ನಟ ಶ್ರೀಮುರಳಿ ಅಭಿನಯದ ಮದಗಜ ಚಿತ್ರವೂ ಸೂಪರ್ ಡೂಪರ್ ಹಿಟ್ಟಾಗಿದೆ. ಈ ಗೆಲುವನ್ನು ನಾವು ಬಾಕ್ಸ್ ಆಫೀಸ್ ಕಲೆಕ್ಷನ್ ನಿಂದಲೇ ಅಳೆಯಬೇಕು. ಚಿತ್ರತಂಡ ನೀಡುರುವ ಮಾಹಿತಿ ಪ್ರಕಾರ ಚಿತ್ರ ಬಿಡುಗಡೆಯಾದ ಮೂರೇ ದಿನಕ್ಕೆ ಮದಗಜದ ಗಳಿಕೆ ಇಪ್ಪತ್ತು ಕೋಟಿಗೂ ದಾಟಿದೆಯಂತೆ. ಒಟ್ಟಾರೆ, ಮುರಳಿಯವರ ಶ್ರೀಮಂತ ನಟನೆ, ನಿರ್ಮಾಪಕ ಉಮಾಪತಿ ಅವರ ಅದ್ದೂರಿ ಬಿಡುಗಡೆಯ ಶ್ರಮ ಇಲ್ಲಿ ಸಾರ್ಥಕವಾದಂತಾಯಿತು.
ಮದಗಜದ ಮೊದಲನೆ ದಿನದ ಕಲೆಕ್ಷನ್ ಹತ್ತಿರ ಹತ್ತಿರ 8 ಕೋಟಿ. ಅಂದರೆ, ಇಡೀ ರಾಜ್ಯದಲ್ಲಿ ಸುಮಾರು 450ಕ್ಕೂ ಹೆಚ್ಚು ಥಿಯೇಟರ್ ನಲ್ಲಿ 2300 ಪ್ರದರ್ಶನ ಕಂಡಿರುವುದರಿಂದ ಇಷ್ಟು ಮೊತ್ತ ಬಂದಿದೆ ಎನ್ನುತ್ತದೆ ಸಿನಿಮಾ ತಂಡ.
ಆರಂಭದ ಎರಡು ದಿನಗಳ ಕಲೆಕ್ಷನ್ ಲೆಕ್ಕ ಹಾಕಿದರೆ ಹೆಚ್ಚು ಕಡಿಮೆ 6.77 ಕೋಟಿಗೂ ಹೆಚ್ಚಂತೆ. ಇದರಲ್ಲಿ ಅತಿ ಹೆಚ್ಚು ಕಲೆಕ್ಷನ್ ತಂದು ಕೊಟ್ಟಿರುವುದು ಬೆಂಗಳೂರು, ಕೋಲಾರ, ತುಮಕೂರು ( ಬಿಕೆಟಿ) 9 ಕೋಟಿ. ಅತಿ ಕಡಿಮೆ ಅಂದರೆ ದಾವಣಗೆರೆ. ಕೇವಲ 1 ಕೋಟಿ.
ರಾಜ್ಯದಲ್ಲಿ ಒಮಿಕ್ರಾನ್ ಶುರುವಾದಗಲೇ ಈ ಸಿನಿಮಾ ಬಿಡುಗಡೆಯಾಗಿತ್ತು. ದಿನೇ ದಿನೆ ಏರುತ್ತಿರುವ ಈ ಹೊಸ ಸೋಂಕಿನ ಮಧ್ಯೆ ಸಿನಿಮಾ ಎದ್ದೇಳುತ್ತದೆಯೇ ಅನ್ನೋ ಭಯ ಮದಗಜಕ್ಕೂ ಕಾಡಿದ್ದು ಸುಳ್ಳೇನಲ್ಲ. “ನಿಜ, ಸಿನಿಮಾ ಬಿಡುಗಡೆ ಆದಾಗ ನಮಗೆ ಆತಂಕ ಇತ್ತು. ಪ್ರೇಕ್ಷಕರು ಕೊರೊನಾ ಭಯದಿಂದ ಮನೆಯಲ್ಲೇ ಕೂತರೆ ಗತಿ ಏನು ಅನ್ನೋ ಯೋಚನೆ ಬಂತು. ಆದರೆ, ಮೊದಲನೆ ದಿನದ ಕಲಕ್ಷನ್ ಸ್ವಲ್ಪ ನೆಮ್ಮದಿ ತಂದು ಕೊಡ್ತು. ಎರಡು, ಮೂರನೇ ದಿನದ ಪರಿಸ್ಥಿತಿ ಬದಲಾಗಿದೆ. ಪ್ರೇಕ್ಷಕ ಪ್ರಭುಗಳು ನಮ್ಮನ್ನು ಕೈ ಬಿಡಲಿಲ್ಲ. ಎಲ್ಲ ಕಡೆ ಸಿನಿಮಾ ಬಗ್ಗೆ ಟಾಕ್ ಚೆನ್ನಾಗಿದೆ” ಎನ್ನುತ್ತಾರೆ ನಿರ್ಮಾಪಕ ಉಮಾಪತಿ ಶ್ರೀನಿವಾಸ್.
ನಿರ್ಮಾಪಕರು ತಾವು ಕನಸು ಕಂಡಂತೆ ಅದ್ದೂರಿಯಾಗಿ ಸಿನಿಮಾ ಬಿಡುಗಡೆ ಮಾಡಿದ್ದಕ್ಕೆ ಒಳ್ಳೆ ಪ್ರತಿಫಲ ಸಿಕ್ಕಿದೆ. ಅದೇ ನಮಗೆ ಸಂತಸ. ಪ್ರೇಕ್ಷಕರು ನಮ್ಮ ಕೈ ಬಿಡಲಿಲ್ಲ. ಅದೇ ನೆಮ್ಮದಿ. ಮುಂದಿನ ಚಿತ್ರಕ್ಕೆ ಇದು ಸ್ಫೂರ್ತಿ ಎಂದು ಸಂತೋಷ ವ್ಯಕ್ತಪಡಿಸುತ್ತಾರೆ ನಿರ್ದೇಶಕ ಎಸ್. ಮಹೇಶ್ ಕುಮಾರ್ .
Madagaja collects 20 crores within 3 days from the date of release
ಇದನ್ನೂ ಓದಿ: ಮದಗಜ ಟ್ರೇಲರ್ ಲೋಕಾರ್ಪಣೆಗೊಳಿಸಿದ ಸಿಎಂ ಬಸವರಾಜ್ ಬೊಮ್ಮಾಯಿ
ಇದನ್ನೂ ಓದಿ: Bollywood: ವಿಕ್ಕಿ ಕೌಶಲ್‌ರೊಂದಿಗೆ ಸಪ್ತಪದಿ ತುಳಿಯಲಿರುವ ಬಾಲಿವುಡ್‌ ಬೆಡಗಿ ಕತ್ರಿನಾ ಕೈಫ್
Discussion about this post