ಡಿಸೆಂಬರ್ 31ಕ್ಕೆ ರಚಿತಾ ರಾಮ್ ಅಭಿನಯದ ಐ ಲವ್ ಯು ರಚ್ಚು ಸಿನಿಮಾ ತೆರೆಕಾಣುತ್ತಿರುವುದು ಹಳೇ ಸುದ್ದಿ. ಇದರ ಬೆನ್ನಿಗೆ ಇನ್ನೊಂದು ಖುಷಿ ವಿಚಾರ ಅಂದರೆ, ಡಿಂಪಲ್ ಕ್ವೀನ್ ಎಂದೇ ಹೆಸರಾಗಿರುವ ರಚಿತಾ ರಾಮ್ ಯೋಗರಾಜ ಭಟ್ಟರ ತೆಕ್ಕೆಗೆ ಬಿದ್ದಿದ್ದಾರೆ. ಅರ್ಥಾತ್, ಯೋಗರಾಜ ಭಟ್ಟರು ನಿರ್ದೇಶಿಸುತ್ತಿರುವ ಗರಡಿಯಲ್ಲಿ ರಚಿತಾ ರಾಮ್ ನಾಯಕಿಯಾಗಿ ಕಾಣಿಸಿಕೊಳ್ಳಲ್ಲಿದ್ದಾರೆ. ನಾಯಕನಾಗಿ ಸೂರ್ಯ ನಟಿಸುತ್ತಿರುವ ಈ ಚಿತ್ರವು ಜನವರಿ ತಿಂಗಳಲ್ಲಿ ಚಿತ್ರದ ಚಿತ್ರೀಕರಣ ಆರಂಭಗೊಳ್ಳಲಿದೆ. ಸಿನಿಮಾ ಉತ್ತರ ಕನ್ನಡದ ಸೊಗಡಿನ ಕಥೆಯನ್ನು ಹೊಂದಿದೆ. ಈ ಹಿಂದೆ ಯೋಗರಾಜ್ ಭಟ್ಟರು ತಮ್ಮ ಚಿತ್ರಗಳಲ್ಲಿ ಪಾತ್ರಗಳ ಮೂಲಕ ಉತ್ತರ ಕರ್ನಾಟಕದ ವಸ್ತುವಿಷಯವನ್ನು ಬಳಸಿಕೊಂಡಿದ್ದರು. ಈಗ ಇಡೀ ಚಿತ್ರವೇ ಉತ್ತರ ಕರ್ನಾಟಕದ ಸೊಗಡನ್ನು ಹೊಂದಿರುವುದು ಭಾರೀ ಕುತೂಹಲ ಮೂಡಿಸಿದೆ.
ರಚಿತಾ ರಾಮ್ ಉತ್ತರ ಕರ್ನಾಟಕದ ಬೆಡಗಿಯಾಗಿ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಗರಡಿಯು ಹೈ ಬಜೆಟ್ ಚಿತ್ರವಾಗಿದ್ದು, ಸಚಿವ ಬಿ.ಸಿ. ಪಾಲೀಟ್ ನಿರ್ಮಾಣ ಮಾಡುತ್ತಿದ್ದಾರೆ. ಪಾಟೀಲ್ 2017ರಲ್ಲಿ ಹ್ಯಾಪಿ ನ್ಯೂ ಇಯರ್ ಎನ್ನುವ ಸಿನಿಮಾ ನಿರ್ಮಾಣ ಮಾಡುವ ಮೂಲಕ ನಿರ್ಮಾಪಕರಾದರು. ಈಗ ಗರಡಿ ಸಿನಿಮಾಕ್ಕೆ ಕೈ ಹಾಕಿದ್ದಾರೆ. ಪಾಟೀಲರ ಅವರ ಎರಡನೇ ಚಿತ್ರವಿದು. ರಚಿತಾ ಕೈಯಲ್ಲಿ ಈಗಾಗಲೇ ಎಂಟು ಸಿನಿಮಾಗಳಿವೆ. ಅದರಲ್ಲಿ ಒಂದಷ್ಟು ಸೆಟ್ಟೇರಿವೆ. ಇನ್ನೊಂದಷ್ಟು ಬಿಡುಗಡೆಗೆ ಸಿದ್ಧವಾಗಿದೆ. ಇವುಗಳ ಪಟ್ಟಿಯಲ್ಲಿ ಐ ಲವ್ ಯೂ ರಚ್ಚು ಕೂಡ ಒಂದು. ಗರಡಿ ರಚಿತ ಸೆಟ್ಟೇಲಿರುವ ಸಿನಿಮಾಗಳ ಬಿಗ್ ಬಜೆಟ್ ಸಿನಿಮಾ ಕೂಡ ಆಗಿದೆ.
ಅಖಂಡ ದಾಖಲೆ
ನಂದಮೂರಿ ಬಾಲಕೃಷ್ಣ ಅಭಿನಯದ ಅಖಂಡ ಮೂರೇ ದಿನಕ್ಕೆ 50 ಕೋಟಿ ರೂ.ಗಳಿಸುವ ಮೂಲಕ ಬಾಕ್ಸ್ ಆಫೀಸ್ ನಲ್ಲಿ ಹೊಸ ದಾಖಲೆ ಬರೆದಿದೆ. ಇನ್ನು ಒಂದು ವಾರದಲ್ಲಿ 150 ಕೋಟಿ ಬಾಚುವ ನಿರೀಕ್ಷೆ ಮಾಡಲಾಗುತ್ತಿದೆ. ಅಘೋರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಬಾಲಕೃಷ್ಣ ಅವರ ನಟನೆಗೆ ಭಾರೀ ಮೆಚ್ಚುಗೆ ದೊರೆತಿದೆ. ಸೋಶಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್ ಸಿನಿಮಾವಾಗಿ ಅಂಖಡ ಓಡಾಡುತ್ತಿದೆ.
ಚಿತ್ರದಲ್ಲಿ ಪ್ರಜ್ಞಾ ಜೈಸ್ವಾಲ್ ನಾಯಕನಟಿಯಾಗಿದ್ದಾರೆ. ಶ್ರೀಕಾಂತ್, ಜಗಪತಿ ಬಾಬು ಮುಂತಾದವರು ನಟಿಸಿದ್ದಾರೆ. ಹಲವು ವರ್ಷಗಳ ನಂತರ ಬಿಡುಗಡೆಯಾದ ನಂದಮೂರಿ ಬಾಲಕೃಷ್ಣ ಅವರ ಚಿತ್ರವು ಅಭಿಮಾನಿಗಳಿಗೆ ಅಖಂಡ ರಸಗವಳ ಉಣಬಡಿಸಿದೆ.
ಇದನ್ನೂ ಓದಿ: Meta: ಮಹಿಳೆಯರನ್ನು ರಕ್ಷಿಸಲು ಭಾರತಕ್ಕಾಗಿ ಸುರಕ್ಷತಾ ಯೋಜನೆಗಳನ್ನು ಘೋಷಿಸಿದ ಮೆಟಾ
(Actress Rachita Ram new film directed by Yograj Bhat)
Discussion about this post