ಪ್ರಧಾನಿ ಮೋದಿಯವರ ಹೊಸ ಕಾರು ಮರ್ಸಿಡಿಸ್​ ಮೆಬೈಕ್​!

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಭದ್ರತೆಗೆ ಹೊಸ ಕಾರು  ಮರ್ಸಿಡಿಸ್​ ಮೆಬೈಕ್​ ಎಸ್​ 650 ಮಾಡೆಲ್​ ಸೇರ್ಪಡೆ ಮಾಡಲಾಗಿದೆ. ಇದು ಹೊಸ ನವೀನ ತಂತ್ರಜ್ಞಾನವನ್ನು  ಮತ್ತು ಗರಿಷ್ಠ ಭದ್ರತೆಯನ್ನು ಹೊಂದಿದೆ. ರೇಂಜ್​ ರೋವರ್​, ಲ್ಯಾಂಡ್​ ಕ್ರೂಸರ್​ ವಾಹನಗಳನ್ನು ಪ್ರಧಾನಿಯವರ ಪ್ರಯಾಣಕ್ಕೆ ಬಳಸಲಾಗುತ್ತಿತ್ತು.  ಡಿಸೆಂಬರ್​ 6ರಂದು ರಷ್ಯಾ ಅಧ್ಯಕ್ಷ ವ್ಲಾದಿಮಿರ್​ ಪುಟಿನ್​ ನವದೆಹಲಿಗೆ ಬಂದಿದ್ದಾಗ, ಪ್ರಧಾನಿಯವರು ಹೊಸ ಕಾರನ್ನು ಮೊದಲ ಬಾರಿಗೆ ಬಳಕೆ ಮಾಡಿದ್ದರು.

ಕ್ಷಿಪಣಿ ದಾಳಿ ನಡೆದರೂ  ಕಾರು ಸ್ಫೋಟಗೊಳ್ಳುವುದಿಲ್ಲ. ಕಾರಿನ ಎರಡು ಮೀಟರ್​ ಸುತ್ತಳತೆಯಲ್ಲಿ 15 ಕಿಲೋ ಟಿಎನ್​ಟಿ ಸ್ಫೋಟ ಸಂಭವಿಸಿದರೂ ಅಪಾಯ ಸಂಭವಿಸುವುದಿಲ್ಲ. ಕಾರಿನ ಕಿಟಕಿ ಗಾಜಿಗೆ ಪಾಲಿಕಾಬೋರ್ನೆಟ್​ ಬಳಿಯಲಾಗಿದ್ದು, ಇದರಿಂದ ಗ್ಯಾಸ್​ ಅಥವಾ ರಾಸಾಯನಿಕ ದಾಳಿ ನಡೆದರೂ ಸುರತವಾಗಿರುತ್ತದೆ.  ಎಕೆ 47 ರೈಲ್​ನಿಂದ ಗುಂಡು ಹಾರಿಸಿದರೂ ಹೊಸ ಕಾರಿಗೆ ಯಾವುದೇ ಹಾನಿ ಸಂಭವಿಸುವುದಿಲ್ಲ. ಕಾರಿನ ಗಾಜು ಹಾಗೂ ಬಾಡಿ ಬಲಿಷ್ಠವಾಗಿದೆ.  ಕಾರಿನ ಟೈರ್​ಗಳಿಗೆ ದಾಳಿಯಿಂದ ಹಾನಿಯಾದರೂ ಕಾರು ಸ್ಥಗಿತವಾಗುವುದಿಲ್ಲ ವೇಗವಾಗಿಯೇ ಓಡಿಸಬಹುದು. ಗುಂಡಿನ ದಾಳಿಯಲ್ಲಿ ಪೆಟ್ರೋಲ್​ ಟ್ಯಾಂಕ್​ಗೆ ರಂದ್ರವಾದರೂ ಅದು  ತಕ್ಷಣ ಸ್ವಯಂಚಾಲಿವಾಗಿ ದುರಸ್ತಿಗೊಳ್ಳುತ್ತದೆ. ಇಂಧನ ಸೋರಿ ಬೆಂಕಿ ಹೊತ್ತಿಕೊಳ್ಳುವುದಿಲ್ಲ.

ಈ ಕಾರಿನ ವಿಶೇಷ ಸೀಟು  ಸ್ವಯಂಚಾಲಿತವಾಗಿ ಮಸಾಜ್​ ಮಾಡುತ್ತದೆ. ಇದರಿಂದ ದೂರ ಪ್ರಯಾಣದಲ್ಲೂ ಆಯಾಸ ಆಗುವುದಿಲ್ಲ. ಇಂತಿಪ್ಪ ಕಾರಿನ ಬೆಲೆ 12 ಕೋಟಿ ರೂಪಾಯಿ. ಇದು ಕಳೆದ ವರ್ಷವಷ್ಟೆ ಭಾರತದಲ್ಲಿ ಬಿಡುಗಡೆ ಆಯಿತು.

PM Modi gets New Mercedes-Maybach S650 Guard

ಇದನ್ನು ಓದಿ: PM Modi: ಮನ್ ಕೀ ಬಾತ್ ನಲ್ಲಿ ಪ್ರಧಾನಿ ಮೋದಿ ಉದಾಹರಿಸಿದ 8 ಪಾಸಿಟಿವ್ ಸಂಗತಿಗಳು

ಇದನ್ನೂ ಓದಿ: ಪ್ರಧಾನಿ ಮೋದಿಗೆ ಭೂತಾನ್​ನ ಅತ್ಯುನ್ನತ ನಾಗರಿಕ ಪ್ರಶಸ್ತಿ “ಡ್ರುಕ್​ ಗ್ಯಾಲ್ಪೊ’