ಮುಂಬೈ: ದೈಹಿಕ ಕ್ಷಮತೆ ಕಾಯ್ದುಕೊಳ್ಳುವ ಕಸರತ್ತುಗಳನ್ನು ನಿಯಮಿತವಾಗಿ ಮಾಡುವ ಮೂಲಕ ಆಕರ್ಷಕ ಅಂಗಸೌಷ್ಠವವನ್ನು ಹೊಂದುವ ಅವಶ್ಯಕತೆ ಚಲನ ಚಿತ್ರ ನಟ-ನಟಿಯರಿಗೆ ಹಿಂದೆಂದಿಗಿಂತಲೂ ಈಗ ಹೆಚ್ಚಾಗಿದೆ. ಇದರಲ್ಲಿ ಯಾವುದೇ ರಾಜಿ ಮಾಡಿಕೊಳ್ಳದೇ ದಿನ ನಿತ್ಯ ಜಿಮ್ಗಳಲ್ಲಿ ನಿಯಮಿತವಾಗಿ ವರ್ಕ್ಔಟ್ ಮಾಡುವುದನ್ನೇ ಬಹುತೇಕ ಎಲ್ಲಾ ನಟ-ನಟಿಯರೂ ಅಭ್ಯಾಸ ಮಾಡಿಕೊಂಡಿದ್ದು ಯಾವುದನ್ನು ತಪ್ಪಿಸಿದರೂ ಇದನ್ನು ಮಾತ್ರ ತಪ್ಪಿಸರು. ಇಂಥವರ ಸಾಲಿಗೆ ಬಾಲಿವುಡ್ ನಟಿ ದಿಶಾ ಪಟಾನಿಯವರೂ ಸೇರಿದ್ದಾರೆ.
ದೈಹಿಕ ಕ್ಷಮತೆಯನ್ನು ವೃದ್ಧಿಸಿಕೊಳ್ಳುವ ವಿಷಯದಲ್ಲಿ ಯಾವುದೇ ಕೊರತೆಯನ್ನು ಇಚ್ಛಿಸದ ದಿಶಾ ಪ್ರತಿನಿತ್ಯ ಜಿಮ್ನಲ್ಲಿ ವರ್ಕ್ಔಟ್ ಮಾಡುವುದನ್ನು ತಪ್ಪಿಸುವುದಿಲ್ಲ. ಇದಕ್ಕೆ ಅವರ ಇನ್ಸ್ಟಾಗ್ರಾಮ್ನಲ್ಲಿ ಲಭ್ಯವಿರುವ ನೂರಾರು ಚಿತ್ರಗಳು ಹಾಗೂ ವಿಡಿಯೋಗಳೇ ಸಾಕ್ಷಿ. ತಮ್ಮ ದೈಹಿಕ ಕಾರ್ಯಕ್ಷಮತೆಯನ್ನು ಉತ್ತಮ ಮಟ್ಟದಲ್ಲಿ ಕಾಯ್ದುಕೊಳ್ಳುವುದಲ್ಲದೇ ಇತರರನ್ನೂ ಪ್ರೇರೇಪಿಸುವುದು ಇವರ ಉದ್ದೇಶ.
ಇಂತಹುದೇ ಒಂದು ಕಸರತ್ತಿನ ವಿಡಿಯೋವನ್ನು ಸೋಮವಾರ ಇನ್ಸ್ಟಾಗ್ರಾಮ್ನಲ್ಲಿ ತಮ್ಮ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿರುವ ಅವರು ಎಲ್ಲರ ಗಮನ ಸೆಳೆದಿದ್ದಾರೆ. ಮೇಲೆಗರಿ ಗಾಳಿಯಲ್ಲೇ ತಮ್ಮ ಸುತ್ತ ತಿರುಗಿ ತರಬೇತುದಾರನಿಂದ ಮುಂದೆ ಚಾಚಲಾದ ಬಾಕ್ಸಿಂಗ್ ಗ್ಲೋವ್ಸ್ಗೆ ಕಾಲಿನಿಂದ ಕಿಕ್ ನೀಡುವ ದೃಶ್ಯ ಮೈನವಿರೇಳಿಸುವಂತಿದೆ. “ಕಡೆಗೂ ಇದು ಸಾಧ್ಯವಾಯಿತು” ಎಂದು ದಿಶಾ ಬರೆದುಕೊಂಡಿದ್ದು ಇದಕ್ಕೆ ನಟ ಟೈಗರ್ ಶ್ರಾಫ್ರ ಮೆಚ್ಚುಗೆಯನ್ನೂ ಪಡೆದಿದ್ದಾರೆ.
ದಿಶಾ ಮಾಡಿರುವ ಈ ಕಸರತ್ತು ಮಾರ್ಷಲ್ ಆರ್ಟ್ಸ್ನ ಭಾಗವಾಗಿದ್ದು ಹೃದಯ ಮಾಂಸಖಂಡಗಳ ಬಲವರ್ಧನೆ, ಹೆಚ್ಚಿನ ಕೊಬ್ಬು ಕರಗಿಸಲು, ಹಾಗೂ ದೇಹದ ಒಟ್ಟಾರೆ ಬಲವರ್ಧನೆಗೆ ಮತ್ತು ಅಂಗಾಂಗಳ ನಡುವಿನ ಸಮನ್ವಯತೆ ಸಾಧಿಸಲು ಸಹಕಾರಿಯಾಗಿದೆ. ಒತ್ತಡ ನಿವಾರಣೆ ಹಾಗೂ ನೆಮ್ಮದಿಯ ನಿದ್ರೆಗೂ ಕಾರಣವಾಗುವ ಮೂಲಕ ಇದು ಉತ್ತಮ ಮಾನಸಿಕ ಆರೋಗ್ಯಕ್ಕೂ ಸಹಕಾರಿಯಾಗಬಲ್ಲದು. ಆದರೂ, ಇಂತಹ ವ್ಯಾಯಾಮಗಳನ್ನು ತಜ್ಞ ತರಬೇತುದಾರರ ಮಾರ್ಗದರ್ಶನದಲ್ಲೇ ಮಾಡುವುದು ಅತ್ಯವಶ್ಯಕವಾಗಿದೆ.
Disha Patani comes up with a stunning video of her routine workout
ಇದನ್ನೂ ಓದಿ: ನೇಪಾಳದ ಬೆಟ್ಟದಲ್ಲಿ ಪರಿಣಿತಿ ಚೋಪ್ರಾ ಧ್ಯಾನ: ಫಿಟ್ನೆಸ್ ಗುಟ್ಟಿನ ಬಗ್ಗೆ ಬಾಲಿವುಡ್ ನಟಿ ಹೇಳಿದ್ದೇನು?
ಇದನ್ನೂ ಓದಿ: ನೇಪಾಳದ ಬೆಟ್ಟದಲ್ಲಿ ಪರಿಣಿತಿ ಚೋಪ್ರಾ ಧ್ಯಾನ: ಫಿಟ್ನೆಸ್ ಗುಟ್ಟಿನ ಬಗ್ಗೆ ಬಾಲಿವುಡ್ ನಟಿ ಹೇಳಿದ್ದೇನು?
Discussion about this post