ವಾಷಿಂಗ್ಟನ್: ಜಗತ್ತಿನ ಅತಿ ಶ್ರೀಮಂತ ಉದ್ಯಮಿಗಳಲ್ಲಿ ಮೊದಲ ಸ್ಥಾನದಲ್ಲಿರುವ ಟೆಸ್ಲಾ ಕಂಪನಿಯ ಮಾಲೀಕ ಎಲಾನ್ ಮಸ್ಕ್ 2021ರಲ್ಲಿ 11 ಬಿಲಿಯನ್ ಡಾಲರ್ (83,000 ಕೋಟಿ ರೂ.) ತೆರಿಗೆ ಪಾವತಿಸುವುದಾಗಿ ಹೇಳಿದ್ದಾರೆ. ಆದರೆ, ಅವರನ್ನು ಶಂಕಿಸಿರುವ ಟ್ವಿಟಿಗರು, ಇಷ್ಟು ತೆರಿಗೆ ಕಟ್ಟುತ್ತೀರಿ ಎಂಬುದಕ್ಕೆ ಏನು ಪುರಾವೆ ಎಂದು ಪ್ರಶ್ನಿಸಿದ್ದಾರೆ. ಮಸ್ಕ್ ವಿರುದ್ಧ ತೆರಿಗೆ ತಪ್ಪಿಸಿರುವ ಆರೋಪ ಇದೆ. ಅವರ ಕಂಪನಿ ಗಳಿಸಿರುವ ಲಾಭಕ್ಕೆ ಕಾನೂನುಬದ್ಧವಾಗಿ ತೆರಿಗೆ ಪಾವತಿಸುತ್ತಿಲ್ಲ ಎಂಬ ಆಪಾದನೆ ಇದೆ. ಆದ್ದರಿಂದ ಮಸ್ಕ್ 11 ಬಿಲಿಯನ್ ಡಾಲರ್ ತೆರಿಗೆ ಕಟ್ಟುವೆ ಎಂದು ಮಾಡಿರುವ ಟ್ವೀಟ್ ಅನ್ನು ಅನೇಕರು ಅನುಮಾನಿಸಿದ್ದಾರೆ.
“ಅವರು ಪಾವತಿಸುವ ಟ್ಯಾಕ್ಸ್ ದೊಡ್ಡ ಮೊತ್ತದಲ್ಲಿರುವಾಗ ಅವರ ಒಟ್ಟು ಆದಾಯ ಎಷ್ಟಿರಬೇಕು? ಮಸ್ಕ್ ತೆರಿಗೆ ರಿಟರ್ನ್ಸ್ ಅನ್ನು ಒಮ್ಮೆ ನೋಡಬೇಕಲ್ಲ’ ಎಂದು ಒಬ್ಬರು ಟ್ವೀಟ್ ಮಾಡಿದ್ದಾರೆ. ಇನ್ನೊಬ್ಬರು “ಅವರ ಒಟ್ಟಾರೆ ಸಂಪಾದನೆಯಲ್ಲಿ ತೆರಿಗೆಯ ಪ್ರಮಾಣ ಎಷ್ಟು?’ ಎಂದು ಕೇಳಿದ್ದಾರೆ.
ಮಸ್ಕ್ ಅವರ ಎಲೆಕ್ಟ್ರಿಕ್ ಕಾರು ತಯಾರಿಕಾ ಕಂಪನಿಯ ಷೇರು ಕಳೆದ ಐದು ವರ್ಷದಿಂದ 2,300 ಪಟ್ಟು ಹೆಚ್ಚಳ ಕಂಡಿದೆ. ಸ್ಪೇಸ್ಎಕ್ಸ್ ಅಥವಾ ಟೆಸ್ಲಾದಿಂದ ಮಸ್ಕ್ ವೇತನ ಪಡೆಯುತ್ತಿದ್ದರೆ ಶೇ. 53ರಷ್ಟು ತೆರಿಗೆ ಕಟ್ಟಬೇಕಾಗುತ್ತದೆ ಎಂದು ತಜ್ಞರು ಹೇಳಿದ್ದಾರೆ.
Elon Musk says he’ll pay over $11 billion in taxes this year
ಇದನ್ನು ಓದಿ: Nitin Gadkari: ಚೀನಾ ಬದಲು ಭಾರತದಲ್ಲಿ ಎಲೆಕ್ಟ್ರಿಕ್ ಕಾರು ತಯಾರಿಸಿ: ಟೆಸ್ಲಾಗೆ ನಿತಿನ್ ಗಡ್ಕರಿ ಸೂಚನೆ
ಇದನ್ನೂ ಓದಿ: ಪೋರ್ಟ್ ರಿಕೊ ಕ್ರಿಪ್ಟೊ ಕರೆನ್ಸಿ ಹೂಡಿಕೆ, ಆಸ್ತಿ ಖರೀದಿಯ ಸ್ವರ್ಗ
Discussion about this post