ಇಡೀ ದಿನ ಮೊಬೈಲ್, ಕಂಪ್ಯೂಟರ್ ಬಳಸುವವರು ಅನುಸರಿಸಲೇಬೇಕಾದ ಟಿಪ್ಸ್ ಇಲ್ಲಿದೆ

ನೀವು ಪ್ರತಿದಿನ ಎಷ್ಟು ಹೊತ್ತು ಕಂಪ್ಯೂಟರ್, ಲ್ಯಾಪ್‌ಟಾಪ್, ಸೆಲ್ ಫೋನ್ ನಲ್ಲಿ ಕಳೆಯುತ್ತೀರಿ? ಅಥವಾ ಅಧಿಕ ಸಮಯ ಟಿವಿ ವೀಕ್ಷಣೆ ಮಾಡುವ ಹವ್ಯಾಸ ಇದೆಯೇ? ಹಾಗಿದ್ದರೆ ನೀವು ಕಣ್ಣಿನ ಆರೋಗ್ಯವನ್ನು ಪರಿಶೀಲಿಸಿಕೊಳ್ಳುವುದು ಒಳ್ಳೆಯದು. ಬೆಳಕಿನ ಹಿನ್ನೆಲೆ ಇರುವ ಯಾವುದೇ ಸ್ಕ್ರೀನ್ ಅನ್ನು ಹೆಚ್ಚು ಹೊತ್ತು ವೀಕ್ಷಿಸುವುದರಿಂದ ಕಣ್ಣಿನ ಮೇಲೆ ಒತ್ತಡ ಬೀಳುತ್ತದೆ. ಏಕೆಂದರೆ ಮಾನವನ ಕಣ್ಣು, ಹಿಂಬದಿ ಅಥವಾ ಪಕ್ಕದಿಂದ ಓದುವ ಇಲ್ಲವೆ ನೋಡುವ ವಸ್ತುವಿನ (ಆಬ್ಜೆಕ್ಟ್) ಮೇಲೆ ಬೀಳುವ ಸಹಜ ಬೆಳಕಿಗೆ ಒಗ್ಗಿಕೊಂಡಿದೆ. ಆದರೆ, ಇದಕ್ಕೆ ವ್ಯತಿರಿಕ್ತವಾಗಿ ಲ್ಯಾಪ್‌ಟಾಪ್, ಕಂಪ್ಯೂಟರ್, ಸೆಲ್ ಫೋನ್, ಟಿವಿಗಳು ವರ್ತಿಸುತ್ತವೆ. ಹೀಗಾಗಿಯೇ ಇವುಗಳನ್ನು ಹೆಚ್ಚು ಕಾಲ ನೋಡುವುದರಿಂದ ಕಣ್ಣಿಗೆ ಒತ್ತಡ ಉಂಟಾಗುತ್ತದೆ. ಈ ರೀತಿಯ ಸಮಸ್ಯೆ ಎದುರಿಸುವವರು ನಯನಗಳ ಬಗ್ಗೆ ತುಸು ಹೆಚ್ಚು ಜಾಗ್ರತೆ ವಹಿಸಬೇಕು. ನೇತ್ರ ತಜ್ಞರನ್ನು ನಿಯಮಿತವಾಗಿ ಭೇಟಿ ಮಾಡಬೇಕು.

ತಾಂತ್ರಿಕವಾಗಿ ಕಣ್ಣುಗಳು ವಕ್ರೀದೋಷಕ್ಕೆ ಒಳಗಾಗುತ್ತವೆ. ಅಂದರೆ, 40 ವರ್ಷ ಮೇಲ್ಪಟ್ಟವರು ಔಷಧದ ಬಾಟಲಿನ ಮೇಲೆ ಮುದ್ರಿಸಿರುವುದನ್ನು ಓದಲು ಕಷ್ಟ ಪಡುತ್ತಾರೆ. ಇದನ್ನು ಪ್ರೆಸ್ಬಿಯೊಪಿಯೊ ಎನ್ನುತ್ತಾರೆ. ಹೊರಗೆ ಹೋಗದೆ ಮನೆ/ಕಚೇರಿಯಲ್ಲಿ ಇರುವವರಿಗೆ ಸಮೀಪ ದೃಷ್ಟಿ ದೋಷ ಕಾಣಿಸಿಕೊಳ್ಳುವ ಅಪಾಯ ಇರುತ್ತದೆ. ಇದನ್ನು ಉಪೇಕ್ಷಿಸದೆ ವೈದ್ಯರನ್ನು ಕಾಣಬೇಕು.

ಕಣ್ಣಿನ ಆರೋಗ್ಯ ಕಾಪಾಡಿಕೊಳ್ಳಲು ಟಿಪ್ಸ್
1. ವಿಟಮಿನ್ ಎ ಅಂಶವಿರುವ ಆಹಾರ ಹೆಚ್ಚು ಸೇವಿಸಿ.
2. ಕಣ್ಣಿಗೆ ಹಾನಿಕಾರಕವಾದ ತೀಕ್ಷ್ಣ ಬೆಳಕಿನಿಂದ ದೂರವಿರಿ. ವಿಶೇಷವಾಗಿ ಅತಿನೇರಳೆ ಕಿರಣಗಳಿಂದ ಕಣ್ಣನ್ನು ಕಾಪಾಡಿ.
3. ಬರಿಗಣ್ಣಿನಿಂದ ಸೂರ್ಯನನ್ನು ದಿಟ್ಟಿಸುವುದು ಅಪಾಯಕಾರಿ. ಸೂರ್ಯನ ಕಿರಣದಲ್ಲಿ ಹೆಚ್ಚು ಅತಿನೇರಳೆ ರೇಸ್ ಹೆಚ್ಚು.
4. ಕೃತಕ ಬೆಳಕಿನ ಪೈಕಿ ಎಲ್ಇಡಿ/ಎಲ್.ಸಿ.ಡಿ.ಗಳು ಹಾನಿಕಾರಕ. ಈ ಗುಂಪಿನಲ್ಲಿಯೇ ಕಂಪ್ಯೂಟರ್, ಲ್ಯಾಪ್‌ಟಾಪ್, ಸೆಲ್ ಫೋನ್‌ಗಳು ಬರುತ್ತವೆ. ಇವು ಸೂರ್ಯನಷ್ಟು ಪ್ರಖರ ಅಲ್ಲ. ಆದರೆ, ನಿರಂತರ ವೀಕ್ಷಣೆಯಿಂದ ಕಣ್ಣಿಗೆ ಹಾನಿ.

ಇದನ್ನೂ ಓದಿ: ದೆಹಲಿ ವಾಯುಮಾಲಿನ್ಯ: 5 ಸ್ಟಾರ್‌ ಹೋಟೆಲ್‌ನಲ್ಲಿ ಕುಳಿತ‍ ಜನ ರೈತರನ್ನು ದೂಷಿಸುತ್ತಿದ್ದಾರೆ- ಸುಪ್ರೀಂ ತರಾಟೆ.