INS Khukri: ಭಾರತೀಯ ನೌಕಾಪಡೆಯ ಐಎನ್​ಎಸ್​ ಖುಕ್ರಿಗೆ ಜಹಜಿಗೆ ನಿವೃತ್ತಿ

ವಿಶಾಖಪಟ್ಟಣ: ಭಾರತೀಯ ನೌಕಾಪಡೆಯಲ್ಲಿ 32 ವರ್ಷ ಸೇವೆ ಸಲ್ಲಿಸಿರುವ ಐಎನ್​ಎಸ್​ ಖುಕ್ರಿ ನೌಕೆಯನ್ನು ನಿವೃತ್ತಗೊಳಿಸಲಾಗಿದ್ದು, ವಿಶಾಖಪಟ್ಟಣದಲ್ಲಿ ಗುರುವಾರ ಬೀಳ್ಕೊಡುಗೆ ಕಾರ್ಯಕ್ರಮ ನಡೆಯಿತು. ರಾಷ್ಟ್ರ ಧ್ವಜ, ನೌಕದಳದ ಬಾವುಟ ಮತ್ತು ನಿರ್ಗಮನದ ಪೆನ್ನೆಂಟ್​ಗಳನ್ನು ಸಂಜೆ ಸೂರ್ಯಾಸ್ತದ ಸಮಯದಲ್ಲಿ ಅವರೋಹಣ ಮಾಡುವ ಮೂಲಕ ನೌಕೆಗೆ ವಿದಾಯ ಹೇಳಲಾಯಿತು.ಈ ಸಂದರ್ಭದಲ್ಲಿ  ಪಶ್ಚಿಮ ನೌಕಾ ನೆಲೆಯ ಕಮಾಂಡರ್​ ಇನ್​ ಚೀಫ್‌ ಆದ ವೈಸ್​ ಅಡ್ಮಿರಲ್​ ಬಿಸ್ವಜಿತ್​ ದಾಸ್​ಗುಪ್ತಾ  ಹಾಜರಿದ್ದರು. ಐಎನ್​ಎಸ್​ ಖುಕ್ರಿಯಲ್ಲಿ ನೌಕೆಯಲ್ಲಿ ಸೇವೆ ಸಲ್ಲಿಸಿದ್ದ ಅಧಿಕಾರಿಗಳು ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.

ಮಜಗಾಂವ್​ ಡಾಕ್​ ಶಿಪ್​ ಯಾರ್ಡ್​ನಲ್ಲಿ ನಿರ್ಮಾಣಗೊಂಡ ಐಎನ್​ಎಸ್​ ಖುಕ್ರಿ ನೌಕೆಯನ್ನು 1989ರ ಆಗಸ್ಟ್​ 23ರಂದು ನೌಕಾಪಡೆಯ ಸೇವೆಗೆ ಸೇರ್ಪಡೆ ಮಾಡಲಾಗಿತ್ತು. ಮುಂಬೈನಲ್ಲಿ ನಡೆದ ಇದರ ಆರಂಭಿಕ ಚಲನೆಯ ಕಾರ್ಯಕ್ರಮದಲ್ಲಿ ಆಗಿನ ರಕ್ಷಣಾ ಸಚಿವ  ಕೃಷ್ಣ ಚಂದ್ರ ಪಂತ್​ ಮತ್ತು 1971ರ ಪಾಕ್​ ವಿರುದ್ಧ ಯುದ್ಧದಲ್ಲಿ ಹುತಾತ್ಮರಾದ ಕ್ಯಾಪ್ಟನ್​ ಮಹೇಂದ್ರನಾಥ ಮುಲ್ಲ ಅವರ ಪತ್ನಿ ಸುಧಾ ಮುಲ್ಲ ಭಾಗಿಯಾಗಿದ್ದರು. ಈ ನೌಕೆಯು ಪಶ್ಚಿಮ ಮತ್ತು ಪೂರ್ವ ನೌಕಾ ನೆಲೆ ಎರಡರಲ್ಲೂ ಕಾರ್ಯನಿರ್ವಹಿಸಿತ್ತು. 32 ವರ್ಷದ ಅವಧಿಯಲ್ಲಿ ಈ ನೌಕೆಯನ್ನು 28 ಅಧಿಕಾರಿಗಳು ಮುನ್ನಡೆಸಿದ್ದಾರೆ. 6,44,987 ನಾಟಿಕಲ್​ ಮೈಲಿಯನ್ನು ಇದು ಕ್ರಮಿಸಿದೆ.  ಅಂದರೆ 30 ಸಾರಿ ವಿಶ್ವ ಪರ್ಯಟನೆಗೆ ಸಮವಾದ ದೂರ ಅಥವಾ ಭೂಮಿಯಿಂದ ಚಂದ್ರನಲ್ಲಿಗೆ ಮೂರು ಸಾರಿ ಪರಿಕ್ರಮಣದ ದೂರದಷ್ಟು ಸಂಚಾರ ನಡೆಸಿದೆ.

INS Khukri Decommissioned At Visakhapatnam

ಇದನ್ನು ಓದಿ: ‘INS Shivalik’: ‘ಐಎನ್ಎಸ್ ಶಿವಾಲಿಕ್’ ಮಾದರಿಯ ಯುದ್ಧ ನೌಕೆ ಲೋಕಾರ್ಪಣೆ

ಇದನ್ನೂ ಓದಿ: INS Visakhapatnam: ಕೆಲ ಹೊಣೆಗೇಡಿ ರಾಷ್ಟ್ರಗಳು ವಿಶ್ವಸಂಸ್ಥೆಯ ಕಾನೂನುಗಳನ್ನು ತಿರುಚಿ ವಿವಾದ ಸೃಷ್ಟಿಸುತ್ತಿವೆ: ರಾಜನಾಥ್ ಸಿಂಗ್