Horoscope: ಕೈಯಲ್ಲಿರುವ 5 ಬೆರಳು ಹೇಗೆ ಒಂದೇ ರೀತಿ ಇರುವುದಿಲ್ಲವೋ, ಅಂತೆಯೇ ಮನುಷ್ಯನ ಹಣೆಬರಹ, ಜೀವನ, ಲಕ್, ಗುಣ ಒಂದೇ ರೀತಿ ಇರುವುದಿಲ್ಲ. ಒಬ್ಬರ ರೀತಿ ಒಬ್ಬರು ಇರುವುದಿಲ್ಲ. ಕೆಲವರು ಸದಾ ನಗುತ್ತಲೇ ಇರುತ್ತಾರೆ. ಅವರಿಗೆ ಯಾರು ಏನೇ ಬೈದರು, ಅದನ್ನು ಅಷ್ಟು ಮನಸ್ಸಿಗೆ ಹಚ್ಚಿಕೊಂಡು ಬೇಸರ ಮಾಡಿಕೊಳ್ಳುವ ಮನಸ್ಸಿರುವುದಿಲ್ಲ. ಆದರೆ ಇನ್ನು ಕೆಲವರು ಸದಾ ಸಿಡುಕುತ್ತಾರೆ, ಅಳುಮುಂಜಿಗಳು, ಮುಖ ಗಂಟು ಹಾಕಿಕೊಂಡವರಂತೆ ಇರುತ್ತಾರೆ. ಅದೇ ರೀತಿ ಬೇರೆ ಬೇರೆ ರಾಶಿಯವರ ಗುಣಗಳು, ಲಕ್ಷಣಗಳು ಬೇರೆ ಬೇರೆ ಇರುತ್ತದೆ. ಅದರಲ್ಲಿ ನಾವಿಂದು ನಾಚಿಕೆಯ ಸ್ವಭಾವದ ರಾಶಿಗಳ ಬಗ್ಗೆ ಹೇಳಲಿದ್ದೇವೆ.
ಮೇಷ ರಾಶಿ: ಮೇಷ ರಾಶಿಯವರು ಧೈರ್ಯವಾಗಿ ಮಾತನಾಡುತ್ತಾರೆ. ಆದರೆ ಕೆಲವು ಸಂದರ್ಭದಲ್ಲಿ ಇವರಿಗೂ ಹೆಚ್ಚು ನಾಚಿಕೆಯಾಗುತ್ತದೆ. ಆದರೂ ಕೂಡ ಕೆಲ ಸಂದರ್ಭದಲ್ಲಿ, ನಾಚಿಕೆ ತಡೆದು ಬೋಲ್ಡ್ ಆಗಿಯೇ ಇರುತ್ತಾರೆ.
ಕಟಕ ರಾಶಿ: ಕಟಕ ರಾಶಿಯವರಿಗೆ ನಾಚಿಕೆ ಹೆಚ್ಚು. ಇವರು ಎಲ್ಲರೆದುರು ಮನಸ್ಸು ಬಿಚ್ಚಿ ಮಾತನಾಡುವುದಿಲ್ಲ. ಅರ್ಧ ಮಾತು ಮನಸ್ಸಿನಲ್ಲಿಯೇ ಇರುತ್ತದೆ. ಬೇಸರವಾದಾಗಲೂ ಇವರು ಮನಸ್ಸಿನ ಮಾತನ್ನು ಹೇಳಿಕೊಳ್ಳುವುದಿಲ್ಲ. ಸಂಬಂಧಕ್ಕೆ ಬೆಲೆ ಕೊಡುವ ನಿಟ್ಟಿನಲ್ಲಿ ಸಿಟ್ಟು ಬಂದರೂ, ಬೈಯದೇ ಇರಲು ಸಕಲ ಪ್ರಯತ್ನ ಮಾಡುತ್ತಾರೆ.
ತುಲಾ ರಾಶಿ: ತುಲಾ ರಾಶಿಯವರು ನೋಡಲು ನಾಚಿಕೆ ಸ್ವಭಾವದವರು ಎಂದೆನಿಸುವುದಿಲ್ಲ. ಏಕೆಂದರೆ, ಇವರ ಮಾತು ಚುರುಕಾಗಿರುತ್ತದೆ. ಆದರೆ ಕೆಲವು ಸಂದರ್ಭದಲ್ಲಿ ನಾಚಿಕೊಳ್ಳುತ್ತಾರೆ. ಉದಾಹರಣೆಗೆ ನೀವು ಇವರ ಕೆಲಸವನ್ನು ಶ್ಲಾಘಿಸಿದರೆ, ಇವರಿಗೆ ನಾಚಿಕೆಯಾಗುತ್ತದೆ. ಅಂತೆಯೇ ಮನಸ್ಸಿನಲ್ಲಿ ಖುಷಿಯಾಗುತ್ತದೆ. ಅಲ್ಲದೇ, ಎರುದ್ಧ ಲಿಂಗದವರ ಬಳಿ ಮಾತನಾಡಲು ಸ್ವಲ್ಪ ನಾಚಿಕೊಳ್ಳುತ್ತಾರೆ.
ಮೀನ ರಾಶಿ: ಮೀನ ರಾಶಿಯವರು ಶಾಂತ ಸ್ವಭಾವದವರು. ಮೃದು ಸ್ವಭಾವದವರು. ಎಲ್ಲರೆದರು, ಓಪನ್ ಅಪ್ ಆಗಿ ಮಾತನಾಡುವುದಿಲ್ಲ. ಅದರಂತೆ ಎದುರು ಜವಾಬ್ ಕೂಡ ನೀಡುವುದಿಲ್ಲ. ಅದೇ ರೀತಿ, ಇವರು ನಾಚಿಕೆ ಸ್ವಭಾವದವರು. ಎಲ್ಲರೆದುರು ಊಟ ಮಾಡಲು, ಹರಟೆ ಹೊಡೆಯಲು ಕೂಡ ನಾಚುವ ಜನ ಇವರು.
Discussion about this post