Bollywood: ಕೊನೆಗೂ ಕತ್ರೀನಾ ಕೈಫ್ ಮದುವೆ ನಿಕ್ಕಿ

ಬೆಂಗಳೂರು: ಕತ್ರಿನಾ ಕೈಫ್ ಮದುವೆಯಾಗುತ್ತಿದ್ದಾರೆ ಅನ್ನೋದನ್ನು ಕೇಳಿ ಕೇಳಿ ಅಭಿಮಾನಿಗಳಿಗೂ ಸಾಕಾಗಿಹೋಗಿದೆ. ಬಾಲಿವುಡ್ ಹಾಟ್ ಬ್ಯೂಟಿ ಮಾತ್ರ ಈ ಬಗ್ಗೆ ಬಾಯಿಬಿಟ್ಟು ಹೇಳಿಲ್ಲ. ಈಕೆ ನಟ ವಿಕ್ಕಿ ಕೌಶಲ್‌ರನ್ನು ಮದುವೆಯಾಗುವುದಂತೂ ನಿಕ್ಕಿಯಾಗಿದೆ. ಅದಕ್ಕೆ ಪೂರಕವಾಗಿ ಇಬ್ಬರೂ ತಿರುಗಾಡಿದ್ದು, ತಿರುಗಿ-ತಿರುಗಿ ತಮ್ಮ ಭಾವಚಿತ್ರಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಕಟಿಸಿದ್ದು ಎಲ್ಲವೂ ಸಾಕ್ಷಿಗಳಾಗಿವೆ.

ಈಗ ಇದರ ಮುಂದುವರಿದ ಭಾಗವಾಗಿ ಬಂದಿರುವ ಸುದ್ದಿ ಏನೆಂದರೆ, ಡಿಸೆಂಬರ್ 9, 2021ರಂದು ಕತ್ರಿನಾ, ವಿಕ್ಕಿಯ ಮದುವೆ ನಡೆಯಲಿದೆ. ಅದು ಎಲ್ಲಿ ಅಂತೀರಾ? ರಾಜಸ್ಥಾನದ ಸವಾಯಿ ಮಾಧೋಪುರದಲ್ಲಿ. ಹೀಗಾಗಿ, ಕತ್ರಿನಾ ಮದುವೆಯಾಗುವುದು ಬಹುತೇಖ ಖಾತ್ರಿಯಾಗಿದೆ. ಪಡ್ಡೆ ಹುಡುಗರ ನಿದ್ದೆಗೆಡಿಸಿದ್ದ ಕತ್ರೀನಾ ಗೃಹಸ್ಥಾಶ್ರಮಕ್ಕೆ ಕಾಲಿಡುವ ಹೊಸ ಇನ್ನಿಂಗ್ಸ್ ಆರಂಭವಾಗಲಿದೆ.

ಇನ್ನೊಂದು ವಿಶೇಷ ಅಂದರೆ, ಕತ್ರೀನಾ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಬಾಲ್ಯದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ವಿಕ್ಕಿ, ಕತ್ರೀನಾ ಇಬ್ಬರೂ ಇರುವ ಫೋಟೋಗಳು ಇವೆ. ಈ ಬಾಲ್ಯಜೋಡಿಯ ಫೋಟೋಗಳು ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ. ಯಾವ ಮಟ್ಟಿಗೆ ಅಂದರೆ, ಗೂಗಲ್ ನಲ್ಲಿ ಅತಿಹೆಚ್ಚು ಸರ್ಚ್ ಮಾಡಿರುವ ಪೋಟೋಗಳ ಪಟ್ಟಿಯಲ್ಲಿ ಯುವ ಜೋಡಿಯ ಫೋಟೋಗಳು ಸೇರಿವೆ.

ಟ್ರೋಲ್

ಒಂದಷ್ಟು ಜನ ಇಬ್ಬರ ಬಾಲ್ಯದ ಫೋಟೋಗಳನ್ನು ಟ್ರೋಲ್ ಕೂಡ ಮಾಡುತ್ತಿದ್ದಾರೆ. ಅದು ಹೇಗೆ ಅಂದರೆ, ವಿಕ್ಕಿಯ ಫೋಟೋ ಮೇಲೆ “ಯಾರೂ ಊಹಿಸಿರಲಿಲ್ಲ ಈತ ಭವಿಷ್ಯದಲ್ಲಿ ಭಾರತದ ಪರಮ ಸುಂದರಿಯ ಗಂಡನಾಗುತ್ತಾನೆಂದು” ಎಂದು ಬರೆದಿದ್ದಾರೆ. ವಿಕ್ಯಾಟ್ ಅನ್ನೋ ಹ್ಯಾಷ್ ಟ್ಯಾಗ್ ಕೂಡ ಟ್ವಿಟರ್ ನಲ್ಲಿ ಸಿಕ್ಕಾಪಟ್ಟೆ ಟ್ರೆಂಡಿಂಗ್ ನಲ್ಲಿ ಇದೆ.

ಕತ್ರೀನಾ ವಯಸ್ಸಲ್ಲಿ ದೊಡ್ಡವರು

ಇನ್ನೊಂದು ವಿಶೇಷ , ಕತ್ರೀನಾ ವಿಕ್ಕಿಗಿಂತ ಐದು ವರ್ಷ ದೊಡ್ಡವರು. ಅಂದರೆ, ಕತ್ರೀನಾಗೆ ಈಗ 38 ವರ್ಷ, ವಿಕ್ಕಿಗೆ 33 ವರ್ಷ. ಇಬ್ಬರ ಪ್ರೀತಿಗೆ ವಯಸ್ಸಿನ ಅಂತರ ತೊಂದರೆ ಮಾಡಿಲ್ಲ. ಇಬ್ಬರು ಬಹಳ ವರ್ಷಗಳಿಂದ ಪ್ರೀತಿಸುತ್ತಿದ್ದರು. ಈ ಬಗ್ಗೆ ಗುಸುಗುಸು ಓಡಾಡುತ್ತಲೇ ಇತ್ತು. ಸಚಿನ್ ತೆಂಡ್ಯೂಲ್ಕರ್ ಹೆಂಡತಿವಯಸ್ಸು ಸಚಿನ್ ಗಿಂತ ಹೆಚ್ಚಿದೆ. ಇದೇ ಟ್ರೆಂಡ್ ಬಾಲಿವುಡ್ ನಲ್ಲಿ ಹಳೆಯದು. ಸುನೀಲ್ ದತ್ ಹೆಂಡತಿ ನರ್ಗೀಸ್ ಗಿಂತ ವಯಸ್ಸಲ್ಲಿ ಚಿಕ್ಕವರು,  ಐಶ್ವರ್ಯ ರೈಗೆ 40 ಆಗಿದ್ದಾಗ ಅಭಿಷೇಕ್ ಬಚ್ಚನ್ ಗೆ 38 ಆಗಿತ್ತು, ಇದಕ್ಕೆ ಶಿಲ್ಪಾಶೆಟ್ಟಿ ರಾಜ್ ಕುಂದ್ರಾ ಇತ್ತೀಚಿನ ಉದಾಹರಣೆ ಅನ್ನಬಹುದು. ಈ ಸಮೂಹಕ್ಕೆ ಮತ್ತೊಂದು ಸೇರ್ಪಡೆ ಕತ್ರೀನಾ ಕೈಫ್ ಹಾಗೂ ವಿಕ್ಕಿ ಕೌಶಲ್.

Katrina Kaif and Vicky Kaushal set to tie the knot on December 9th

ಇದನ್ನೂ ಓದಿ: ಹಾಲಿವುಡ್‌ಗೆ ಎಂಟ್ರಿ ಕೊಡಲಿದ್ದಾರೆ ಸಮಂತಾ ರುತ್ ಪ್ರಭು

ಇದನ್ನೂ ಓದಿ: ಮಗಳು ವಮಿಕಾ, ಮುಂದಿನ ವೃತ್ತಿಜೀವನದ ಬಗ್ಗೆ ಏನಂತಾರೆ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ?