡಿ. ಬೆಳಗ್ಗೆ ಅದನ್ನು ಚೆನ್ನಾಗಿ ರುಬ್ಬಿ ಮುಖಕ್ಕೆ ಪೇಸ್ಟ್ ರೀತಿ ಹಂಚ್ಚಿಕೊಳ್ಳಿ. ಆಗ ಮೊಡವೆಗಳು ಮುಖದಿಂದ ಹೇಗೆ ಕಾಲ್ಕೀಳುತ್ತವೆ ಅಂತ ನೀವೇ ಆಶ್ಚರ್ಯ ಪಡುತ್ತೀರಿ.

3) ಸೋಂಪು
ಮೈದಾ ಹಾಗೂ ಸಕ್ಕರೆ ಕೂಡ ಮೊಡವೆಯ ಪರಿಣಾಮವನ್ನು ಇಳಿಸುವುದರಲ್ಲಿ ನೆರವಾಗುತ್ತದೆ. ಅದರಂತೆ, ಹೆಚ್ಚು ಫೈಬರ್ ಹೊಂದಿರುವ ಸೋಂಪು ಹಾರ್ಮೋನ್‌ನಲ್ಲಿ ಆಗುವ ವ್ಯತ್ಯಾಸವನ್ನು ತಡೆಯುತ್ತದೆ. ಕರುಳನ್ನು ಶುಚಿಗೊಳಿಸುತ್ತದೆ. ಹೀಗಾಗಿ, ದೇಹದ ಚರ್ಮ ಮೆದುವಾಗಿರುತ್ತದೆ. ಮೊಡವೆಗಳು ಕಾಟವಿರುವುದಿಲ್ಲ.

4) ಕೇಸರಿ
ಇದು ಕೇವಲ ಸಿಹಿತಿಂಡಿಗೆ ಬಳಸಲು ಯೋಗ್ಯ ಮಾತ್ರವಲ್ಲ. ಕೇಸರಿಗೆ ಮೊಡವೆ ಕಲೆ ಮುಖದಲ್ಲಿ ಉಳಿಯದಂತೆ ಮಾಡುವ ಶಕ್ತಿ ಕೂಡ ಇದೆ. ದಾಲ್ಚಿನ್ನಿಯ ಪುಡಿಯನ್ನು ಕೇಸರಿಯ ಬಿಸಿ ನೀರಿಗೆ ಹಾಕಿ, ಸ್ವಲ್ಪ ಜೇನುತುಪ್ಪದೊಟ್ಟಿಗೆ ಟೀ ರೀತಿ ಕುಡಿದು ನೋಡಿ. ಲಿವರ್ ಹಾಗೂ ಚರ್ಮದ ಇಮ್ಯುನಿಟಿ ಹೆಚ್ಚಾಗುತ್ತದೆ.

5) ಪುದಿನ
ಪುದಿನ ದೇಹದಲ್ಲಿ ಜೀರ್ಣಕ್ರಿಯೆ ಮಾಡಲು ಬಹಳ ನೆರವಾಗುತ್ತದೆ. ಚರ್ಮದ ಸಣ್ಣ ಸಣ್ಣ ರಂಧ್ರವನ್ನು ಮುಚ್ಚುವಲ್ಲಿ ಪುದಿನ ಪಾತ್ರ ಮಹತ್ವದ್ದು. ಸೂರ್ಯನ ಕಿರಣಗಳಿಂದ ಉಂಟಾಗುವ ಚರ್ಮದ ಸೀಳುವಿಕೆಗೆ ಪುದೀನವೇ ಮದ್ದು. ಪುದಿನ ಟೀ ಕುಡಿಯುವುದರಿಂದ ಮೊಡವೆಗಳು ಬೇಗನೆ ಒಣಗಿಹೋಗುತ್ತವೆ.

ಇದನ್ನೂ ಓದಿ:  ಪಾಸ್‌ವರ್ಡ್‌ ಇಡೋದ್ರಲ್ಲಿ ಭಾರತೀಯರು ಫೇಲ್; ಒಮ್ಮೆ ನಿಮ್ಮ ಪಾಸ್‌ವರ್ಡ್ ಚೆಕ್ ಮಾಡ್ಕೊಳ್ಳಿ