ನವದೆಹಲಿ: ಗೂಗಲ್ನ ಮಾತೃ ಸಂಸ್ಥೆಯಾದ ಆಲ್ಫಾಬೆಟ್ ಇಂಕ್ ಜನವರಿ 18ರಿಂದು ಕೊರೊನಾ ಸಾಂಕ್ರಾಮಿಕದ ನಿಯಮವನ್ನು ಕಟ್ಟುನಿಟ್ಟಾಗಿ ಪಾಲಿಸಲು ಸೂಚಿಸಿದೆ. ಇಲ್ಲದಿದ್ದರೆ ವೇತನ ತಡೆ ಹಿಡಿಯುವ ಅಥವಾ ಅಶಿಸ್ತು ಮಿತಿಮೀರಿದರೆ ಕೆಲಸದಿಂದಲೇ ತೆಗೆದುಹಾಕುವ ಎಚ್ಚರಿಕೆ ನೀಡಿದೆ ಎಂದು ಮೂಲಗಳನ್ನು ಆಧರಿಸಿ ಸಿಎನ್ಬಿಸಿ ವರದಿ ಮಾಡಿದೆ.
ಡಿಸೆಂಬರ್ 3ರೊಳಗೆ ಉದ್ಯೋಗಿಗಳಿಗೆ ಲಸಿಕೆ ಪಡೆದುಕೊಂಡ ಬಗ್ಗೆ ಮಾಹಿತಿ ನೀಡುವಂತೆ ಮತ್ತು ತತ್ಸಂಬಂಧದ ದಾಖಲೆಯನ್ನು ಅಪ್ಲೋಡ್ ಮಾಡುವಂತೆ ಗೂಗಲ್ ಮೆಮೊ ನೀಡಿತ್ತು. ಲಸಿಕೆ ಪ್ರಕ್ರಿಯೆ ಪೂರ್ಣ ಆಗದವರು ವೈದ್ಯಕೀಯ ಇಲ್ಲವೆ, ಧಾರ್ಮಿಕ ಕಾರಣದಡಿ ವಿನಾಯಿತಿಗೆ ಕೋರಿಕೆ ಸಲ್ಲಿಸಬೇಕೆಂದು ಸೂಚಿಸಿತ್ತು. ಈ ದಾಖಲೆಗಳನ್ನು ಅಪ್ಲೋಡ್ ಮಾಡದ ಸಿಬ್ಬಂದಿಯನ್ನು ವೈಯಕ್ತಿಕವಾಗಿ ಸಂಪರ್ಕಸಿಸುತ್ತಿರುವ ಕಂಪನಿಯ ಮಾನವ ಸಂಪನ್ಮೂಲ ವಿಭಾಗ, ಲಸಿಕೆ ಪಡೆಯದಿರುವುದಕ್ಕೆ ಕಾರಣ ಏನು? ಯಾವ ಕಾರಣಕ್ಕೆ ವಿನಾಯಿತಿಯ ಕೋರಿಕೆಯು ತರಿಸ್ಕೃತವಾಯಿತು ಎಂದು ಪ್ರಶ್ನಿಸುತ್ತಿದೆ. ಜತೆಗೆ ಎಲ್ಲ ಉದ್ಯೋಗಿಗಳು ಜನವರಿ 18ರೊಳಗೆ ಕೋವಿಡ್-19 ನಿಯಮವನ್ನು ಪರಿಪಾಲನೆ ಮಾಡುವಂತೆ ಖಡಕ್ ಎಚ್ಚರಿಕೆಯನ್ನೂ ನೀಡಿದೆ. ಇಲ್ಲದಿದ್ದರೆ ಒಂದು ತಿಂಗಳು ವೇತನ ಸಹಿತ ಆಡಳಿತಾತ್ಮಕ ರಜೆ ತದನಂತರ ವೇತನ ರಹಿತ ವೈಯಕ್ತಿಕ ರಜೆ ಕಡ್ಡಾಯ ಮಾಡಲಾಗುವುದು. ಇಷ್ಟಾದರೂ ನಿಯಮ ಅನುಸರಣೆ ಮಾಡದವರ ವಿರುದ್ಧ ಶಿಸ್ತುಕ್ರಮ ಕೈಗೊಳ್ಳಲಾಗುವುದು ಎಂದು ಎಚ್ಚರಿಕೆ ನೀಡಿದೆ ಎಂದು ಸಿಎನ್ಬಿಸಿ ವರದಿಯಲ್ಲಿ ತಿಳಿಸಿದೆ. ಈ ಬಗ್ಗೆ ಪ್ರತಿಕ್ರಿಯೆಗೆ ಗೂಗಲ್ನ ಅಧಿಕಾರಿಗಳು ಲಭ್ಯವಾಗಲಿಲ್ಲ ಎಂದೂ ಹೇಳಿದೆ.
ಓಮಿಕ್ರಾನ್ ಪ್ರಭೇದ ಸೋಂಕು ಆವರಿಸಿದ ಕಾರಣ ಉದ್ಯೋಗಿಗಳನ್ನು ಮನೆಯಲ್ಲೇ ಕೆಲಸ ಮುಂದುವರಿಸುವಂತೆ ಗೂಗಲ್ ಸದ್ಯ ಸೂಚಿಸಿದೆ. ಈ ಮೊದಲು ಜನವರಿ 10ರಿಂದ ವಾರಕ್ಕೆ ಮೂರು ದಿನ ಕಚೇರಿಗೆ ಬರುವಂತೆ ಗೂಗಲ್ ಸೂಚಿಸಿತ್ತು.
Google Staff Gets January 18 Deadline To Comply With Vaccine Rules
ಇದನ್ನು ಓದಿ: ಕೋವಿಡ್ನಿಂದ ಮೃತಪಟ್ಟ ಎಲ್ಲರ ವಾರಸುದಾರರಿಗೂ 5 ಲಕ್ಷ ನೀಡಿಕೆ ಕಡ್ಡಾಯವಾಗಿ ನೀಡಿ: ಸಿದ್ದರಾಮಯ್ಯ ಆಗ್ರಹ
ಇದನ್ನೂ ಓದಿ: ಕೊರೊನಾ ಆಯ್ತು, ಅಮೆರಿಕದಲ್ಲೀಗ ಸ್ಯಾಲ್ಮೊನೆಲ್ಲಾ ಸೋಂಕು ಹಾವಳಿ: ಏನಿದು?
Discussion about this post