ಮೂರು ವರ್ಷದಲ್ಲಿ 8 ಲಕ್ಷ ಕೋಟಿ ರೂಪಾಯಿ ಇಂಧನ ತೆರಿಗೆ ಸಂಗ್ರಹ

ನವದೆಹಲಿ:  ಕಳೆದ ಮೂರು ಆರ್ಥಿಕ ವರ್ಷದಲ್ಲಿ ಎಂಟು ಲಕ್ಷ ಕೋಟಿ ರೂಪಾಯಿ ಇಂಧನದ ಮೇಲಿನ ಅಬಕಾರಿ ತೆರಿಗೆ ಸಂಗ್ರಹವಾಗಿದೆ ಎಂದು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್‌ ರಾಜ್ಯಸಭೆಗೆ ಮಂಗಳವಾರ ನೀಡಿರುವ ಲಿಖಿತ ಉತ್ತರದಲ್ಲಿ ಹೇಳಿದ್ದಾರೆ.

2018-19ರಲ್ಲಿ 2,10,282  ಕೋಟಿ ರೂಪಾಯಿ, 2019-20ರಲ್ಲಿ 2,19,750 ಕೋಟಿ ರೂಪಾಯಿ, 2020-21ರಲ್ಲಿ 3,71,908 ತೆರಿಗೆ ಆಕರವಾಗಿದೆ  ಎಂದಿದ್ದಾರೆ.

2018ರ ಅಕ್ಟೋಬರ್‌ 5ರಿಂದ ಪ್ರತಿ ಲೀಟರ್ ಪೆಟ್ರೋಲ್‌ ಮೇಲೆ 19.48 ರೂಪಾಯಿ ಮತ್ತು ಡೀಸೆಲ್‌ ಮೇಲೆ 15.33 ರೂಪಾಯಿ ಅಬಕಾರಿ ಸುಂಕ ಇತ್ತು.  2019ರ ಜುಲೈ 6ರಂದು ಪೆಟ್ರೋಲ್ ಮೇಲಿನ ತೆರಿಗೆ 17.98 ರೂಪಾಯಿಗೆ ಮತ್ತು ಡೀಸೆಲ್‌ ಮೇಲಿನ ಸುಂಕ 13.83 ರೂಪಾಯಿಗೆ ಇಳಿಕೆ ಆಗಿತ್ತು.  2021ರ ಫೆಬ್ರುವರಿ 2ರಂದು ಪೆಟ್ರೋಲ್‌  ಮತ್ತು ಡೀಸೆಲ್‌ ಮೇಲಿನ ಸುಂಕ 31.83 ರೂಪಾಯಿ ಮತ್ತು 31.83 ರೂಪಾಯಿಯ ಗರಿಷ್ಠ ಮಟ್ಟಕ್ಕೆ ತಲುಪಿತ್ತು. 2021ರ ನವೆಂಬರ್‌ 4ಕ್ಕೆ ಅಂದರೆ ದೀಪಾವಳಿ ಹಬ್ಬದ ವೇಳೆಯಲ್ಲಿ ಡೀಸೆಲ್‌ ಮೇಲಿನ ಸುಂಕವನ್ನು 10 ರೂಪಾಯಿ ಮತ್ತು ಪೆಟ್ರೋಲ್‌ ಮೇಲಿನ ತೆರಿಗೆಯನ್ನು 5 ರೂಪಾಯಿ ತಗ್ಗಿಸಲಾಯಿತು. ಇದರಿಂದ ಪೆಟ್ರೋಲ್‌ ಮೇಲಿನ ಅಬಕಾರಿ ಸುಂಕ 27.90 ರೂಪಾಯಿಗೆ ಪರಿಷ್ಕೃತವಾಯಿತು. ಡೀಸೆಲ್‌ಮೇಲಿನ ಕರ 21.80 ರೂಪಾಯಿಗೆ ಇಳಿಕೆ ಆಯಿತು. ಇದಲ್ಲದೆ ಅನೇಕ ರಾಜ್ಯಗಳು ಉಭಯ ತೈಲಗಳ ಮೇಲಿನ ಮೌಲ್ಯವರ್ಧಿತ ತೆರಿಗೆಯನ್ನು ತಗ್ಗಿಸಿವೆ ಎಂದು ವಿವರಿಸಿದ್ದಾರೆ.

Government Earned ₹ 8 Lakh Crore From Taxes On Fuels In Last 3 Years

ಇದನ್ನು ಓದಿ: ಮತ್ತಷ್ಟು ಅಗ್ಗವಾಗಲಿದೆ ಪೆಟ್ರೋಲ್, ಡೀಸೆಲ್ ದರ: ಕಾರಣವೇನು?

ಇದನ್ನೂ ಓದಿ: ತೈಲದ ಮೇಲಿನ ಅಬಕಾರಿ ಸುಂಕ ಕಡಿತವು ಅತ್ಯಂತ ಸೂಕ್ಷ್ಮ ನಿರ್ಧಾರ: ಅಮಿತ್‌ ಶಾ