ಕೂದಲುದುರುವಿಕೆ ಅಥವಾ ಬಕ್ಕತಲೆ ಇತ್ತೀಚಿನ ದಿನಗಳಲ್ಲಿ ಸರ್ವೇಸಾಮಾನ್ಯವಾಗಿರುವ ಸಂಗತಿಯಾಗಿದ್ದು ಪುರುಷರಲ್ಲಿ ಹೆಚ್ಚು ಕಾಣಿಸಿಕೊಳ್ಳುವ ಸಮಸ್ಯೆಯಾಗಿದೆ. ಇದಕ್ಕೆ ಜೀವನಶೈಲಿಯ ಸಮಸ್ಯೆಗಳು, ಒತ್ತಡದ ಜೀವನ, ಕಲುಷಿತ ವಾತಾವರಣ, ಹಾಗೂ ರಾಸಾಯನಿಕಗಳಿಂದ ಕೂಡಿದ ಆಹಾರಧಾನ್ಯಗಳು ಮತ್ತು ಸೌಂದರ್ಯವರ್ಧಕಗಳ ಬಳಕೆ ಮುಖ್ಯ ಕಾರಣಗಳಾಗಿವೆ. ಕೂದಲಿನ ಆರೋಗ್ಯದ ಬಗ್ಗೆ ವಹಿಸಬೇಕಾದ ಕಾಳಜಿಯ ಬಗ್ಗೆ ಉದಾಸೀನ ಭಾವನೆಯೂ ಇದಕ್ಕೆ ತನ್ನದೇ ಆದ ಕಾಣಿಕೆ ನೀಡುತ್ತಿದೆ. ಶಾಂಪೂ ಮುಂತಾದ ಸೌಂದರ್ಯಸಾಧನಗಳಲ್ಲೂ ರಾಸಾಯನಿಕಗಳ ಉಪಯೋಗ ಹೆಚ್ಚಾಗಿದ್ದು ಇವುಗಳನ್ನು ಬಳಸುವುದುರಿಂದಲೂ ಕೂದಲಿನ ಆರೋಗ್ಯ ಹದಗೆಡುತ್ತಿದೆ.
ಪುರುಷ ಮಾದರಿ ಬಕ್ಕತಲೆಯಂದರೆ ತಲೆಯ ಮುಂಭಾಗದಿಂದ ಪ್ರಾರಂಭವಾಗಿ ಕ್ರಮೇಣ ನೆತ್ತಿಯಿಂದ ತಲೆಯ ಹಿಂಭಾಗದ ಕೂದಲವರೆಗೂ ಕೂದಲು ಮರೆಯಾಗುವುದು ಪುರುಷರಲ್ಲಿ ಸಾಮಾನ್ಯವಾಗಿ ಕಾಣಬರುವ ಬಕ್ಕತಲೆಯ ಮಾದರಿ. ಮೊದಲು 50ರ ನಂತರ ಕಾಡುತ್ತಿದ್ದ ಈ ಸಮಸ್ಯೆ ಇತ್ತೀಚೆಗೆ 20ರ ವಯಸ್ಸಿನ ತಾರುಣ್ಯದಿಂದಲೇ ಕಾಣಬರುತ್ತಿದ್ದು ಇದಕ್ಕೆ ಕಾರಣವಾಗುವ ಅಂಶಗಳನ್ನು ಗಮನಿಸೋಣ.
1. ಸಕ್ಕರೆ ಪ್ರಮಾಣ ಹೆಚ್ಚಿರುವ ಆಹಾರಗಳ ಸೇವನೆ – ಪ್ಯಾಕ್ ಮಾಡಿದ ಹಾಗೂ ಪರಿಷ್ಕೃತ ಆಹಾರಗಳು.
2. ಗ್ಲೂಕೋಸ್ ಪ್ರಮಾಣ ಹೆಚ್ಚಿರುವ ಆಹಾರಗಳ ಸೇವನೆ – ಇದರಿಂದ ಇನ್‌ಸುಲಿನ್ ಪ್ರತಿರೋಧ ಉಂಟಾಗಿ ಕೂದಲುದುರುವಿಕೆ ಹೆಚ್ಚಾಗುತ್ತದೆ.
3. ಕೆಲವು ವಿಟಮಿನ್‌ಗಳ ಕೊರತೆಯಿಂದಲೂ ಕೂದಲುದುರುವುದು ಹೆಚ್ಚಾಗುತ್ತದೆ.
4. ಜೀವನಶೈಲಿಯ ತೊಂದರೆಗಳಿಂದ ಥೈರಾಯ್ಡ್‌ ಗ್ರಂಥಿಯ ಮೇಲೆ ಪರಿಣಾಮಗಳುಂಟಾಗಿ ಬಕ್ಕತಲೆಗೆ ಕಾರಣವಾಗಬಹುದು.
5. ಪ್ರೋಟೀನ್‌ ಪುಡಿಗಳನ್ನ ಉಪಯೋಗಿಸುವುದೂ ಸಹ ಕೂದಲುದುರುವಿಕೆಗೆ ಕಾರಣವಾಗಬಹುದು.
ಪರಿಹಾರಗಳೇನು:
1. ಆಹಾರ ಪದ್ಧತಿಯಲ್ಲಿನ ಲೋಪ-ದೋಷಗಳನ್ನು ಸರಿಪಡಿಸಿಕೊಂಡು ಉತ್ತಮ ಆಹಾರ ಪದ್ಧತಿಯನ್ನು ಅನುಸರಿಸುವುದು.
2. ಕೂದಲಿನ ಪೋಷಣೆ ಹಾಗೂ ಸುಸ್ಥತಿಗೆ ಬೇಕಾದ ಕ್ರಮಗಳನ್ನು ನಿಯಮಿತವಾಗಿ ತೆಗೆದುಕೊಳ್ಳುವುದು.
3. ರಾಸಾಯನಿಕಗಳಿರುವ ಸೌಂದರ್ಯವರ್ಧಕಗಳು ಹಾಗೂ ಶಾಂಪೂಗಳನ್ನು ಉಪಯೋಗಿಸದಿರುವುದು.
4. ಹೆಚ್ಚಿನ ಸಮಸ್ಯೆಗಳಿದ್ದಲ್ಲಿ ಪರಿಣಿತರಿಂದ ಸೂಕ್ತ ಸಲಹೆ ಪಡೆಯುವುದು.
Reasons for male pattern baldness and ways to deal with it
ಇದನ್ನೂ ಓದಿ: ಆರೋಗ್ಯವೇ ಭಾಗ್ಯ ಎನ್ನುವ ಮಾತಿನಂತೆ ಮನುಷ್ಯನಿಗೆ ಹಣಕ್ಕಿಂತ ಆರೋಗ್ಯ ಸಂಪತ್ತು ಅತಿ ಮುಖ್ಯವಾದುದು
ಇದನ್ನೂ ಓದಿ: Health: ಈ 5 ಆಹಾರಗಳು ಮಕ್ಕಳ ಮಿದುಳಿನ ಬೆಳವಣಿಗೆಗೆ ಸಹಕಾರಿ
Discussion about this post