Horoscope: ಕೈಯಲ್ಲಿರುವ 5 ಬೆರಳು ಹೇಗೆ ಒಂದೇ ರೀತಿ ಇರುವುದಿಲ್ಲವೋ, ಅಂತೆಯೇ ಮನುಷ್ಯನ ಹಣೆಬರಹ, ಜೀವನ, ಲಕ್, ಗುಣ ಒಂದೇ ರೀತಿ ಇರುವುದಿಲ್ಲ. ಒಬ್ಬರ ರೀತಿ ಒಬ್ಬರು ಇರುವುದಿಲ್ಲ. ಕೆಲವರು ಸದಾ ನಗುತ್ತಲೇ ಇರುತ್ತಾರೆ. ಅವರಿಗೆ ಯಾರು ಏನೇ ಬೈದರು, ಅದನ್ನು ಅಷ್ಟು ಮನಸ್ಸಿಗೆ ಹಚ್ಚಿಕೊಂಡು ಬೇಸರ ಮಾಡಿಕೊಳ್ಳುವ ಮನಸ್ಸಿರುವುದಿಲ್ಲ. ಆದರೆ ಇನ್ನು ಕೆಲವರು ಸದಾ ಸಿಡುಕುತ್ತಾರೆ, ಅಳುಮುಂಜಿಗಳು, ಮುಖ ಗಂಟು ಹಾಕಿಕೊಂಡವರಂತೆ ಇರುತ್ತಾರೆ. ಅದೇ ರೀತಿ ಬೇರೆ ಬೇರೆ ರಾಶಿಯವರ ಗುಣಗಳು, ಲಕ್ಷಣಗಳು ಬೇರೆ ಬೇರೆ ಇರುತ್ತದೆ. ಅದರಲ್ಲಿ ನಾವಿಂದು ಆಕರ್ಷಕ ವ್ಯಕ್ತಿತ್ವ ಹೊಂದಿರುವ ರಾಶಿಯ ಬಗ್ಗೆ ಹೇಳಲಿದ್ದೇವೆ.
ಮಿಥುನ ರಾಶಿ: ಮಿಥುನ ರಾಶಿಯವರು ಆಕರ್ಷಕ ಮುಖಚರ್ಯೆ ಹೊಂದಿರುತ್ತಾರೆ. ಅಲ್ಲದೇ, ಬುದ್ಧಿವಂತರು ಕೂಡ ಹೌದು. ಯಾವುದಾದರೂ ಕೆಲಸ ಕಲಿಯಬೇಕು ಎಂದಲ್ಲಿ, ಅದನ್ನು ಒಮ್ಮೆ ನೋಡಿದ ತಕ್ಷಣ, ಕ್ಯಾಚ್ ಮಾಡಿಕೊಳ್ಳುವ ಚಾತುರ್ಯತೆ ಇವರಿಗಿರುತ್ತದೆ. ಇವರ ಮಾತು ಕೂಡ ಮಿತವಾಗಿದ್ದು, ಕೇಳಲು ಹಿತವಾಗಿರುತ್ತದೆ. ಹಾಗಾಗಿಯೇ ಮಿಥುನ ರಾಶಿಯವರು ಆಕರ್ಷಕ ವ್ಯಕ್ತಿತ್ವದವರಾಗಿರುತ್ತಾರೆ.
ತುಲಾ ರಾಶಿ: ಮಾತಾಡಿದರೆ, ಮುಂದೆ ಇರುವವರು ಕಳೆದೇ ಹೋಗಬೇಕು. ಅಂಥ ವ್ಯಕ್ತಿತ್ವದವರು ತುಲಾ ರಾಶಿಯವರು. ಇವರ ಮಾತಿನಿಂದಲೇ ಇವರು ಆಕರ್ಷಿತರಾಗಿರುತ್ತಾರೆ. ಅಲ್ಲದೇ, ಆಕರ್ಷಕ ಕಳೆ ಹೊಂದಿರುವ ಇವರು, ನಗಿಸುವುದರಲ್ಲೂ ನಿಪುಣರು, ಮಾತನಾಡಿದರೇ, ನಗಬೇಕು, ಹಾಗಿರುತ್ತದೆ ಇವರ ಮಾತು. ಇವರ ಮಾತುಗಳಿಗೆ ಜನ ಆಕರ್ಷಿತರಾಗುತ್ತಾರೆ.
ಸಿಂಹ ರಾಶಿ: ಸಿಂಹ ರಾಶಿಯವರು ನಾಯಕತ್ವದ ಗುಣವನ್ನು ಹೊಂದಿರುತ್ತಾರೆ. ಒಮ್ಮೆ ಹಿಡಿದ ಕೆಲಸ ಮಾಡಿ ಮುಗಿಸುವವರೆಗೂ ಬಿಡುವುದಿಲ್ಲ. ಅಲ್ಲದೇ, ಎಲ್ಲದರಲ್ಲೂ ತಾವೇ ಮುಂದಿರಬೇಕು ಎಂದು ಕಷ್ಟಪಟ್ಟು ಆ ಸ್ಥಾನವನ್ನು ಗಿಟ್ಟಿಸಿಕೊಳ್ಳುತ್ತಾರೆ. ಈ ವ್ಯಕ್ತಿತ್ವವೇ ಅವರನ್ನು ಆಕರ್ಷಕರನ್ನಾಗಿ ಮಾಡುತ್ತದೆ.
ವೃಶ್ಚಿಕ ರಾಶಿ: ವೃಶ್ಚಿಕ ರಾಶಿಯವರು ಕೂಡ ನಾಯಕತ್ವದ ಗುಣ ಹೊಂದಿದವರು. ಯಶಸ್ಸು ಗಳಿಸಲು, ಎಲ್ಲ ರೀತಿಯ ತ್ಯಾಗಕ್ಕೂ ಸಿದ್ಧರಿರುತ್ತಾರೆ. ಮಾತು ಮಿತವಾಗಿರುತ್ತದೆ. ಕೋಪ ಸ್ವಲ್ಪ ಹೆಚ್ಚಾದ ಕಾರಣ, ಮುಖದಲ್ಲಿ ಸದಾ ಒಂದು ಗಾಂಭೀರ್ಯತೆ ಇರುತ್ತದೆ. ಹಾಗಾಗಿ ಅವರು ಆಕರ್ಷಕರಾಗಿ ಕಾಣುತ್ತಾರೆ.
ಧನು ರಾಶಿ: ಧನು ರಾಶಿಯವರು ಸದಾ ಕಾಲ ಆ್ಯಕ್ಟೀವ್ ಆಗಿರುತ್ತಾರೆ. ಚೈತನ್ಯದಾಯಕ ವ್ಯಕ್ತಿತ್ವದವರು ಅಂತಾನೇ ಹೇಳಬಹುದು. ಇವರಿಗೆ ಜೀವನೋತ್ಸಾಹ ಹೆಚ್ಚು, ಸಂಸಾರ ಮಾಡಬೇಕು ಅನ್ನೋದಕ್ಕಿಂತ ಹೆಚ್ಚು, ಪ್ರಪಂಚ ತಿರುಗಬೇಕು. ತರಹ ತರಹದ ತಿಂಡಿ ತಿನಿಸು ಸವಿಯಬೇಕು, ಬೇರೆ ಬೇರೆ ಸ್ಥಳಗಳಿಗೆ ಹೋಗಿ, ಅಲ್ಲಿನ ವಿಷಯಗಳನ್ನು ತಿಳಿಯಬೇಕು ಎಂಬ ಮನಸ್ಥಿತಿ ಇವರದ್ದಾಗಿರುತ್ತದೆ. ಹಾಗಾಗಿ ಇವರ ಈ ಚೈತನ್ಯದಾಯಕ ಉತ್ಸಾಹವೇ, ಇವರನ್ನು ಆಕರ್ಷಕವಾಗಿ ಕಾಣುವಂತೆ ಮಾಡುತ್ತದೆ.
Discussion about this post