ಥಿಂಪು: ಭೂತಾನ್ ತನ್ನ ಅತ್ಯುನ್ನತ ನಾಗರಿಕ ಪ್ರಶಸ್ತಿ ‘ಆರ್ಡರ್ ಆಫ್ ದಿ ಡ್ರುಕ್ ಗ್ಯಾಲ್ಪೊ’ ‘ವನ್ನು ಪ್ರಧಾನಿ ನರೇಂದ್ರ ಮೋದಿಗೆ ಶುಕ್ರವಾರ ಪ್ರದಾನಿಸಿದೆ. ಭೂತಾನ್ ರಾಷ್ಟ್ರೀಯ ದಿನ ಸಂದರ್ಭದಲ್ಲಿ ಈ ಕುರಿತು ಮಾತನಾಡಿದ ಭೂತಾನ್ ಪ್ರಧಾನಿ ಲೊಟೆ ತ್ಶೆರಿಂಗ್, “ಭಾರತದ ಪ್ರಧಾನಿಗೆ ನಮ್ಮ ದೇಶದ ಅತ್ಯುಚ್ಛ ನಾಗರಿಕ ಪ್ರಶಸ್ತಿಯನ್ನು ನೀಡಲು ಖುಷಿಯಾಗುತ್ತದೆ ಎಂದಿದ್ದಾರೆ.
“ಭಾರತದ ಜತೆಗಿನ ಬಾಂಧವ್ಯಕ್ಕೆ ಭವ್ಯ ಪರಂಪರೆ ಇದೆ ಬೇಷರತ್ತಾಗಿ ಸ್ನೇಹಹಸ್ತವನ್ನು ಭಾರತ ನೀಡಿದೆ. ಮೋದಿ ಅವರ ಆಡಳಿತದಲ್ಲಂತೂ ಈ ಸ್ನೇಹ ಹೆಚ್ಚು ಬಲಿಷ್ಠವಾಗಿದೆ. ಕೋವಿಡ್&19 ಕಾಲದಲ್ಲಿ ಭಾರತ ನೀಡಿರುವ ವೈದ್ಯಕಿಯ ಸಹಾಯವನ್ನು ಮರೆಯಲುಂಟೆ’ ಎಂದು ತ್ಶೆರಿಂಗ್ ಹೇಳಿದ್ದಾರೆ. ಭೂತಾನ್ನ ಪ್ರೀತಿ-ಗೌರವಗಳಿಗೆ ಧನ್ಯವಾದ. ಭೂತಾನ್ ಪ್ರಧಾನಿ, ರಾಜ ಅವರೊಂದಿಗಿನ ಈ ಹಿಂದಿನ ಭೇಟಿಗಳು ಮಧುರವಾಗಿದ್ದವು. ಆಧ್ಯಾತ್ಮಿಕ ಸಂವಾದವಂತೂ ಶ್ರೇಷ್ಠ ಮಟ್ಟದಲ್ಲಿ ನಡೆಯಿತು. ನಿಮ್ಮ ಈ ಗೌರವನ್ನು ಖುದ್ದಾಗಿ ಸಂಭ್ರಮಿಸುವ ಉತ್ಸಾಹ ಇದೆ. ಭೂತಾನ್ ನಾಗರಿಕರೆಲ್ಲಗೂ ರಾಷ್ಟ್ರೀಯ ದಿನದ ಶುಭಾಶಯ ಎಂದು ಪಿಎಂಒ ಹೇಳಿದೆ.
ನರೇಂದ್ರ ಮೋದಿ ಪ್ರಧಾನಿಯಾದ ನಂತರ ವಿದೇಶಗಳಿಂದ ಸಂದಿರುವ ಗೌರವಾದರಗಳು ಇಂತಿವೆ: ಅಫ್ಘಾನಿಸ್ತಾನದ ಆರ್ಡರ್ ಆಫ್ ಘಾಜಿ ಅಮಿತ್ ಅಮನುಲ್ಲಾ ಖಾನ್ (2016), ಸೌದಿ ಅರೇಬಿಯಾದ ಆರ್ಡರ್ ಆಫ್ ಅಬ್ದುಲ್ಅಜೀಜ್ ಅಲ್ ಸೌದ್ (2016), ಪ್ಯಾಲೆಸಷ್ಟೈನ ಗ್ರಾಂಡ್ ಕಾಲರ್ ಆಫ್ ದಿ ಸ್ಟೇಟ್ ಆಫ್ ಪ್ಯಾಲೆಸ್ಟೈನ್ (2018), ರಷ್ಯಾದ ಆರ್ಡರ್ ಆ್ ಸೇಂಟ್ ಆಂಡ್ರ್ಯೂ ಪ್ರಶಸ್ತಿ (2019), ಬಹರೇನ್ನ ಕಿಂಗ್ ಹಮದ್ ಆರ್ಡರ್ ಆ್ ದೊ ರಿನೈಸ್ಸಾನ್ಸ್ ಮತ್ತು ಫಸ್ಟ್ ಕ್ಲಾಸ್ (2019, ಯುಎಇ ನೀಡುವ ಆರ್ಡರ್ ಆಫ್ ಜಾಯೆದ್ ಅವಾರ್ಡ್ (2019), ಮಾಲ್ಡೀವ್ಸ್ನ ರೂಲ್ ಆಫ್ ನಿಶಾನ್ ಇಜ್ಜುದ್ದೀನ್ (2019), ಅಮೆರಿಕದ ಲೆಜಿನ್ ಆ್ ಮೆರಿಟ್ (2020).
ಅಂತರಾರಾಷ್ಟ್ರೀಯ ಮಟ್ಟದ ಪ್ರತಿಷ್ಠಿತ ಸಂಸ್ಥೆಗಳು ನೀಡಿರುವ ಬಹುಮಾನಗಳ ಪೈಕಿ, ವಿಶ್ವಸಂಸ್ಥೆಯ ಚಾಂಪಿಯನ್ಸ್ ಆಫ್ ಅರ್ಥ್ ಪ್ರಶಸ್ತಿ (2018), ದಕ್ಷಿಣ ಕೊರಿಯಾದ ಸಾಂಸ್ಕೃತಿಕ ಪ್ರತಿಷ್ಠಾನದ ಸೋಲ್ ಶಾಂತಿ ಬಹುಮಾನ (2018), *ಬಿಲ್ ಆ್ಯಂಡ್ ಮೆಲಿಂದಾ ಗೇಟ್ಸ್ ಫೌಂಡೇಷನ್ ನೀಡುವ ಗ್ಲೋಬಲ್ ಗೋಲ್ಕೀಪರ್ ಅವಾರ್ಡ್ (2019), ಅಮೆರಿಕದ ನಾರ್ತ್ವೆಸ್ಟ್ರನ್ ವಿವಿ ನೀಡುವ ಫಸ್ಟ್ ಫಿಲಿಪ್ ಕೋಟ್ಲರ್ ಪ್ರೆಸಿಡೆನ್ಶಿಯಲ್ ಅವಾರ್ಡ್ (2019) ಮತ್ತು ಕೇಂಬ್ರಿಜ್ ಎನರ್ಜಿ ರಿಸರ್ಚ್ ಅಸೋಸಿಯೇಷನ್ ನೀಡುವ ಗ್ಲೋಬಲ್ ಎನಜಿರ್ ಆ್ಯಂಡ್ ಎನ್ವಿರಾನ್ಮೆಂಟ್ ಪ್ರಶಸ್ತಿ (2021)ಗಳು ಸಂದಿವೆ.
ಇದನ್ನೂ ಓದಿ: ಗೇಮಿಂಗ್ ಪ್ರಿಯರಿಗೆ ಶುಭಸುದ್ದಿ ನೀಡಿದ ಗೂಗಲ್ ಪ್ಲೇ ಸ್ಟೋರ್
(Bhutan confers its highest civilian award to Indian Prime Minister Narendra Modi details inside)
Discussion about this post