ಅಹಮದಾಬಾದ್: ಭಾರತದಲ್ಲಿ ಮಾದಕದ್ರವ್ಯ ಜಾಲಕ್ಕೆ ಪಾಕಿಸ್ತಾನ ಕುಮ್ಮಕ್ಕು ನೀಡುತ್ತಿದೆ ಎಂಬುದು ಮತ್ತೊಮ್ಮೆ ಸಾಬೀತಾಗಿದೆ. ಪಾಕ್ ಕಡೆಯಿಂದ ಭಾರತದ ಜಲಗಡಿ ಪ್ರವೇಶಿಸಿದ ಮೀನುಗಾರರ ದೋಣಿಯನ್ನು ಗುಜರಾತ್ನ ಭಯೋತ್ಪಾದನೆ ನಿಗ್ರಹ ದಳ (ಎಟಿಎಸ್) ಮತ್ತು ಕರಾವಳಿ ರಕ್ಷಣಾ ಪಡೆ ಸೋಮವಾರ ವಶಪಡಿಸಿಕೊಂಡಿವೆ ಮತ್ತು ಆರು ಜನರನ್ನು ಬಂಧಿಸಿದೆ.
“ಅಲ್ ಹುಸೇನಿ’ ಹೆಸರಿನ ದೋಣಿಯಲ್ಲಿ 400 ಕೋಟಿ ರೂಪಾಯಿ ಮೌಲ್ಯದ 77 ಕೆ.ಜಿ.ಹೆರಾಯಿನ್ ಪತ್ತೆಯಾಗಿದೆ. ಈಗ ದೋಣಿಯನ್ನು ಕಛ್ ಜಿಲ್ಲೆಯ ಜಖಾವು ಕರಾವಳಿ ತೀರಕ್ಕೆ ತರಲಾಗಿದೆ.
ಕಳೆದ ಏಪ್ರಿಲ್ ತಿಂಗಳಲ್ಲಿ ಕರಾವಳಿ ರಕ್ಷಣಾ ಪಡೆ ಮತ್ತು ಎಟಿಎಸ್ ಸಿಬ್ಬಂದಿ ಇದೇ ರೀತಿಯ ಕಾರ್ಯಾಚರಣೆಯಲ್ಲಿ ಒಂದು ದೋಣಿ ಸಹಿತ 150 ಕೋಟಿ ರೂಪಾಯಿ ಮೌಲ್ಯದ 30 ಕೆಜಿ ಹೆರಾಯಿನ್ ವಶಪಡಿಸಿಕೊಂಡಿದ್ದರು. ಎಂಟು ಪಾಕಿಸ್ತಾನಿಯರನ್ನು ಬಂಧಿಸಿದ್ದರು. ಜಖಾವು ತೀರದಲ್ಲೇ ಆ ಕಾರ್ಯಾಚರಣೆಯೂ ನಡೆದಿತ್ತು. ಮೊಬಿರ್ ಜಿಲ್ಲೆಯ ನಿರ್ಮಾಣ ಹಂತದ ಮನೆಯೊಂದರಿಂದ 600 ಕೋಟಿ ರೂಪಾಯಿ ಮೌಲ್ಯದ ಹೆರಾಯಿನ್ನ್ನು ಎಟಿಎಸ್ ಅಧಿಕಾರಿಗಳು ಕಳೆದ ನವೆಂಬರ್ನಲ್ಲಿ ವಶ ಪಡಿಸಿಕೊಂಡಿದ್ದರು. ಆ ಮಾದಕ ದ್ರವ್ಯವನ್ನು ಪಾಕಿಸ್ತಾನಿ ಡ್ರಗ್ ಡೀಲರ್ಗಳು ಅರಬ್ಬಿ ಸಮುದ್ರದ ಮೂಲಕ ಭಾರತಕ್ಕೆ ಕಳುಹಿಸಿದ್ದರು. 2016ರಿಂದೀಚೆಗೆ ಗುಜರಾತ್ನ ಎಟಿಎಸ್ 1,900 ಕೋಟಿ ರೂಪಾಯಿ ಮೌಲ್ಯದ ಡ್ರಗ್ಸ್ ಅನ್ನು ವಶಪಡಿಸಿಕೊಂಡಿದೆ. ಈ ಪೈಕಿ 900 ಕೋಟಿ ರೂಪಾಯಿ ಮಾದಕವಸ್ತು ಈ ವರ್ಷದಲ್ಲಿ ಜಪ್ತಿಯಾಗಿದೆ.
Pakistan Boat Carrying 77 Kgs Of Heroin Seized
ಇದನ್ನು ಓದಿ: ಕಾಶ್ಮೀರಕ್ಕೆ ಉಗ್ರರ ಜತೆಗೆ ಡ್ರಗ್ಸ್ ಪೂರೈಸುತ್ತಿರುವ ಪಾಕ್; 100 ಕೋಟಿ ರೂಪಾಯಿ ಮೌಲ್ಯದ ಹೆರಾಯಿನ್ ವಶ
ಇದನ್ನೂ ಓದಿ: ಶಾರುಖ್ ಖಾನ್ ಬಿಜೆಪಿ ಸೇರಿದರೆ ಸಕ್ಕರೆ ಪುಡಿಯಾಗುತ್ತದೆ ಡ್ರಗ್ಸ್ ಎಂದ ಎನ್ಸಿಪಿ ನಾಯಕ ಛಗನ್ ಭುಜಬಲ್
Discussion about this post