ಅರೇಬಿಯನ್ ಸಮುದ್ರದ ಸಿಂಹ ಕನ್ನಡಕ್ಕೂ ಲಗ್ಗೆಯಿಟ್ಟಿದೆ. ಗಾಬರಿಯಾಗಬೆಡಿ, ಇದರರ್ಥ ಮತ್ತೇನಲ್ಲ, ಮೋಹನ್ಲಾಲ್ ನಟನೆಯ ಚಿತ್ರ ಮರಕ್ಕಾರ್ ಕನ್ನಡ ಟ್ರೇಲರ್ ಬಿಡುಗಡೆಯಾಗಿದ್ದು ಯೂಟ್ಯೂಬ್ನಲ್ಲಿ ಪ್ರೇಕ್ಷಕರ ಮನಸೂರೆಗೊಳ್ಳುತ್ತಿದೆ. ಮೈನವಿರೇಳಿಸುವ ರೋಚಕ ದೃಶ್ಯಾವಳಿಗಳನ್ನು ಟ್ರೇಲರ್ ಹೊಂದಿದ್ದು ಕನ್ನಡದ ಸಂಭಾಷಣೆಯಲ್ಲಿ ಇನ್ನಷ್ಟು ಉತ್ಸುಕತೆಯನ್ನು ಟ್ರೇಲರ್ ನೀಡುವಂತಿದೆ.
ಕುಂಜಲಿ ಮರಕ್ಕರ್ IV ಆಗಿ ಕಾನಿಸಿಕೊಂಡಿರುವ ಮೋಹನ್ಲಾಲ್ ವೇಶಭೂಷಣ ಮತ್ತು ನಟನೆ ಚಿತ್ರದ ಪ್ಲಸ್ ಪಾಯಿಂಟ್ ಆಗಿರುವುದು ಈಗಲೇ ಖಚಿತಗೊಂಡಿದೆ. ಅಲ್ಲದೇ ತಾರಾನಟರ ದಂಡೇ ಚಿತ್ರಕ್ಕಾಗಿ ಬಣ್ಣ ಹಚ್ಚಿದೆ. ಐತಿಹಾಸಿಕ ಕಥಾವಸ್ತುವನ್ನು ಹೊಂದಿರುವ ಚಿತ್ರ ಸಹಜವಾಗಿ ನೋಡುಗರ ಎದೆಬಡಿತವನ್ನು ಏರಿಸುವಂತಿದೆ. ಪೋರ್ಚುಗೀಸರ ವಿರುದ್ಧ ಹೋರಾಡುವ ಕಥಾವಸ್ತು ದೇಶಭಕ್ತಿಯನ್ನು ಹೆಚ್ಚಿಸುವುದರಲ್ಲಿ ಸಂದೇಹವೇ ಇಲ್ಲ ಎಂಬ ಅಭಿಪ್ರಾಯಗಳು ಈಗಾಗಲೇ ಕೇಳಿಬಂದಿವೆ.
ಕನ್ನಡದಲ್ಲಿ ಮರಕ್ಕಾರ್ ಸಿನಿಮಾವನ್ನು ಪರಂವಾ ಸ್ಟುಡಿಯೋಸ್ ಪ್ರಸ್ತುತಪಡಿಸುತ್ತಿದೆ. ಕನ್ನಡದ ಜೊತೆಗೆ ಈ ಚಿತ್ರವು ಮಲಯಾಳಂ, ತಮಿಳು, ತೆಲುಗು, ಹಿಂದಿ ಹಾಗೂ ಇಂಗ್ಲೀಷ್ ಭಾಷೆಗಳಲ್ಲಿ ವಿಶ್ವದಾದ್ಯಂತ ಚಲನಚಿತ್ರ ಪ್ರಿಯರಿಗಾಗಿ ಬಿಡುಗಡೆಯಾಗಲಿದೆ. ಡಿಸೆಂಬರ್ ಎಎಡರಂದು ಬಿಡುಗಡೆಯಾಗಲಿರುವ ಚಿತ್ರವನ್ನು ವೀಕ್ಷಿಸಲು ಲಕ್ಷಾಂತರ ಚಲನಚಿತ್ರ ಪ್ರೇಮಿಗಳು ಕಾತುರದಿಂದ ಕಾಯುತ್ತಿರುವದಂತೂ ದಿಟ. ಏಕೆಂದರೆ ಈ ಚಿತ್ರ ಕಳೆದ ೨೦೨೦ರಲ್ಲಿಯೆ ಬಿಡುಗಡೆಯಾಗಬೇಕಿತ್ತು.
ಇದನ್ನೂ ಓದಿ: ಸಮಂತಾ ಪ್ರಭು ಹೊಸ ಸಿನಿಮಾ ಅರೇಂಜ್ಮೆಂಟ್ಸ್ ಆಫ್ ಲವ್
Discussion about this post