GST: ಜನವರಿಯಿಂದ ಚಪ್ಪಲಿ, ಜವಳಿಗೆ ಶೇ. 12 ತೆರಿಗೆ: ಇ-ಟ್ಯಾಕ್ಸಿ ಸೇವೆಗೂ ಜಿಎಸ್​ಟಿ

ನವದೆಹಲಿ: ಪಾದರಕ್ಷೆ, ಜವಳಿಗಳಿಗೆ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್​ಟಿ)ಯ ಶೇ. 12ರ ಶ್ರೇಣಿ, ಮತ್ತು ಆ್ಯಪ್​ ಮೂಲಕ ಬುಕ್​ ಮಾಡುವ ಕಾರು, ಆಟೋಗಳಿಗೆ ಮತ್ತು ಆ್ಯಪ್​ಗಳ ಮೂಲಕ ತರಿಸಿಕೊಳ್ಳುವ  ಆಹಾರಕ್ಕೆ ಶೇ. 5 ಸೇವಾ ತೆರಿಗೆಯು ಜನವರಿ 1ರಿಂದ ಜಾರಿ ಆಗಲಿದೆ. ಇದರೊಟ್ಟಿಗೆ ಜಿಎಸ್​ಟಿಯ ಕೆಲವು ಪ್ರಕ್ರಿಯಾ ನಿಯಮಗಳು ಇದೇ ದಿನಾಂಕದಿಂದ ಚಾಲ್ತಿಗೆ ಬರಲಿದೆ.

ಒಂದು ಸಾವಿರ ರೂಪಾಯಿ ಒಳಗಿನ ಚಪ್ಪಲಿಗೆ ಹಾಗೂ ಅರಳೆ ವಸ್ತ್ರ  ಬಿಟ್ಟು ಉಳಿದ ಜವಳಿ ಉತ್ಪನ್ನ ಮತ್ತು ಸಿದ್ಧ ಉಡುಪುಗಳಿಗೆ ಶೇ. 12 ಜಿಎಸ್​ಟಿ ವಿಧಿಸಲಾಗುತ್ತದೆ.

ಇ-ಕಾಮರ್ಸ್​ ಸಂಸ್ಥೆಗಳು ಒದಗಿಸುವ ಸೇವೆಗಳಿಲ್ಲಿ  ಕಾರು ಅಥವಾ ಆಟೊರಿಕ್ಷಾ ಸೇವೆಗೆ ಶೇ. 5ರಷ್ಟು ತೆರಿಗೆಯನ್ನು ಸೇವೆ ಪಡೆದವರು ಪಾವತಿಸಬೇಕು. ಇದರಿಂದ ಓಲಾ, ಉಬರ್​ನಂತಹ ಇ-ಟ್ಯಾಕ್ಸಿ ಸೇವೆಗಳು ದುಬಾರಿ ಆಗಲಿವೆ. ಈ ಮೊದಲು ಇದಕ್ಕೆ  ಜಿಎಸ್​ಟಿಯಿಂದ ವಿನಾಯಿತಿ ಇತ್ತು.

ಆ್ಯಪ್​ಗಳ ಆಧಾರಿತವಾಗಿ ಆರ್ಡರ್​ ಮಾಡಿ ತರಿಸಿಕೊಳ್ಳುವ ಆಹಾರಕ್ಕೂ  ಶೇ. 5 ಸೇವಾ ತೆರಿಗೆ ವಿಧಿಸಲಾಗುತ್ತದೆ. ಹೀಗಾಗಿ ಸ್ವಿಗ್ಗಿ, ಜೊಮ್ಯಾಟೊಗಳಂಥ ಆ್ಯಪ್​ಗಳು ಈ ಸೇವೆ ಪಡೆದ ಗ್ರಾಹಕರಿಗೆ ರಸೀದಿ ನೀಡಬೇಕಾಗುತ್ತದೆ.

ಜಿಎಸ್​ಟಿ ಮರುಪಾವತಿಗೆ ಆಧಾರ್​ ದೃಢೀಕರಣ ಕಡ್ಡಾಯವಾಗಲಿದ್ದು, ಜಿಎಸ್​ಟಿಆರ್​-3ಬಿ ಮತ್ತು ಜಿಎಸ್​ಟಿಆರ್​-1 ಸಲ್ಲಿಕೆಯ ನಿಯಮದಲ್ಲಿ ಬದಲಾವಣೆಗಳು ಜನವರಿ 1ರಿಂದ ಜಾರಿಗೆ ಬರಲಿವೆ. ಪರಿಷ್ಕೃತ ನಿಯಮದಿಂದ ನಕಲಿ ಬಿಲ್​ ಸೃಷ್ಟಿ ನಡೆಯುವ ವಂಚನೆಗೆ ಕಡಿವಾಣ ಬೀಳಲಿದೆ.

GST law to come into effect from Jan 1

ಇದನ್ನು ಓದಿ: GST: ಅಕ್ಟೋಬರ್‌ನಲ್ಲಿ 1.30 ಲಕ್ಷ ಕೋಟಿ ಜಿಎಸ್‌ಟಿ ಸಂಗ್ರಹ

ಇದನ್ನೂ ಓದಿ: ಕರ್ನಾಟಕಕ್ಕೆ 1,603 ಕೋಟಿ ರೂಪಾಯಿ ಜಿಎಸ್‌ಟಿ ಪರಿಹಾರ: ಕೇಂದ್ರ