Bigg Boss: ಬಿಗ್ಬಾಸ್ ಮನೆಯಲ್ಲಿ ಪಾರು ಖ್ಯಾತಿಯ ಮೋಕ್ಷಿತಾ ಪೈ ಸಖತ್ ಆಕ್ಯ್ಟೀವ್ ಆಗಿದ್ದಾರೆ. ಅಂದ್ರೆ ಜಗಳ ಆಡೋದನ್ನು ಹೆಚ್ಚು ಮಾಡಿದ್ದಾರೆ. ಸಣ್ಣ ಜಗಳ ಶುರುವಾದ ಕೂಡಲೇ, ಕಿರುಚಾಡಿ ಅದನ್ನೇ ದೊಡ್ಡ ಮಾಡಿದ್ದಾರೆ.
ಕ್ಯಾಪ್ಟೆನ್ಸಿ ಟಾಸ್ಕ್ ವೇಳೆ ರೊಚ್ಚಿಗೆದ್ದ ಮೋಕ್ಷಿತಾ, ಸ್ಪರ್ಧಿ ಧನರಾಜ್ ವಿರುದ್ಧ ಹರಿಹಾಯ್ದಿದ್ದಾರೆ. ಹಳೆ ವಿಷಯಗಳನ್ನೆಲ್ಲ ಕೆದಕಿ, ಜಗಳವಾಡಿದ್ದಾರೆ. ಧನರಾಜ್ ಸೈಲೆಂಟ್ ಆಗಿರುತ್ತಾರೆ. ಕೆಲವರನ್ನಷ್ಟೇ ನಾಮಿನೇಷನ್ಗೆ ಆಯ್ಕೆ ಮಾಡುತ್ತಾರೆ. ಅಲ್ಲದೇ, ಅವರ ಮಾತಿನಲ್ಲಿ ಯಾವುದೇ ತೂಕವಿಲ್ಲವೆಂದು ಮೋಕ್ಷಿತಾ ಆರೋಪಿಸಿದ್ದಾರೆ.
ಹೀಗೆ ಮೋಕ್ಷತಾ ಅವರ ಪಿತ್ತ ನೆತ್ತಿಗೇರಲು ಕಾರಣ, ಧನರಾಜ್ ಮೋಕ್ಷಿತಾ ಅವರನ್ನು ಕ್ಯಾಪ್ಟೆನ್ಸಿ ಟಾಸ್ಕ್ನಿಂದ ಹೊರಗಿಟ್ಟಿದ್ದರು. ಇದರಿಂದ ಸಿಟ್ಟಾದ ಮೋಕ್ಷಿತಾ, ಇದು ಪಾರ್ಷಿಯಾಲಿಟಿ ಅನ್ನೋ ರೀತಿಯಲ್ಲಿ ಮಾತನಾಡಿ, ನೀವು ಕ್ಯಾಪ್ಟನ್ ಆಗಲು ಅರ್ಹರೇ ಅಲ್ಲವೆಂದು ಧನರಾಜ್ ಮೇಲೆ ಕೂಗಾಡಿದ್ದಾರೆ.
ಇನ್ನು ಕೆಲ ದಿನಗಳ ಹಿಂದೆ ಬಳ್ಳಂಬೆಳಿಗ್ಗೆ ಗೌತಮಿ ಅವರನ್ನು ಎಬ್ಬಿಸಲು ಧನರಾಜ್ ದಿಂಬು ತೆಗೆದುಕೊಂಡು ತಮಾಷೆಗೆ ಹೊಡೆದಿದ್ದರು. ಅದು ಗೌತಮಿಯವರ ಹಿಂಭಾಗಕ್ಕೆ ಬಿದ್ದಿತ್ತು. ಈ ಕಾರಣಕ್ಕೆ ಗೌತಮಿ ಸಿಟ್ಟಾಗಿದ್ದರು. ಆ ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದರು. ಈ ವಿಷಯವನ್ನು ಮತ್ತೆ ಪ್ರಸ್ತಾಪಿಸಿದ ಮೋಕ್ಷಿತಾ, ಹೆಣ್ಣಿಗೆ ದಿಂಬಿನಿಂದ ಆ ಭಾಗಕ್ಕೆ ಹೊಡೆಯುತ್ತೀರಲ್ಲ, ನಾಚಿಕೆಯಾಗೋದಿಲ್ವಾ.? ನಿಮ್ಮಂಥವರು ಹೇಗೆ ಕ್ಯಾಪ್ಟನ್ ಆಗ್ತೀರಿ ಎಂದು ಬೈದಿದ್ದಾರೆ.
ಒಟ್ಟಾರೆಯಾಗಿ ಕೆಲವರಿಗೆ ಮೋಕ್ಷಿತಾಳ ಈ ರೌದ್ರರಾವತಾರ ಇಷ್ಟವಾದ್ರೆ, ಮತ್ತೆ ಕೆಲವರಿಗೆ ಕಿರಿಕಿರಿಯುಂಟು ಮಾಡಿದೆ. ಧನರಾಜ್ ಫ್ಯಾನ್ಸ್, ಮೋಕ್ಷಿತಾ ವಿರುದ್ಧ ಕಿಡಿಕಾರಿದ್ದಾರೆ.
Discussion about this post