ಸೋನಂ ಕಪೂರ್ ಅಥವಾ ಸಾರಾ ಅಲಿ ಖಾನ್, ಯಾರು ಉತ್ತಮ ಸಹ ನಟಿ? ಹೀಗಂದ್ರು ಧನುಷ್…

ಮುಂಬೈ: ಸಾರಾ ಅಲಿ ಖಾನ್, ಧನುಷ್ ಮತ್ತು ಅಕ್ಷಯ್ ಕುಮಾರ್ ತಮ್ಮ ಮುಂಬರುವ ಚಿತ್ರ ಅತರಂಗಿ ರೇ ಪ್ರಚಾರದಲ್ಲಿದ್ದಾರೆ. ಆನಂದ್ ಎಲ್ ರೈ ನಿರ್ದೇಶನದ ಚಿತ್ರ ಡಿಸೆಂಬರ್ 24ರಂದು ಥಿಯೇಟರ್‌ಗಳಲ್ಲಿ ಪ್ರದರ್ಶನ ಕಾಣಲಿದೆ.

ಸಾರಾ ಅಲಿ ಖಾನ್ ಮತ್ತು ಧನುಷ್ ‘ಕಾಫಿ ಶಾಟ್ಸ್ ವಿತ್ ಕರಣ್’ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು, ಇದೇ ವೇಳೆ ಧನುಷ್ ಮನಬಿಚ್ಚಿ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಸೋನಂ ಕಪೂರ್ ಉತ್ತಮ ಸಹ ನಟಿಯಾಗಿರುವಾಗ ಸಾರಾ ಅಲಿ ಖಾನ್ ಅವರು ಸಂಕೀರ್ಣ ಪಾತ್ರವನ್ನು ಹೇಗೆ ನಿರ್ವಹಿಸಬಲ್ಲರು ಎಂಬ ಬಗ್ಗೆ ತಮಗೆ ಅನುಮಾನವಿದೆ ಎಂದು ಅವರು ಹೇಳಿದ್ದಾರೆ.

ಸೋನಂ ಕಪೂರ್ ಮತ್ತು ಸಾರಾ ಅಲಿ ಖಾನ್ ಪೈಕಿ ಒಬ್ಬರನ್ನು ಆಯ್ಕೆ ಮಾಡುವಂತೆ ಧನುಷ್ ಅವರಿಗೆ ಸೂಚಿಸಲಾಗಿತ್ತು. ಇದೇ ವೇಳೆ ಅವರ ಪಕ್ಕದಲ್ಲೇ ಸಾರಾ ಕೂಡ ಕುಳಿತಿದ್ದರು.

‘ಹಿಂದಿ ಸಿನಿಮಾ ಆರಂಭಿಸಿದಾಗ ನನಗೆ ಮೊದಲ ಸಹ ನಟಿಯಾಗಿದ್ದವರು ಸೋನಂ ಕಪೂರ್. ಹೀಗಾಗಿ ಅವರನ್ನೇ ಆಯ್ಕೆ ಮಾಡುತ್ತೇನೆ. ಸಾರಾ ಕೂಡ ಅತ್ಯುತ್ತಮ ನಟಿ’ ಎಂದು ಧನುಷ್ ಹೇಳಿದ್ದಾರೆ.

‘ಹಿಂದಿ ಸಿನಿಮಾದಲ್ಲಿ ಸೋನಂ ನನ್ನ ಮೊದಲ ಸಹ ನಟಿ. ಅವರು ದಕ್ಷಿಣದಿಂದ ಬಂದ ನನ್ನನ್ನು ಸಹಜವಾಗಿ ನಟಿಸಲು ನೆರವಾದರು. ಅದಕ್ಕಾಗಿ ನಾನು ಕೃತಜ್ಞನಾಗಿದ್ದೇನೆ’ ಎಂದು ಧನುಷ್ ಹೇಳಿದ್ದಾರೆ.