Horoscope: ಅಡುಗೆ ಮಾಡೋದು ಅಂದ್ರೆ, ಇನ್ಸ್ಟಾ, ಫೇಸ್ಬುಕ್, ಯೂಟ್ಯೂಬ್ನಲ್ಲಿ ನೋಡಿದಷ್ಟು ಈಸಿ ಅಲ್ಲಾ. ಆ ಅಡುಗೆಗೆ ತಕ್ಕ ಹಾಗೆ ಉಪ್ಪು, ಖಾರ, ಹುಳಿ, ಸಿಹಿ ಎಲ್ಲವನ್ನೂ ಸೇರಿಸಬೇಕು. ಅದಕ್ಕೆ ಅಡುಗೆಯನ್ನು ಒಂದು ಕಲೆ ಅಂತ ಹೇಳೋದು. ಈ ರೀತಿ ಕಲೆಯನ್ನು ಕರಗತ ಮಾಡಿಕೊಂಡು ಅತ್ಯದ್ಭುತ ಕೈ ರುಚಿ ಹೊಂದಿರುವ ರಾಶಿಯವರ ಬಗ್ಗೆ ತಿಳಿಯೋಣ ಬನ್ನಿ..
ವೃಷಭ ರಾಶಿ: ವೃಷಭ ರಾಶಿಯವರಲ್ಲಿ ಕೆಲವರು ಸಕಲ ಕಲಾ ವಲ್ಲಭರು. ಇವರಿಗೆ ವಿದ್ಯಾಭ್ಯಾಸದಿಂದ ಹಿಡಿದು, ಹೊಲಿಗೆ, ಪಾಕಶಾಸ್ತ್ರ ಸೇರಿ ಹಲವು ವಿದ್ಯೆಗಳು ಒಲಿದಿರುತ್ತದೆ. ಅದರಲ್ಲೂ ಮನೆಗೆ ಯಾರಾದರೂ ಅತಿಥಿಗಳು ಬರುತ್ತಿದ್ದಾರೆ ಅಥವಾ ತನ್ನ ಬಾಳ ಸಂಗಾತಿಗಾಗಿ ಏನಾದರೂ ಸ್ಪೆಶಲ್ ಮಾಡಬೇಕು ಅನ್ನಿಸಿದರೆ, ಫಟಾಫಟ್ ಅಂತಾ ರುಚಿಯಾದ ಅಡುಗೆ ತಯಾರಿಸುವ ಕೆಪಾಸಿಟಿ ಇವರಿಗಿರುತ್ತದೆ.
ಮಿಥುನ ರಾಶಿ: ಮಿಥುನ ರಾಶಿಯವರು ನಳಮಹಾರಾಜರಿದ್ದಂತೆ. ಇವರು ಅಪರೂಪಕ್ಕೆ ಅಡುಗೆ ಮಾಡಿದ್ರೂ, ಶೆಫ್ ಮಾಡಿದ ಅಡುಗೆಯ ರುಚಿ, ಇವರ ಕೈಯಲ್ಲಿರತ್ತೆ. ಅದರಲ್ಲೂ ಕೆಲವು ಪಾಕಪ್ರವೀಣರು, ಹೊಟೇಲ್ ಬ್ಯುಸಿನೆಸ್, ಕೇಟರಿಂಗ್ನಲ್ಲೂ ತಮ್ಮ ಭವಿಷ್ಯ ರೂಪಿಸಿಕೊಳ್ಳಬಹುದು. ಅಷ್ಟು ಸ್ವಾದಿಷ್ಟವಾಗಿರುತ್ತದೆ ಈ ರಾಶಿಯವರು ಮಾಡುವ ಅಡುಗೆ.
ಕರ್ಕಾಟಕ ರಾಶಿ: ಕರ್ಕಾಟಕ ರಾಶಿಯವರು ಎಲ್ಲರಿಗೂ ಪ್ರೀತಿಯಿಂದ ಅಡುಗೆ ಮಾಡುತ್ತಾರೆ. ಇವರೆಂದೂ ಅಡುಗೆ ಮಾಡಬೇಕೆಂದು ಸಿಟ್ಟು ಮಾಡಿಕೊಳ್ಳುವುದಿಲ್ಲ. ಅಲ್ಲದೇ, ಅಸಡ್ಡೆಯಿಂದ ಅಡುಗೆ ಮಾಡುವುದಿಲ್ಲ. ತಾನು ಮಾಡಿದ ಅಡುಗೆ ತನಗೆ ತಿನ್ನಲು ಸಿಗದಿದ್ದರೂ, ಬೇರೆಯವರು ಇಷ್ಟಪಟ್ಟು ತಿಂದರೆ, ಅದರಲ್ಲೇ ಖುಷಿ ಪಡುವ ಸ್ವಭಾವದವರು. ಇವರು ಕೂಡ ಸ್ವಾದಿಷ್ಟವಾಗಿ ಅಡುಗೆ ಮಾಡುತ್ತಾರೆ.
ತುಲಾ ರಾಶಿ: ತುಲಾ ರಾಶಿಯವರು ಎಲ್ಲ ಕೆಲಸಗಳಲ್ಲೂ ನಿಪುಣರು. ಮನುಸ್ಸು ಮಾಡಿದರೆ, ಉತ್ತಮ ವಿದ್ಯಾಭ್ಯಾಸ ಪಡೆಯಬಲ್ಲರು. ಆದರೆ ಇವರಿಗೆ ವಿದ್ಯಾಭ್ಯಾಸಕ್ಕಿಂತ, ಕಲೆಯಲ್ಲಿ ಆಸಕ್ತಿ ಹೆಚ್ಚು. ಹಾಗಾಗಿ ತುಲಾ ರಾಶಿಯವರು ಹೆಚ್ಚಾಗಿ ಕಲೆಗಾರರಾಗಿರುತ್ತಾರೆ. ಜೊತೆಗೆ ಇವರ ಕೈರುಚಿಯೂ ಬಲು ಸ್ವಾದಿಷ್ಟವಾಗಿರುತ್ತದೆ. ಈ ರಾಶಿಯವರು ಮನಸ್ಸು ಮಾಡಿದ್ರೆ ಕೇಟರಿಂಗ್, ಹೊಟೇಲ್ ಬ್ಯುಸಿನೆಸ್ನಲ್ಲಿ ಚೆನ್ನಾಗಿ ಲಾಭ ಮಾಡಬಹುದು.
Discussion about this post