ಮಹಿಳಾ ವಾಶ್ ರೂಂ ನಲ್ಲಿ ಹಿಡನ್ ಕ್ಯಾಮೆರಾ: ಅರೋಪಿ ವಶ

ಹೈದರಾಬಾದ್ (ತೆಲಂಗಾಣ): ಹಿಡನ್ ಕ್ಯಾಮೆರಾವನ್ನು ರೆಕಾರ್ಡಿಂಗ್ ಮೋಡ್ ನಲ್ಲಿಟ್ಟು ಕಿಡಿಗೇಡಿಗಳು ದುಷ್ಕೃತ್ಯ ಮೆರೆದ ಘಟನೆ ಹೈದರಾಬಾದ್ ನ ಜುಬಿಲಿ ಹಿಲ್ಸ್ ಡ್ರೈವ್- ಇನ್ ರೆಸ್ಟೋರೆಂಟ್ ನಲ್ಲಿ ವರದಿಯಾಗಿದೆ. ಮಹಿಳಾ ವಾಶ್ ರೂಂ ಶೆಲ್ಫ್ ನಲ್ಲಿ ಪತ್ತೆಯಾದ ಕ್ಯಾಮೆರಾ ಸಮೇತ ಓರ್ವ ಉದ್ಯೋಗಿ ಪೊಲೀಸರ ಅತಿಥಿಯಾಗಿದ್ದಾನೆ.

ಈ ಸಂಬಂಧ ಓರ್ವ ೧೭ ವರ್ಷದ ಉದ್ಯೋಗಿಯನ್ನು ಪೊಲೀಸರು ಅರೆಸ್ಟ್ ಮಾಡಿದ್ದಾರೆ. ಆತ ವಾಶ್ ರೂಂ ಸ್ವಚ್ಛ ಮಾಡುವಾಗ ಮೊಬೈಲ್ ಕ್ಯಾಮೆರಾ ಆನ್ ಮಾಡಿದ್ದ, ಇದರಲ್ಲಿ ೪ ಗಂಟೆಗಳ ಅವಧಿಯ ರೆಕಾರ್ಡಿಂಗ್ ಪತ್ತೆ ಮಾಡಲಾಗಿದೆ. ಪೊಲೀಸರು ಈ ಕುರಿತು ತನಿಖೆ ದಾಖಲಿಸಿದ್ದಾರೆ.