ಹರ್ನಾಜ್‌ ಸಂಧುಗೆ ಮಾಜಿ ಭುವನ ಸುಂದರಿಯರಿಂದ ಅಭಿನಂದನೆ

ನವದೆಹಲಿ: ಇಸ್ರೇಲ್‌ನ ಕೆಂಪು ಸಮುದ್ರ ತೀರದ ನಗರ ಈಲಟ್‌ ಐಷಾರಾಮಿ ರೆಸಾರ್ಟ್‌ನಲ್ಲಿ ನಡೆದ 70ನೇ ಆವೃತ್ತಿಯ ಸ್ಪರ್ಧೆಯಲ್ಲಿ ‘ಭುವನ ಸುಂದರಿ’ ಕಿರೀಟವನ್ನು ಮುಡಿಗೇರಿಸಿಕೊಂಡ ಚಂಡೀಗಡ ಮೂಲದ ನಟಿ, ರೂಪದರ್ಶಿ ಹರ್ನಾಜ್‌ ಕೌರ್‌ ಸಂಧುವನ್ನು ಮಾಜಿ ‘ಭುವನ ಸುಂದರಿಯರಾದ ಸುಷ್ಮಿತಾ ಸೇನ್‌ ಮತ್ತು ಲಾರಾ ದತ್ತಾ ಸಾಮಾಜಿಕ ಜಾಲತಾಣದಲ್ಲಿ ಅಭಿನಂಧಿಸಿದ್ದಾರೆ. ‘ಭುವನ ಸುಂದರಿ’ ಕಿರೀಟವನ್ನು ಸುಷ್ಮಿತಾ ಸೇನ್‌ (1994) ಮತ್ತು ಲಾರಾ ದತ್ತಾ (2000)ಗೆ ಈ ಗೌರವಕ್ಕೆ ಭಾಜನರಾಗಿದ್ದರು.

‘ನನಗೆ ‘ಭುವನ ಸುಂದರಿ’ ಪಟ್ಟ ದೊರೆತ ವರ್ಷದಲ್ಲಿ (2000) ಹರ್ನಾಜ್‌ ಜನ್ಮಿಸಿದರು. ಈಗ ಅವರು ಈ ಗೌರವಕ್ಕೆ ಭಾಜನರಾಗಿದ್ದಾರೆ’ ಎಂದು ಲಾರಾ ದತ್ತಾ ತಮ್ಮ ಸಂದೇಶದಲ್ಲಿ ಹೇಳಿದ್ದಾರೆ.

‘ಎಲ್ಲ ವಿಜಯೋತ್ಸವ, ಹರ್ಷಕ್ಕೆ ನೀವು ಯೋಗ್ಯರು. ನಿಮ್ಮ ಬಗ್ಗೆ ನಿಮಗಿದ್ದ ಅಚಲವಾದ ನಂಬಿಕೆ ಮತ್ತು ಈ ಗೌರವ ಪಡೆಯುವುದಕ್ಕಾಗಿಯೇ ನೀವು ಜನ್ಮಿಸಿ, ಮತ್ತೊಮ್ಮೆ ಭಾರತಕ್ಕೆ ಪ್ರತಿಷ್ಠಿತ ಕಿರೀಟ ಎತ್ತಿಕೊಂಡು ಬಂದಿರುವಿರಿ’ ಎಂದು ಅಭಿನಂದಿಸಿದ್ದಾರೆ.

‘ಈ ವಿಷಯವು ಪ್ರತಿಯೊಬ್ಬ ಹಿಂದೂಸ್ತಾನಿಯರು ಹೆಮ್ಮೆ ಪಡುವ ವಿಷ. ದೇಶಕ್ಕೆ ಗೌರವ ತಂದಿರುವಿರಿ’ ಎಂದು ಹರ್ನಾಜ್‌ ಅವರನ್ನು ಸುಷ್ಮಿತಾ ಸೇನ್‌ ಅಭಿನಂದಿಸಿದ್ದಾರೆ.

‘ನೀವು ಭಾರತವನ್ನು ಬಹಳ ಸುಂದರವಾಗಿ ಪ್ರತಿನಿಧಿಸಿದಿರಿ. ಹೀಗಾಗಿಯೇ 21 ವರ್ಷದ ಬಳಿಕ ಶ್ರೇಷ್ಠ ಗೌರವ ದೇಶಕ್ಕೆ ಮರಳಿ ಬಂದಿದೆ. ನೀವು ಸ್ಪರ್ಧೆಯಲ್ಲಿ ಪ್ರತಿಯೊಂದು ಕ್ಷಣವನ್ನು ಆನಂದಿಸಿದ್ದೀರಿ ಎಂದು ಭಾವಿಸುವೆ. ನಿಮ್ಮ ಕುಟುಂಬಕ್ಕೂ ನನ್ನ ಪ್ರೀತಿಯ ನಮನಗಳು’ ಎಂದಿದ್ದಾರೆ.

ಹರ್ನಾಜ್‌ ಸಂಧು 17ನೇ ವರ್ಷದಿಂದಲೇ ತಮ್ಮ ಬ್ಯೂಟಿ ಯಾನವನ್ನು ಆರಂಭಿಸಿದರು. 2019ರಲ್ಲಿ ಫೆಮಿನಾ ಮಿಸ್‌ ಇಂಡಿಯಾ ಪಂಜಾಬ್‌, 2021ರಲ್ಲಿ ‘ಮಿಸ್‌ ದಿವಾ’ ಆಗಿ ಆಯ್ಕೆ ಆಗಿದ್ದರು. ಪಂಜಾಬಿ ಸಿನಿಮಾದಲ್ಲೂ ನಟಿಸಿದ್ದಾರೆ.

To Miss Universe 2021 Harnaaz Sandhu, From Former Miss Universes Lara Dutta, Sushmita Sen

ಇದನ್ನು ಓದಿ: ಭಾರತದ ಹರ್ನಾಜ್ ಸಂಧು ಮಿಸ್ ಯುನಿವರ್ಸ್2021

ಇದನ್ನೂ ಓದಿ: Aarya 2 Trailer: ಕುಟುಂಬದ ರಕ್ಷಣೆಗಾಗಿ “ಡಾನ್‌” ಅವತಾರ ಎತ್ತಿದ ಸುಶ್ಮಿತಾ ಸೇನ್