Health Tips: ವಯಸ್ಕರು, ಮಕ್ಕಳಲ್ಲಿ ಹೆಚ್ಚುತ್ತಿರುವ ಬೊಜ್ಜು; ತಡೆಯಲು ಉಪಾಯವೇನು?

ದೈಹಿಕ ಶ್ರಮ ಇಲ್ಲದ ಕಾರಣ ಮತ್ತು ಜಂಕ್ ಫುಡ್ ಅಭ್ಯಾಸ ಹೆಚ್ಚಿರುವುದರಿಂದ ವಯಸ್ಕರು ಮತ್ತು ಮಕ್ಕಳಲ್ಲಿ ಬೊಚ್ಚು ಅಧಿಕವಾಗುತ್ತಿದೆ ಎಂದು ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ-5ರ (ಎನ್ಎಫ್ಎಚ್ಎಸ್) ವರದಿ ತಿಳಿಸಿದೆ.

33 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಎನ್ಎಫ್‌ಎಚ್ಎಸ್ ಈ ಅಧ್ಯಯನ ನಡೆಸಿದ್ದು, ಅತಿ ತೂಕದ ಮಕ್ಕಳ ಪ್ರಮಾಣ ಶೇ. 3.4ಕ್ಕೆ ಏರಿದೆ. ಎನ್ಎಫ್ಎಚ್ಎಸ್ 4ರಲ್ಲಿ ಇದು ಶೇ. 2.1 ಇತ್ತು. ವಯಸ್ಕರಲ್ಲೂ ಬೊಜ್ಜು ಹೆಚ್ಚಳ ಕಂಡಿದೆ. ಮಹಿಳೆಯರಲ್ಲಿ ಶೇ. 20.6 ಮತ್ತ್ತು ಪುರುಷರಲ್ಲಿ ಶೇ. 24ರಷ್ಟು ಮಂದಿ ಸ್ಥೂಲಕಾಯರಾಗಿದ್ದಾರೆ. ಹಿಂದಿನ ಸಮೀಕ್ಷೆಯಲ್ಲಿ ಇದು ಶೇ. 18.9 ಮತ್ತು 22.9 ಇತ್ತು ಎಂದು ಎನ್ಎಫ್‌ಎಚ್ಎಸ್ ತಿಳಿಸಿದೆ. 30 ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಮಹಿಳೆಯರಲ್ಲಿ ಬೊಜ್ಜು ಹೆಚ್ಚಳ ಕಂಡು ಬಂದಿದ್ದು, 33 ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಪುರುಷರಲ್ಲಿ ಬೊಜ್ಜು ಅಧಿಕವಾಗಿದೆ.

ಮಹಾರಾಷ್ಟ್ರ, ಗುಜರಾತ್, ಮಿಜೋರಾಂ, ತ್ರಿಪುರಾ, ಉತ್ತರ ಪ್ರದೇಶ, ಪಶ್ಚಿಮ ಬಂಗಾಳ, ಆಂಧ್ರ ಪ್ರದೇಶ, ದೆಹಲಿ, ಜಮ್ಮು ಮತ್ತು ಕಾಶ್ಮೀರ, ಲಕ್ಷದ್ವೀಪ, ಲಡಾಖ್ಗಳಲ್ಲಿ 5 ವರ್ಷಕ್ಕಿಂತ ಕಡಿಮೆ ಮಕ್ಕಳಲ್ಲಿ ಬೊಜ್ಜು ಅಧಿಕವಾಗಿದೆ. ಗೋವಾ, ತಮಿಳುನಾಡು, ದಾದ್ರಾ ಮತ್ತು ನಗರ್ ಹವೇಲಿ, ದಮನ್ ಮತ್ತು ದಿಯುಗಳಲ್ಲಿ 5 ವರ್ಷದ ಮಕ್ಕಳಲ್ಲಿನ ಬೊಜ್ಜಿನ ಪ್ರಮಾಣ ಇಳಿಕೆ ಆಗಿದೆ.

ಕಳೆದ 15 ವರ್ಷಗಳಿಂದ ಮಕ್ಕಳು, ವಯಸ್ಕರ ಜೀವನ ಶೈಲಿಯಲ್ಲಿ ಭಾರಿ ಪರಿವರ್ತನೆ ಆಗಿದೆ. ದೇಹ ದಣಿಸದಿರುವುದು, ಅಶಿಸ್ತಿನ ಆಹಾರ ಕ್ರಮ ರೂಢಿಯಾಗಿದೆ ಇದರಿಂದ ಬೊಜ್ಜು ದೇಹದಲ್ಲಿ ಮನೆ ಮಾಡಿದೆ ಎಂದು ಪಾಪ್ಯುಲೇಷನ್ ಫೌಂಡೇಷನ್ ಆಫ್‌ ಇಂಡಿಯಾದ ಕಾರ್ಯನಿರ್ವಾಹಕ ನಿರ್ದೇಶಕಿ ಪೂನಂ ಮುತ್ರೇಜಾ ಹೇಳಿದ್ದಾರೆ. ಈ 15 ವರ್ಷದಲ್ಲಿ ಜನರ ಆಥಿರ್ಕ ಸುಸ್ಥಿತಿಯಲ್ಲಿ ಸುಧಾರಣೆ ಆಗಿದೆ. ಇದರಿಂದ ವಾಹನ ಖರೀದಿ, ಶ್ರಮದಾಯಕ ಕೆಲಸಗಳಿಗೆ ಯಂತ್ರದ ಅವಲಂಬನೆ ಆಗಿದೆ. ಇದು ಕೂಡ ಬೊಜ್ಜು ಏರಲು ಕಾರಣ ಎಂದು ಅವರು ಹೇಳಿದ್ದಾರೆ.

ಅತಿಯಾದ ಚಳಿಯ ವಾತಾವರಣದಿಂದ ಅಂದರೆ ತಾಪಮಾನ ಶೂನ್ಯಕ್ಕಿಂತ 15 ಡಿಗ್ರಿ ಸೆಲ್ಶಿಯಸ್ ಕಡಿಯಾದರೆ ಪಾರ್ಶ್ವ ವಾಯು ಬಡಿಯುವ ಅಪಾಯ ಶೇ.80 ಇದೆ. ತಾಪಮಾನ ವಿಪರೀತ ತಗ್ಗುವಿಕೆಯಿಂದ ರಕ್ತನಾಳ ಬಿಗಿಯಾಗುತ್ತದೆ. ದೇಹವನ್ನು ಬೆಚ್ಚಗಿಡಲು ರಕ್ತ ವೇಗವಾಗಿ ಮುನ್ನುಗ್ಗಲು ಯತ್ನಿಸುತ್ತದೆ. ಹೀಗಾಗಿಯೇ ಚಳಿಗಾಲದಲ್ಲಿ ರಕ್ತದೊತ್ತಡ ಬೇರೆ ಋತುಮಾನಕ್ಕಿಂತ ತುಸು ಹೆಚ್ಚಿರುತ್ತದೆ. ಈ ರಕ್ತದ ವೇಗ ಮಿತಿಮೀರಿದರೆ ಆಗ ಹೃದಯಾಘಾತಕ್ಕೆ ತುತ್ತಾಗುವ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಹೃದ್ರೋಗ ತಜ್ಞರು ಹೇಳುತ್ತಾರೆ.

ಹೃದಯಾಘಾತವು ಚಳಿಗಾಲದಲ್ಲಿ ಶೇ. 33ರಷ್ಟು ಅಧಿಕ ಎಂದು ಇನ್ನೊಂದು ಅಧ್ಯಯನ ಹೇಳಿದೆ. ಅಪಧಮನಿಗಳು ಚಳಿಗಾಲದಲ್ಲಿ ಸಂಕುಚಿತವಾಗುತ್ತವೆ. ಇದರಿಂದ ರಕ್ತದ ಪರಿಚಲನೆ ಕಡಿಮೆ ಆಗಿ ಹೃದಯದ ಸ್ನಾಯು ಸೆಳೆತಕ್ಕೆ ಒಳಗಾತ್ತದೆ. ಇದರಿಂದಲೂ ಹೃದಯಾಘಾತ ಆಗಬಹುದು ಎಂದು ಆರ್ಎಂಎಲ್ ಆಸ್ಪತ್ರೆಯ ಹೃದ್ರೋಗ ತಜ್ಞ ತರುಣ್ ಕುಮಾರ್ ಅಭಿಪ್ರಾಯ ಪಡುತ್ತಾರೆ.

ಇದನ್ನೂ ಓದಿ: Heart attack: ಯುವ ಜನರಲ್ಲಿ ಹೆಚ್ಚುತ್ತಿರುವ ಹೃದಯಾಘಾತ ತಡೆಯುವುದು ಹೇಗೆ ?