ಟೊಯೊಟಾ ಸಿ+ ಪಾಡ್ ಎಲೆಕ್ಟ್ರಿಕ್ ಕಾರಿನ ವಿಶೇಷತೆಗಳೇನು?

ಹೊಸ ಎಲೆಕ್ಟ್ರಿಕ್ ವಾಹನಗಳ ಮೇಲೆ ಎಲ್ಲರ ಕಣ್ಣು. ಅಂದಹಾಗೆ ಇತ್ತೀಚಿಗೆ ಎಲೆಕ್ಟ್ರಿಕ್ ವಾಹನಗಳ ವಿಷಯಕ್ಕೆ ಬಂದಾಗ ಇದು ಸ್ಪೇಸ್ ಸೌಕರ್ಯ, ರೇಂಜ್ ಹಾಗೂ ಸ್ಟೈಲ್ ಬಗ್ಗೆ ಮಾತ್ರವಲ್ಲ ಬದಲಾಗಿ ಕೆಲವೊಮ್ಮೆ, ಇದು ಕ್ಲೀನ್ ಮೊಬಿಲಿಟಿ ಹಾಗೂ ಝೀರೋ ವೆಸ್ಟ್ ಎಮಿಷನ್ ಬಗ್ಗೆಯೂ ಗ್ರಾಹಕರು ಗಮನ ಹರಿಸುತ್ತಾರೆ. ಅಂತಹವರಿಗೆ ಎಂದೇ ಹೇಳಿ ಮಾಡಿಸಿದ ಕಾರ್ ಟೊಯೊಟಾ ಸಿ+ ಪಾಡ್.

2020 ರ ಡಿಸೆಂಬರ್‌ನಲ್ಲಿ ಜಪಾನ್‌ನಲ್ಲಿ ಕಾರ್ಪೊರೇಟ್ ಮತ್ತು ಪುರಸಭೆಯ ಗ್ರಾಹಕರಿಗೆ ಮೊದಲು ಪರಿಚಯಿಸಲಾಯಿತು. ಟೊಯೋಟಾ ಸಿ+ಪಾಡ್ ಈಗ ದೇಶದ ವೈಯಕ್ತಿಕ ಪ್ರತಿಯೊಬ್ಬ ಖರೀದಿದಾರರಿಗೆ ಸಹ ಲಭ್ಯವಿರುತ್ತದೆ. ಟೊಯೋಟಾ ಸಿ+ಪಾಡ್ ಅನ್ನು ಜಪಾನ್‌ನಾದ್ಯಂತ ಗುತ್ತಿಗೆ ಒಪ್ಪಂದದ ಮೂಲಕ ನೀಡಲಾಗುವುದು ಎಂದು ಮಾಹಿತಿ ನೀಡಿದೆ.

ಟೊಯೋಟಾ ಸಿ+ಪಾಡ್ ಎಂದರೇನು?
ಎರಡು ಸೀಟರ್ ಮೊಬಿಲಿಟಿ ಆಯ್ಕೆ ಇದ್ದು, ಮಿನಿ ವಾಹನಕ್ಕಿಂತಲೂ ಚಿಕ್ಕದಾಗಿದೆ, ಸಿ+ ಪಾಡ್ ಸಂಪೂರ್ಣವಾಗಿ ಬ್ಯಾಟರಿಯಿಂದ ಚಾಲಿತವಾಗಿದೆ. ಬಹು ಡ್ಯುಯಲ್ ಮತ್ತು ಮೂರು-ಟೋನ್ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದೆ, C+pod 9.06 kWh ಲಿಥಿಯಂ ಐಯಾನ್ ಬ್ಯಾಟರಿಯಿಂದ ಚಾರ್ಜ್ ಪಡೆಯುತ್ತದೆ. ಹಾಗೂ ಒಮ್ಮೆ ಚಾರ್ಜ್ ಮಾಡಿದಲ್ಲಿ ಸುಮಾರು 150 ಕಿಮೀಗಳ ಪ್ರಯಾಣದ ವ್ಯಾಪ್ತಿಯನ್ನು ಹೊಂದಿದೆ. ಇದರ ಗರಿಷ್ಠ ವೇಗ ಗಂಟೆಗೆ 60 ಕಿಮೀ ಆಗಿದೆ.

ಏನೆಲ್ಲಾ ವಿಶೇಷತೆಗಳನ್ನು ಹೊಂದಿದೆ?
ಈ ಗಾಡಿ 2,490 ಮಿಮೀ ಉದ್ದ, 1,290 ಮಿಮೀ ಅಗಲ ಮತ್ತು 1,550 ಮಿಮೀ ಎತ್ತರವಿದೆ. ಸಿ+ ಪಾಡ್ ಕೇವಲ 3.9 ಮೀಟರ್‌ಗಳ ಟರ್ನಿಂಗ್ ರೇಡಿಯಸ್ ಅನ್ನು ಹೊಂದಿದೆ. ಸ್ಟೈಲಿಂಗ್‌ಗೆ ಸಂಬಂಧಿಸಿದಂತೆ, ಟೊಯೋಟಾ ಸಿ+ಪಾಡ್ ಎಲಿಡಿ ಹೆಡ್ ಲೈಟ್‌ಗಳು ಮತ್ತು ಎಲ್ ಇ ಡಿ ಟೈಲ್ ಲೈಟ್‌ಗಳೊಂದಿಗೆ ಬರುತ್ತದೆ. ಇದರಲ್ಲಿ ಚಾಲಕ ಮತ್ತು ಒಬ್ಬ ಪ್ರಯಾಣಿಕರಿಗೆ ಪರಸ್ಪರ ಆರಾಮವಾಗಿ ಕುಳಿತುಕೊಳ್ಳಲು ಸಾಕಷ್ಟು ಸ್ಥಳಾವಕಾಶವಿದೆ ಎಂದು ಟೊಯೊಟಾ ಹೇಳಿಕೊಂಡಿದೆ.
ಟೊಯೊಟಾ ಸಿ+ಪಾಡ್‌ನ ಕ್ಯಾಬಿನ್‌ನಲ್ಲಿ ಡ್ಯಾಶ್‌ಬೋರ್ಡ್ ಮಧ್ಯದಲ್ಲಿ ಇರುವ ಮುಖ್ಯ ಡ್ರೈವರ್ ಡಿಸ್‌ಪ್ಲೇಯೊಂದಿಗೆ ಬಿಳಿ ಮತ್ತು ಕಪ್ಪು ಬಣ್ಣದ ಥೀಮ್ ಅನ್ನು ಹೊಂದಿದೆ.

ಟೊಯೋಟಾ ಸಿ+ಪಾಡ್ ಚಾರ್ಜಿಂಗ್ ಸಮಯ 200V/16A ಔಟ್ಲೆಟ್ ಅನ್ನು ಬಳಸುವಾಗ C+pod ಅನ್ನು ಸುಮಾರು ಐದು ಗಂಟೆಗಳಲ್ಲಿ ಪೂರ್ಣವಾಗಿ ಚಾರ್ಜ್ ಮಾಡಬಹುದು ಎಂದು ಟೊಯೋಟಾ ಹೇಳಿಕೊಂಡಿದೆ ಆದರೆ 200V/6A ಔಟ್ಲೆಟ್ ಅನ್ನು ಬಳಸಿದರೆ ಇದು ಸುಮಾರು 16 ಗಂಟೆಗಳವರೆಗೆ ಹೆಚ್ಚಾಗುತ್ತದೆ.

ಇದನ್ನೂ ಓದಿ: ನಿಮ್ಮ ಸ್ಮಾರ್ಟ್‌ಫೋನ್ ಸುರಕ್ಷತೆಗೆಗಾಗಿ ನೀವು ಅನುಸರಿಸಬೇಕಿರುವ ಸೂತ್ರಗಳಿವು

(Two seater EV Toyota C+pod athats tailor made for cities)