Headache: ತಲೆ ನೋವು ನಿವಾರಿಸಬಲ್ಲ ಆಹಾರಗಳು

ಮೈಗ್ರೇನ್ ಮತ್ತು ತಲೆನೋವುಗಳನ್ನು ಪ್ರಚೋದಿಸುವಂತಹ ಆಹಾರಗಳ ಬಗ್ಗೆ ನಾವು ಎಲ್ಲವನ್ನೂ ಕೇಳಿದ್ದೇವೆ. ಅದರ ಜತೆಗೆ ತಲೆನೋವನ್ನು ನಿವಾರಿಸಲು ಸಹಾಯ ಮಾಡುವ ಆಹಾರಗಳು ಇವೆ ಎಂಬುದು ಗೊತ್ತೇ? ನಿಮ್ಮ ದೈನಂದಿನ ಆಹಾರದ ಭಾಗವಾಗಿ ನೀವು ಇವುಗಳನ್ನು ಸೇವಿಸಿದರೆ ನಿಜಕ್ಕೂ ಪರಿಣಾಮಕಾರಿಯಾಗಿರುತ್ತದೆ.

ತಲೆ ನೋವು; ಅದು ಯಾವಾಗ ಬಂದು ಒಕ್ಕರಿಸತ್ತೆ ಎಂದು ಹೇಳಲಾಗುವುದಿಲ್ಲ. ಬಂದ ಮೇಲೆ ದಿನವಿಡಿ ಕಾಡುವ, ಕೆಲವೊಮ್ಮೆ ದೀರ್ಘಕಾಲದವರೆಗೆ ಕಾಡುತ್ತಲೇ ಇರುವ ಬರಲು ಕಾರಣ ಒಂದೇ ಇರಬೇಕಿಲ್ಲ. ಒತ್ತಡ , ಕೆಲಸ ಜಾಸ್ತಿಯಾದರೆ, ಸರಿಯಾಗಿ ಆಹಾರ ಸೇವಿಸದಿದ್ದರೆ, ನಿದ್ರಾ ಹೀನತೆ- ಹೀಗೆ ಹಲವಾರು ಕಾರಣಕ್ಕೆ ಸಹಿಸಲಾರದಷ್ಟು ತಲೆ ನೋವು ಬಂದುಬಿಡುತ್ತೆ. ಆಗ ನೀವು ಮಾತ್ರೆ ನುಂಗಿ ಬಿಡುತ್ತೀರ. ಆದರೆ ಹೀಗೆ ತಲೆ ನೋವು ಬಂದಾಗೆಲ್ಲ ಮಾತ್ರ ಸೇವಿಸುವುದು ನಿಜಕ್ಕೂ ಒಳ್ಳೆಯದಲ್ಲ. ಅದು ರೂಢಿಯಾಗಿ ಬಿಡುತ್ತದೆ. ಅದರ ಜತೆಗೆ ಪೇನ್ ಕಿಲ್ಲರ್ ನುಂಗಿ ಬಿಡುತ್ತೀರ. ಆದರೆ ನೋವು ನಿವಾರಕ ಮಾತ್ರೆಯನ್ನು ನಿಯಮಿತವಾಗಿ ಸೇವಿಸುವುದು ಒಳ್ಳೆಯದಲ್ಲ ಎಂಬುವುದು ನಿಮಗೆ ತಿಳಿದಿರಬಹುದು.
ಮೈಗ್ರೇನ್ ಮತ್ತು ತಲೆನೋವುಗಳನ್ನು ಪ್ರಚೋದಿಸುವಂತಹ ಆಹಾರಗಳ ಬಗ್ಗೆ ನಾವು ಎಲ್ಲವನ್ನೂ ಕೇಳಿದ್ದೇವೆ. ಅದರ ಜತೆಗೆ ತಲೆನೋವನ್ನು ನಿವಾರಿಸಲು ಸಹಾಯ ಮಾಡುವ ಆಹಾರಗಳು ಇವೆ ಎಂಬುದು ಗೊತ್ತೇ? ನಿಮ್ಮ ದೈನಂದಿನ ಆಹಾರದ ಭಾಗವಾಗಿ ನೀವು ಇವುಗಳನ್ನು ಸೇವಿಸಿದರೆ ನಿಜಕ್ಕೂ ಪರಿಣಾಮಕಾರಿಯಾಗಿರುತ್ತದೆ.

ತಲೆನೋವು ತೊಡೆದುಹಾಕಲು 9 ಸಲಹೆಗಳು
ತಲೆನೋವಿಗೆ ಸಾಮಾನ್ಯ ಆಹಾರ ಪ್ರಚೋದಕಗಳು ಇಲ್ಲಿವೆ: ಬಾಳೆ ಹಣ್ಣು, ಬೀನ್ಸ್, ಚಾಕೊಲೇಟ್, ಸಂಸ್ಕೃರಿತ ಡೈರಿ ಉತ್ಪನ್ನಗಳು, ಚೀಸ್, ಟೊಮೆಟೊಗಳು ಮತ್ತು ಈರುಳ್ಳಿಗಳು. ಆಲ್ಕೊಹಾಲ್ ಕೂಡಾ ತಲೆ ನೋವಿಗೆ ಕಾರಣವಾಗಬಹುದು.

ಫೈಬರ್+ ಪ್ರೊಟೀನ್‌ಯುಕ್ತ ಆಹಾರ
ಉಪವಾಸ ಮತ್ತು ಊಟವನ್ನು ತಪ್ಪಿಸುವುದರಿಂದ ರಕ್ತದಲ್ಲಿ ಸಕ್ಕರೆ ಅಂಶ ಕಡಿಮೆಯಾಗಿ ತಲೆ ನೋವು ಬರುತ್ತದೆ. ಹೀಗಾಗಿ ಫೈಬರ್ ಮತ್ತು ಪ್ರೊಟೀನ್ ಸಮೃದ್ಧವಾಗಿರುವ ಆಹಾರ ಸೇವಿಸುವುದು ಒಳ್ಳೆಯದು. ನೀವು ಸೇವಿಸುವ ಆಹಾರ ಆಮ್ಲಜನಕ ಮತ್ತು ಶಕ್ತಿಯಾಗಿ ಪರಿವರ್ತನೆಯಾಗುತ್ತದೆ. ಆ ಶಕ್ತಿಯು ಖಾಲಿಯಾದ ನಂತರ, ನಿಮ್ಮ ಮೆದುಳಿಗೆ ಆಹಾರ ಬೇಕಾಗುತ್ತದೆ. ಅಗತ್ಯ ಪೋಷಕಾಂಶಗಳ ಕೊರತೆ ಎದೆಗುಂದಿಸುವ ನೋವನ್ನು ಉಂಟುಮಾಡಬಹುದು.

ಏನು ಮಾಡಬೇಕು: ಪ್ರತಿ ಮೂರು ನಾಲ್ಕು ಗಂಟೆಗಳವರೆಗೆ ಸ್ವಲ್ಪ ಸ್ವಲ್ಪ ಆಹಾರ ಸೇವಿಸುತ್ತೀರಿ.

ವಿಟಾಮಿನ್ ಇ

ವಿಟಮಿನ್ ಇ ಈಸ್ಟ್ರೊಜೆನ್ ಮಟ್ಟವನ್ನು ಸ್ಥಿರಗೊಳಿಸುತ್ತದೆ, ಅವಧಿಗೆ ಸಂಬಂಧಿಸಿದ ಮೈಗ್ರೇನ್‌ಗಳನ್ನು ನಿವಾರಿಸುತ್ತದೆ.

ಏನು ಮಾಡಬೇಕು: ಎಳ್ಳಿನ ಬೀಜಗಳನ್ನು ತಿನ್ನಿರಿ. ವಿಟಮಿನ್ ಇ ಜೊತೆಗೆ, ಎಳ್ಳು ಕೂಡ ಎಲ್-ಆರ್ಜಿನೈನ್ ಭರಿತವಾಗಿರುತ್ತದೆ. ಇದು ಒತ್ತಡದ ತಲೆನೋವು ಮತ್ತು ಮೈಗ್ರೇನ್ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಬಿಟರೂಟ್ ಮತ್ತುಬಿಟರೂಟ್ ರಸ ಸಹ ಉತ್ತಮ.
ಹೈ ಮೆಗ್ನಿಷಿಯಂ + ಕೊಬ್ಬು

ಮೆಗ್ನಿಷಿಯಂ ರಕ್ತನಾಳಗಳನ್ನು ಸಡಿಲಗೊಳಿಸುತ್ತದೆ ಮತ್ತು ಮೆದುಳಿನಲ್ಲಿ ಮೈಗ್ರೇನ್-ಪ್ರಚೋದಿಸುವ ವಿದ್ಯುತ್ ಸಂಕೇತಗಳನ್ನು ಉತ್ಪತ್ತಿ ಮಾಡುವ ಸಾಧ್ಯತೆಗಳನ್ನು ಕಡಿಮೆಗೊಳಿಸುತ್ತದೆ. ಕೊಬ್ಬು ರಕ್ತದೊತ್ತಡವನ್ನು ಸ್ಥಿರವಾಗಿಡಲು ಸಹಾಯ ಮಾಡುತ್ತದೆ.

ಏನು ಮಾಡಬೇಕು: ಮೆಗ್ನಿಷಿಯಂ ಭರಿತ ಆಹಾರಗಳಾದ ಮೀನು, ಬೀನ್ಸ್ ಮತ್ತು ಗಾಢ ಹಸಿರು, ಎಲೆಗಳ ತರಕಾರಿಗಳು ಮತ್ತು ಕುಂಬಳಕಾಯಿ ಬೀಜಗಳನ್ನು ಸೇವಿಸಿ.

ಮೆಗ್ನಿಷಿಯಂ ವರ್ಧಕ ಆಹಾರಗಳಾದ ಸೂಪ್, ಸಲಾಡ್ ಸೇವಿಸಿ.

ಕೆಫೀನ್

ಕೆಲವರು ವಾರಾಂತ್ಯದಲ್ಲಿ ತಲೆ ನೋವನ್ನು ಅನುಭವಿಸುತ್ತಾರೆ. ಇದಕ್ಕೆ ಕಾರಣ ವಾರದ 5 ದಿನ ಕಚೇರಿಗಳಗಲ್ಲಿ ಪದೇ ಪದೇ ಟೀ, ಕಾಫಿ ಕುಡಿಯುವ ಚಟ. ಉಳಿದ 2 ದಿನ ಎಂದಿನಂತೆ ಕಾಫಿ, ಟೀ ಕುಡಿಯದಿರುವುದರಿಂದ ಅಂತವರಿಗೆ ತಲೆ ನೋವು ಒಕ್ಕರಿಸಿಕೊಳ್ಳುತ್ತದೆ.

ಕೆಫೀನ್ ತಲೆ ನೋವಿಗೆ ಕಾರಣವೂ ಆಗಬಲ್ಲದು, ಮದ್ದು ಆಗಬಲ್ಲದು.

ಏನು ಮಾಡಬೇಕು: ಹೀಗಾಗಿ ನಿಮ್ಮ ಆಹಾರದಲ್ಲಿ ಕೆಫೀನ್‌ನ್ನು ನಿಧಾನವಾಗಿ ತಗ್ಗಿಸುತ್ತ ಬನ್ನಿ. ದಿನಕ್ಕೆ ಒಂದು ಅಥವಾ ಎರಡು ಸಲ ಮಾತ್ರ ಸೇವಿಸುವ ರೂಢಿ ಬೆಳೆಸಿಕೊಳ್ಳಿ.

ಒಮೆಗಾ 3

ಈ ಅದ್ಭುತ ಪೌಷ್ಟಿಕಾಂಶವು ಉರಿಯೂತ ಮತ್ತು ನೋವನ್ನು ಕಡಿಮೆ ಮಾಡುವಲ್ಲಿ ರಾಮ ಬಾಣ. ರಕ್ತದೊತ್ತಡ ಕಡಿಮೆ ಮಾಡಲು ಇದು ಸಹಾಯ ಮಾಡುತ್ತದೆ .

ಏನು ಮಾಡಬೇಕು: ನಿಮ್ಮ ಆಹಾರದಲ್ಲಿ ಸಾಲ್ಮನ್ ಮತ್ತು ಬಂಗಡೆಯಂತಹ ಕೊಬ್ಬಿನ ಮೀನುಗಳನ್ನು ಸೇರಿಸಿ. ನೀವು ಸಸ್ಯಾಹಾರಿಯಾಗಿದ್ದರೆ ನಂತರ ಅಗಸೆ ಬೀಜ ಸೇವಿಸಿ

ವಿಟಾಮಿನ್ ಡಿ

ವಿಟಮಿನ್ ಡಿ ಕೊರತೆ ಇದ್ದರೆ ತಲೆ ನೋವು ಕಾಣಿಸಿಕೊಳ್ಳಬಹುದು. ಸೂರ್ಯನ ಬೆಳಕು ಕಡಿಮೆ ಇರುವ ದಿನಗಳು ವಿಟಾಮಿನ್ ಡಿ ಕೊರತೆಗೆ ಕಾರಣವಾಗಿ ತಲೆ ನೋವು ಬರಬಹುದು.

ಏನು ಮಾಡಬೇಕು: ನಿಮ್ಮ ಸ್ವಲ್ಪ ಸಮಯವನ್ನು ಎಳೆ ಬಿಸಿಲಲ್ಲಿ ಕಳೆಯಿರಿ.

ನಿರ್ಜಲೀಕರಣವಾಗದಂತೆ ನೋಡಿಕೊಳ್ಳಿ

ನಿರ್ಜಲೀಕರಣ ಸಹ ತಲೆನೋವು ಬರಲು ಪ್ರಮುಖ ಕಾರಣ. ನಮ್ಮ ಮೆದುಳಿನ 75% ನೀರಿನಿಂದ ತುಂಬಿರುತ್ತದೆ. ನಿರ್ಜಲೀಕರಣಗೊಂಡಾಗ ನೀರನ್ನು ಹಿಡಿದಿಡಲು ಮೆದುಳು ಹಿಸ್ಟಮಿನ್‌ಗಳನ್ನು ಉತ್ಪಾದಿಸುತ್ತದೆ. ಇದು ನೋವು ಮತ್ತು ಸಾಮಾನ್ಯ ಆಯಾಸಕ್ಕೆ ಕಾರಣವಾಗಬಹುದು.

ಏನು ಮಾಡಬೇಕು: ದಿನಕ್ಕೆ ಕನಿಷ್ಠ 7, 8 ಗ್ಲಾಸ್ ನೀರು ಕುಡಿಯಿರಿ . ತುಂಬಾ ನೀರು ಕುಡಿಯುವುದು ಇಷ್ಟವಾಗಲ್ಲವೆಂದರೆ ಹೆಚ್ಚಿನ ನೀರಿನಂಶವಿರುವ ಸವತೆಕಾಯಿ, ಕಲ್ಲಂಗಡಿಯಂತಹ ಹಣ್ಣುಗಳನ್ನು ಹೆಚ್ಚೆಚ್ಚು ಸೇವಿಸಿ.

ಶುಂಠಿ

ಶುಂಠಿ ಹಲವಾರು ಪೋಷಕಾಂಶಗಳನ್ನು ಹೊಂದಿದ್ದು ಮೈಗ್ರೇನ್ ನೋವನ್ನು ನಿವಾರಿಸಲು ಸಹಾಯ ಮಾಡುತ್ತದೆ.

ಏನು ಮಾಡಬೇಕು: ಶುಂಠಿ ಚಹಾದೊಂದಿಗೆ ದಿನವನ್ನು ಪ್ರಾರಂಭಿಸಿ.